ကုင်တအာင်း၊ ကောင်ဆံရ်ဇီုင်းခေါခါႇကုင်တအာင်း-THCဂဲ ပ္လူႈဆဒိ ကာည်း ဒဲႈဟာတ်းလံပ်ပိင်ငျာဘည်လိုဒံန်ခြဲခေါခါႇ တကူန်ရဝ်မာဂါင် လောင်ရောဂါကာ်ႇနှာမ်ဘိုန်း-(Dengue Fever) ဘည်ဇိုချီုင်ခ္လါည်းခိင်ခါဝ် အောႏ။

ကုင်တအာင်း၊ ကောင်ဆံရ်ဇီုင်းပိင်ငျာကုင်တအာင်း- TLECဂဲ ဆာ်ႈအွံရ် ဘယ်‌ရေဲန်ပါင်ကမိုန် ကီရ်ပ္လဒဲႈဇီုင်းကာန်ဖ္လူမ် လောင်ဘည်နံင်ဒံန်ခြဲ ဘည်လာည်းအမျြံတ်တေဲင်လံပ်လိင်၊ တေဲင်ဘည်ရေဲန်ဟောမ်လာပ်လာပ်လိုည်လိုည် ကာည်း ဘည်ဟူရ်ႈကဒူရ်ဘားကဘူည်ကဲဂဲဒီန် ကိက်ပ္လေႈဘည်ငိူပ်မေန်းဒံန်ခြဲ မူဝဒါ PSEAH Policy Development Workshop)ဒီန် ဘံန်ဟောည်ႇဒေဲႈ ကျံရ်အူကိူရ်၊ ဆငည်း(21) ရောတ် ဆငည်း(23) အောႏ။

ကုင်တအာင်း၊ ခေဲင်လှံင်ကုင်ငေါှ ကနာည်ဇီုင်းကာန်ပဇာရ်ခေဲင်အရာပ်အရာဒါင်းဇာရ် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ ကယေင် တောႇ ရေဲန်ပါင်ကမိုန်ကတူႈကငျား တောပ်တာဘြောင်ချှာင်ရဝ် ပလှံင်ကုင်ငေါှ ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(9)ဒိူန်အောႏ။

ကော်မတီတီုင်ဘြောင်ချှာင် ရိူရ်ႈလေႈပ္လါႇဘေဲႇ ဂေါပ်မိုႈ နံင်ႎီရ်ဘြဲဆာဟာဝ်းဒေင် လှံင်အေဲမ်ခြီရ် ကာည်း ဒေင်လှံင်အေဲမ်ငူည် ဇိုချီုင်ဘြဲဆာ‌ဒေင်ဒီန် နှာင်းဘီဟာဝ်းကာတာင်ကူမ်း ဇူႈဆငည်း(10) ကျံရ်ကိူရ်အူ၊ ရောတ် ဆန်ုမ်2027၊ ကျံရ်အူ၊ ဆငည်း(31) အူကဇေန်းအောႏ။