ပါင်ကတူႈကငျားဒီန် ကဘ္လာင်းဒဲႈဟာဝ်း ဘည်ပနောဒဲႈဟာဝ်းႎါင်ပနောပ္လံက်တံင်ဇူႈကမာည်း ခေဲင်2026-2027 (Competency Based Curriculum Framework)။ ဆဲႈဒီန် TLECဂဲ စေတ်မေန်းဘိုတိုပိုင်ပြီမ် ကာည်း စေတ်မေန်းပ္လချုဒဲႈ ကဆီုဝ်ဇီုင်းကာန်မာ် ဟံပ်ပဘိုကမိုန်ဟာဝ်းအောႏ။

ခေဲင်စေတ်မေန်းဒီန် ဆဲင်ဆနံမ်ဂဲ မိူဝ်ႈလေႈကနံဝ်ဘိူန်းယံင်းယောည် / ယံင်းတရူမ်တဇူပ်၊ မိူဝ်ႈလာ့်တောပ်ခေါပ်ပြာႇထာန်ပ္လချူအူန်း၊ မိူဝ်ႈလာ့်ခေါပ်ပြာႇအူန်းဆနံမ်ကတီးကရီး၊ မိူဝ်ႈလာ့်အီယံင်း ဆနံမ်ကယော ကာည်း ဆနံမ်ဒီတ်ဒိုႇ။

‌ခေဲင်ပါင်ကတူႈကငျားဒီန် ကမိုန်ဟာဝ်းလောင် ဘည်ပနောဘေဲႇ၊ ဘည်နှဲရဒေင်ပနောဘေဲႇ ကာည်း ဘည်ပ်ုန်‌ရေဲန်အလှီးအခ်ုပနောဘေဲႇ တာဆြာ/ယာဆြာဂဲ အူန်းအ်ုန်ပဲန်အမဒါင်းကမိုန်ဟာဝ်း။ ကျောင်ဂေါည်ခေဲင်အရာပ်အရာမာ် ဘည်ကတူႈ တိူရ်ႈလိူဝ်ႈယိူဝ်းကီန်းဒည်း တာဆြာ/ယာဆြာဂဲ ကာည်း ပ်ုန်လိုအမဒါင်းအ်ုန် ကနာည်ဘယ်ပဘိုပနိုက်ဒဲႈ ပံပ်နှဲရဒေင်ဒီန် ကမိုန်ဘြဲဆာဟာဝ်းအောႏ။

ဘည်မိုႈဘာည်းဘည်အ်ုန် လံန်ဟောည်ႇဒေဲႈ ကျံရ်တီမ်၊ ဆငည်း(13)၊ အခိင်ရဆံန်(11:15)မီနေတ် မည်းနာညထူန်းဒီန် ကနိုက်‌ဂေါည်ခေဲင်ဂါင် အခိင်အ်ုန်ကနိုက်ဘည်ဒီန် ဟံန်အီတိုစိလီပ်ဒေဲႈ စိဂျံပ်ဟာဝ်းဇိူင်အ်ုန်။