ပလှံင်အိုမ်ယ်ုရ် ကာည်း ခေဲင်လှံင်ရူကော ဖုင်ပလိက်ကုင်တအာင်းဂဲ ဘိူန်းတိုည်း အီကဇိူရ်ႈကယံင်းခံင်ယိူည်ႇ(3) ကာည်း အီမိူဝ်ႈအူန်းခံင်ယိူည်ႇ(2)အီး
အိုမ်ယ်ုရ်၊ ကျံရ်ကိူရ်အူ၊ ဆငည်း(18)
ဆဒါင်ကုင်တအာင်း
ကုင်တအာင်း၊ ပလှံင်အိုမ်ယ်ုရ် ကာည်း ခေဲင်လှံင်ရူကော ဖုင်ပလိက်ကုင်တအာင်းဂဲ ဘိူန်းတိုည်း အီကဇိူရ်ႈကယံင်းခံင်ယိူည်ႇ(3) ကာည်း အီမိူဝ်ႈအူန်းခံင်ယိူည်ႇ(2)အီး။
ဘည်မိုႈဘာည်းဘည်အ်ုန် ဘံန်ဟောည်ႇဒေဲႈ၊ ကျံရ်အူကိူရ်၊ ဆငည်း(29) ပလှံင်အိုမ်ယ်ုရ်၊ ဖုင်ပလိက်ကုင်တအာင်းဂဲ ဘိူန်းဆဒါင် ဒါႈ ပဇံင်ဇယန်းမြောက် မိူဝ်ႈအီကဇိူရ်ႈကယံင်းခံင်ယိူည်ႇ ဘ်ုန်ဟာဝ်းစေတ်မေန်း ဘိူန်းတိုည်း တာအိုက်အူ ဘိူန်းအဆာက်(43)ဆန်ုမ် တောပ် ကအာင်းယာမ(30.5)ဂရမ် ကာည်း ဂြူပ်ုန်ဒါတောပ်ခေဲင်ခံင်ယိူည်ႇအောႏ။

မိုႈဘို ပလှံင်ရူကော၊ ခမိုစေကော်၊ ရဝ်လောည်ခံမ်း ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(6)၊ အခိင်ရမှိူဝ်(10:30)နြီ ဖုင်ပလိက်ကုင်တအာင်းဂဲ ဘိူန်းဆဒါင် ဒါႈ မိူဝ်ႈအီဒါခံင်ယိူည်ႇ ဂေါပ်ဘည်ဒီန် ဖုင်ပလိက်ကုင်တအာင်းဂဲ စိဟာဝ်းစေတ်မေန်း ဘိူန်းတိုည်း မာည်းအိုက်လိုင် ဘိူန်းအဆာက်(18)ဆန်ုမ် ကာည်း တာပါင်အူး ဘိူန်းအဆာက်(29)ဆန်ုမ် ကဂေါပ်တောပ် ကအာင်းယာမ(130)ကအာင်းဘိူန်းဆီမ်ဟာဝ်းဒိုႇအောႏ။

ဆဲႈဒီန် ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(13)၊ အခိင်စူန်အံပ်(6:30)နြီ ပဇံင်ဟိုခို ဖုင်ပလိက်ကုင်တအာင်းဂဲ ဘိူန်းဆဒါင်ဒါႈ ယာယေယူန်း ဘိူန်းအဆာက်(48)ဆန်ုမ် ကာည်း လိုည်းယေနွေအူး ဘိူန်းအဆာက်(19)ဆန်ုမ် ဂါရ်မိူဝ်ႈအူန်းခံင်ယိူည်ႇ ကအာင်းယာမ(130)ကအာင်း ဖုင်ပလိက်ကုင်တအာင်းဂဲ တိုည်းဆီမ်းဟာတ်းဒိုႇအောႏ။

ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေးတောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။
ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(2) အခိင်ရဆံန် ပလှံင်မိူင်းလိုင်၊ ခမိုတောင်နီ၊ ရဝ်ပိန်အန် ဘိူန်းဆဒါင် ဒါႈ မိူဝ်ႈအီကဇိူရ်ႈကယံင်းခဲင်ယိူည်ႇ ဂေါပ်ဘည်ဒီန် ဖုင်ပလိက်ကုင်တအာင်းဂဲ ကာည်း အီရံပ်ဇီုင်းခေဲင်ရဝ် ကစုကပိုမ်ဒေ ဟာတ်းစေတ်မေန်း ဘိူန်းတိုည်း ယာနန်းမာည်း ဘိူန်းအဆာက်(48)ဆန်ုမ် တောပ်ခံင်ယိူည်ႇကအာင်းယာမ(1,409)ကအာင်း၊ ႎှုင်(1)ပိုင်၊ ရိူန်း(1,770,000)ဆဲန်ဘျာလလအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists