ကျံရ်အာရ်၊ ဆငည်း(12) အခိင်ရမှိဝ်(7:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါ်ႈ တာဝူန်စော ဘိူန်းအဆာက်(36)ဆန်ုမ် မိူဝ်ႈခံင်ယိူည်ႇႎံင် (4)ထုတ်၊ ထုတ်ဒဲ့(22)ထုတ် ကစုကပိုမ် ထာန်ဇံန်(1462.6)ဂရမ် ကာည်း ပယာယီမွှေး ခံင်ယိူည်ႇလူည် ဂေါည် (126.4)ဂရမ် တောပ် ကအာင်ယာမ(113.6)ဂရမ်) ဘိူန်းတိုည်းဟာဝ်းအောႏ။
ဒီရ်;ကဇေန်နီး
ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီမာည်းအူအီး ပလှံင်ကိုက်ခည်း၊ ဇံင်( 8 )။
ကုင်တအာင်း၊ ပလှံင်အိုမ်ယ်ုရ်၊ ဖုင်ပလိက်ကုင်တအာင်းဂဲဘိူန်းတိုည်းကောန်အီမာည်းအူအီး လူည်ႇအမှုဘည်ကယာင်ဇေဝ်လိင်တကောန်ကညောမ် ပရဝ်အူရဝ်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ အီပ်ုန်(4)အီးကာည်း အီမာည်း(2)အီး ပလှံင်ကိုက်ခည်း၊ အိူင်ကိုက်ခည်း၊ ခေဲင်ကုင်တအာင်းအောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီးဘြား ဆဲင်ကယ် အီမာည်းအူအီး ပလှံင်မိူင်လိုင်၊ အိူင်မိုဂူႈ၊ ခေဲင်ကုင်တအာင်းအောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီး ဒါခံင်ယိူည်ႇ အီပ်ုန်(1)အီးကာည်း အီမာည်း(2)အီး ပလှံင်ရူကော၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။
ဘံန်ဟောည်ႇဒေဲႈ ကျံရ်ကိူရ်အူ ဆငည်း(13) အခိင်စူန်အံပ်(4:00)နြီဒိူန် ကဝ်အီဇီုဝ် တာကောလိယ အဆာက်(64)ဆန်ုမ် ဂေါည်ပရဝ်ဆာန်ဖေက် ငျားညဲ့မဴင်တီႇ ပဆဲင်ဘုက်ဒီလီပ်လှံင်ဆဘော ဇိူင်ကဒါႇလံပ်တံမ် ကာည်း တည်းကဒါႇလံပ်တံမ် ကတူႈဖေးဘာတ်။
တံပ်အွံရ်ပ်ုန်လောတ်ကပီုန်တအာင်း-PSLF/TNLA အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ဘိူန်းတိုည်းတိုအီးဒါခံင်ယိူည်ႇ(5)အီး ပလှံင်မိုဂူႈ၊ အိူင်မိုဂူႈ ၊ ခေဲင်ကုင်တအာင်း။
ဘည်မို;အ်ုန် ကျံရ်ကိူရ်အူ ဆငည်း(9) အခိင်ရမှိူဝ်(11:30)မနေဲတ်ဒိူန် ကားတာင်ကူမ်အူကြောင်ဒီန် စီယိူဝ်, လှံင်အေဲမ်ခြီရ် ဒါႈနံင်ဟာဝ်း ကဒါႇအေဲမ်ငူည် အခိင်ရောတ်ဒဒေင်လေႈဇူးဒိူန် ဂေါႇမိုႈအာဝ်ဘယ်ထိဘရိတ် ပဲန်ကပ္လါႇဟာဝ်းဘည်ဒီန်။
ပ်ုန်ဒီရ်;ဂီုန်း
