ပလှံင်အိုမ်ယ်ုရ် ၊ ရဝ်နံမ်လီန်း ကျံရ်အာရ် ဆငည်း(12) အခိင်ခီညှာ(10:30)နြီဒိူန် ဂါင်တာအလူန်း ဆွံရ်အူန်းဘ္လောမ်ႎှုင် တဘက်ထရီ ဂေါႇႎှုင်တာမှည်ဘ္လောမ် ပဲန်ပဒူႈ ဇူႈပဲန်ဟာဝ်းငံရ်က္လိုႇ။ ဂေါႇပဲန်ငံရ်က္လိုႇဘည်ဒီန် ဂြိုခြီုင်ဂေါည်ခေဲင်ဂါင်ဂဲပါ်ဒိုႇဒိုည်ႇ ငံရ်က္လိုႇကဆူမ်းဟာဝ်းဒိုည်ႇ ကစုကပိုမ်ထာန်ကဆူမ်းဟာဝ်းမိုႈ ရိူန်း(600)ဆဲန်လိူဝ်ႈ။
ဒီရ်;ကဇေန်နီး
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ရေဲန်ဟောည်ဟာဝ်း ပ္လေါည်ပ္လိုတ်ႎါင်ပနောဖီုက်လျှံင် အီအွံရ်တံပ်လိူဝ်ႈ(2)ကာည်း ဇီုင်းကာန်လူမ် ခည်မို ကျံရ်ကိူရ်အာရ် ဆငည်း(15) အခိင်ခီညှာ(9:00)နြီရောတ် ရဆံန်(12:00)နြီဒိူန်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပျံတ်ယံတ်ငံရ်ဂဲ ဟောည်ႇရေဲန်ပ္လေါည်ပ္လိုတ် ႎါင်ပနောပျံတ်ငံရ် ခည်မိုႈ ကျံရ်ကိူရ်အာရ်၊ ဆငည်း(10)ဒိူန် ပလှံင်အိုမ်ငျံရ်၊ ခေဲင်ကုင်တအာင်းအောႏ။
ကုင်တအာင်း၊ အိူင်ကိုက်ခည်း၊ လှံင်ကိုက်ခည်း ရေဲန်ဟာဝ်းပ္လေါည်ရံပ်ရိုႈ ဘည်ရောတ်ဒေဲႈ ဆငည်းအခွါင်းအရေးကံမ်ဖာ ဆငည်း( 10)၊ ကျံရ်ကိူရ်အာရ် အောႏ။
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်ဟိုႎါန်၊ လှံင်ကိုက်ခည်းကာည်း ရဝ်နော်င်ဆီမ်း လှံင်မာဝ်းႎံင်း၊ ခေဲင်ကုင်တအာင်းအောႏ။
ပ်ုန်ဒီရ်;ဂီုန်း
