ဆဲႈဒီန် ကနာည် အီမိုႈဆူနာ ဘ်ုပ်ရောဂါ အိတ်ခ်ျအိုင်ဗွီ (HIV) နှာင်းစေတ်မေန်းဒဲႈဟာဝ်း ကတောမ် ကာည်း မာဝ်းလာတ် (Function) ဟောည်ႇဒီန် နှာင်းကဇောည်ဒဲႈဟာဝ်းဆနံမ်းဟောမ်-ARTဘည်နှဲရဒေင်ပ္လချအူန်း ဆြာဆနံမ်။ ဆူနာဂဲ အီဘ်ုပ် ရောဂါတီဘီ (TB) ကာည်း အိတ်ခ်ျအိုင်ဗွီ (HIV)ဂဲဒီန် မာ်အာဝ်ကတ်ုတ်ကဘြီူရ်ႈ ဘိူန်းဒေဆနံမ်းဟာဝ်းလလမှီူမ်မှီူမ် ငိူပ်မေန်းထာန်ဒိုင်းဒေင်အ်ုန် ယုင်ဆနံမ်းဂဲ နှာင်းကဇောည်ဒဲႈဟာတ်း စရိက်ဒေင်။

ခေဲင်ပ္လံက်တံင်ဇူႈကျောင်ဒီန် ဇူႈပနောဟာဝ်း Programming ကာည်း Software Development မာ်ဂေါပ်ဘိူန်းလီပ်‌ရေဲန်ဟာဝ်းဇီုင်းကာန်။ ဆဲႈဒီန် နှာင်းအာဝ်မိုႈဘိူည် ပနောဟာဝ်း (သီအိုရီ) နှာင်းပနောဒဲႈဟာဝ်း ပ်ုန်ဘာည်းအခ်ု ကာည်း Real-World Projectဂဲ မာ်ႎါင်ပနောကံပ်ဟောည်ႇဟာဝ်း ဆိင်ဒေဲႈအယ်ညှူမ် ဇီုင်းကာန်- IT ရောတ်ဒေဲႈ ဟိုက်ကျောင်နီန် အောႏ။

ပ်ုန်ကယေင် ဖုင်ဘေဲႇတအာင်းဂဲ မိုႈ နှာင်းဘေဲႇလူမ်တအာင်းနီန် ကတာႈဒါင်းဇာရ်ဘည်ဇည်းကလဲ့ကဒေါမ်တောန်ဒီ ဘယ်ဒါဟာဝ်းဘေဲႇလူမ်တအာင်းနီန် စိႎိူဝ်ႈဟာဝ်းႎါင်ပနောဘေဲႇလူမ်တအာင်း ပရဝ်(182)ရဝ် အိုမ်ယ်ုရ်၊ အိုမ်ငျံရ်၊ ရူကော၊ အေဲမ်ခြီရ်၊ ကိုက်ခည်း၊ မာဝ်းႎံင်း၊ လာဆေဝ်၊ မူစယ်၊ မှိူမ်မီုတ် ကာည်း မိုဂူႈ။

ပ္လါႇဘေဲႇအီဟြာင်းဟိုက် ကနာည်ႎါင်ပနောကျောင်နီန် ဟည်လာက်ခါမ် ခည်မိုႈကျံရ်တာရ် ဆငည်း(15)ဒိူန် ဟည်စေတ်မေန်းရံရ်ႈဟောည်ႇဟာဝ်း တောပ်လိူည်ဘည်ပ္လအူန်း အိုမ်လှတာန်းဘေဲႇ ခေဲင်အဆာက်(18)ဆန်ုမ်ရောတ် အဆာက်(30)ဆန်ုမ် ကောန်တဘိုက်(36)အီး။

ပလှံင်အိုမ်ငျံရ်၊ ဘံန်ဟောည်ႇဒေဲႈ ကျံရ်တာရ်၊ ဆငည်း(9) အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ စိဘိူန်းတိုည်း တာဆိုထွေး ဘိူန်းအဆာက်(38)ဆန်ုမ် ဒါခံင်ယိူည်ႇ၊ ကျံရ်တာရ်၊ ဆငည်း(15)ဒီန်မာ် ဘိူန်းတိုည်းဘို တာယန်ကင်ကြဲ ဘိူန်းအဆာက်(52)ဆန်ုမ် မိူဝ်ႈခံင်ယိူည်ႇ ကာည်း ဂြူစာက်ပ်ုန်နှာင်းဒါ ခေဲင်ခံင်ယိူည်ႇ အောႏ။

ကောင်ဆံရ်ဇီုင်းပိင်ငျာကုင်တအာင်း-TLEC ပ္လိူရ်ႈလေႈဒါႈ ပ်ုန်ကယေင်မောကံပ် ကောန်ကျောင်အီအံင်(12)ဂဲ ခေဲင်ကုင်တအာင်းနီန် ကာည်း မောကံပ်ဘယ်ခီုတ် ပိင်ငျာချှံန်ဇာရ် ဘည်ပ္လအူန်းကုင်ကံမ်ဖာ ကောန်ကျောင်ဂဲ အီမိူဝ်ႈကီန်းဒည်း ကနာည်ဘိူန်းဒေဆီုပ်ပနောလာည်းပိင်ငျာချှံန်ဇာရ် ဇူႈတောႇကောန်ကျောင် ကနာည်ဟိုက်ႎါင်ပနော ကျောင် GED လိူဝ်ႈ(1) လှေင်(15)ကျံရ် ပ်ုန်ကပိုမ်ႎိူဝ်ႈဟာဝ်း BEAM Education Foundation ကာည်း ကောင်ဆံရ်ဇီုင်းပိင်ငျာကုင်တအာင်း-TLEC ။