ဆဒါင် PSLF/TNLA အီရံပ်ဇီုင်းကပ္လိူင်ဂဲ ဟာဝ်းငိူပ်မေန်းအရာပ်လူမ်ဌာနတောန်နဲ ခေဲင်လှံင်အိုမ်ငျံရ် ကာည်း အရာပ်ဒီဂေါည် ကူန်ရဝ်မာဂါင်ဂဲ
28 March 2024
ဆဒါင် PSLF/TNLA အီရံပ်ဇီုင်းကပ္လိူင်ဂဲ ဟာဝ်းငိူပ်မေန်းအရာပ်လူမ်ဌာနတောန်နဲ ခေဲင်လှံင်အိုမ်ငျံရ် ကာည်း အရာပ်ဒီဂေါည် ကူန်ရဝ်မာဂါင်ဂဲ
ဆန်ုမ်2024၊ ကျံရ်အိုည် ဆငည်း (15)
ကုင်တအာင်း၊ အိူင်အိုမ်ငျံရ်၊ ကျံရ်အိုည် ဆငည်း (11)ဒိူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA အီရံပ်ဇီုင်းကပ္လိူင်ဂဲ ဟာဝ်းငိူပ်မေန်းအရာပ်လူမ်တီုင်ဌာနတောနဲ ခေဲင်လှံင်အိုမ်ငျံရ် ကာည်း အရာပ်ဒီဂေါည် ကူန်ရဝ်မာဂါင်ဂဲအောႏ။
တံပ်အွံရ်ပ်ုန်လောတ်ကပီုန်တအာင်း PSLF/TNLA တီုင်အိုမ်ဘြည်ကတာည်း အီရံပ်ဇီုင်းကပ္လိူင်ဂဲ ဟာဝ်းငိူပ်မေန်းအရာပ် ပရဝ်မာန်ဆာန် ဒီလူမ်ငံရ်စာက်၊ လူမ်အီပျံတ်ငံရ်၊ ဂါင်ဆနံမ်၊ ကျောင်ပနောဘေဲ, ကာည်း ဂါင်ဖာဆာ ဂေါည်ကူန်ရဝ်မာဂါင်ဂဲ။ ဆာင်လာင်းဟာဝ်းဘိုး လောင်ဥပဒေမူဝါဒကတာည်း ကာည်း ကနာည်နံင်ဘ္လ ဒဲ;ကတာည်း ထာင်ကဓါ;အိုမ်ဘြည်ကတာည်းဘည်နီန်အောႏ။
“PSLF/TNLA တီုင်အိုမ်ဘြည်ကတာည်း အီရံပ်ဇီုင်းကပ္လိူင်အူအီး စီက္လာင်းဒါ;” ယဲဟာဝ်းငိူပ်မေန်းအူန်း လူမ်အီဂေါည်ခေဲင်ကုင်တအာင်းတောန်နဲ၊ ဂါင်ဆနံမ် ကာည်း လောင်ဂါင်ဖာဆာကဲနီန် နံင်ဘြောင်ဟာဝ်း တောပ်ဘာည်ဥပဒေမူဝါဒကတာည်း ၊ ဆာ်မို;ကဇေန်နီန်မာ် ယဲဟာဝ်း ငိူပ်မေန်းဘိုး ကဒါ, လူမ်အီဂေါည်ခေဲင်လှံင်အိုမ်ငျံရ် ဒီကတာည်းကဆဲင်ဘ္လံမ်းကူန်ရဝ်မာဂါင်ကဲဒီန် ဘ္လဒဲ;ထာင်ကဓါ;ကတာည်း ကာည်း ကည်းဒဲ;ဧရိယာအောႏ။
ဆာ်မို; PSLF/TNLA တီုင်အိုမ်ဘြည်ကတာည်းဂဲ ဟောည်,ဘယ်ဒေ ဒံန်ခြဲဟာဝ်းဘြည် ခေဲင်လှံင်အိုမ်ငျံရ် ကပိုမ်ဂရန် ဟည်ဂေါည်(8)မှီုန်းလေ; ၊ ဆာင်းလာင်းဟာဝ်း လောင်ဥပဒေမူဝါဒ ကာည်း စီဘ္လချဟာဝ်းဂရန်ဒီကတာည်းအောႏ။
ဆန်ုမ်2023 ကျံရ်ကိူရ်အာရ် ဆငည်း (28)ဒိူန်း ဘံန်ဟောည်,ဘိူန်း PSLF/TNLA တဒေဆီမ်း လှံင်အိုမ်ငျံရ်ဒီန် ဂဲနံင်ဘြောင်ချှာင်ဟာဝ်း တောပ်လိူည်ဘည်ယန္တရား PSLF/TNLAအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists