ဆဒါင် PSLF/TNLA တီုင်ကောန်အီပ်ုန်ဟြေဲ;ဒါင်းဟိုက်ဇာရ်ဂဲ ဆောအွံရ်ရေဲန်ဟာဝ်း ပ္လေါည်ဆငည်းကောန်အီပ်ုန် ပါ်ကံမ်ဖာ
28 March 2024
ဆဒါင် PSLF/TNLA တီုင်ကောန်အီပ်ုန်ဟြေဲ;ဒါင်းဟိုက်ဇာရ်ဂဲ ဆောအွံရ်ရေဲန်ဟာဝ်း ပ္လေါည်ဆငည်းကောန်အီပ်ုန် ပါ်ကံမ်ဖာ
ဆန်ုမ်2024၊ ကျံရ်အိုည် ဆငည်း (11)
ကုင်တအာင်း၊ အိူင်မာန်အော်မ်၊ ပလှံင်အေဲမ်ခြီရ် ခည်မို; ကျံရ်အိုည် ဆငည်း(8)ဒိူန်း PSLF/TNLA တီုင်ကောန်အီပ်ုန်ဟြေဲ;ဒါင်းဟိုက်ဇာရ်ဂဲ ဆောအွံရ်ရေဲန်ဟာဝ်း ဆငည်းကောန်အီပ်ုန် ပါ်ကံမ်ဖာ (International Women’s Day)ဒီန် ဇူ;အခိင်ညှာ (9)နြီ ရောတ် (12)နြီ ရေဲန်ဟောည်,ဟာဝ်းအောႏ။
ခေဲင်ပ္လေါည်ဆငည်းကောန်အီပ်ုန်ပါ်ကံမ်ဖာဒီန် အ်ုန်အီမို; တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ် ခူန်ချုဒါင်း တားဇိုက်ဇာရ် ၊ ခူန်၊ဓါန်ခူန်၊ ကောန်ဆီုက်၊ လိုည်းနာန်းအယ်ဂဲ ကာည်း ကူန်ရဝ်မာဂါင် အီဂေါည်ပလှံင်အေဲမ်ခြီရ်ဂဲ ဟိုက်ရောတ်ဒေဲ;အောႏ။ အခိင်ဝိူဝ်;ဟာဝ်းပ္လေါည်ဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ် ခူန်ချုဒါင်း တားဇိုက်ဇာရ် စီက္လာင်း ဟာဝ်းကြော;တံမ်း၊ ယာတီုင်အွံရ် တီုင်ကောန်အီပ်ုန်ဟြေဲ;ဒါင်းဟိုက်ဇာရ် ခူန်နာန်းဒါင်း ယေကာ ကာည်း တားပလိက် ခူန်နာန်း နောရိူန်းမာ် က္လာင်းဟာဝ်းကြော;တံမ်းခေဲင်ပ္လေါည်ဒီန်အောႏ။
ခေဲင်ပ္လေါည်ဒီန် စီကဘ္လာင်းဆာင်လာင်းဟာဝ်း ဘည်ဘာည်းဒေပျိူဝ်,ယိူဝ်,ဒေဲ; ဆငည်းကောန်အီပ်ုန် ပါ်ကံမ်ဖာ၊ တောပ်ဘိုး ဇီုင်းကာန်ပ်ုန်ရေဲန် တီုင်ကောန်အီပ်ုန်ဟြေဲ;ဒါင်းဟိုက်ဇာရ် ကာည်း ဘည်ကတူ;အီးနဘာည်းတေဲင်ကောန်အီပ်ုန် ခေဲင်ကုင်တအာင်းအယ်အောႏ။
ပ်ုန်ကယေင်ဝိူဝ်;ဟာဝ်း ပ္လေါည်ဆငည်းကောန်အီပ်ုန်ပါ်ကံမ်ဖာနီန်မို; ဆိင်ဒဲ;ကောန်အီပ်ုန်ဂဲဒို,ဒိုည်, နံပ်လောင်ဆငည်းကောန်အီပ်ုန်ပါ်ကံမ်ဖာနီန်၊ လောင်ပ်ုန်နှာဘာည်းတေဲင်ကောန်အီပ်ုန်ဂဲ နံင်ဟြာည်ကမာ်;ဒေဲ;၊ လောင်အခွါင်းအရေးကောန်အီပ်ုန် ကာည်း နံင်အယ်နံပ်ဒေမှာန်း ပ်ုန်ဘိူန်းအယ်၊ နံင်အယ်နံပ်ဒေဆမားဒါး ကာည်း ဒဲ;အယ်လီပ်ကဖြောမ်ကရောမ်တောပ် ဇီုင်းကာန်ပ်ုန်ရေဲန် တီုင်ကောန်အီပ်ုန်ဟြေဲ;ဒါင်းဟိုက်ဇာရ်၊ ဆဲ;ဒီန် လောင်ပ်ုန်နဘာည်းစူမ်ကောန်အီပ်ုန် ခေဲင်ရဝ်ဂါင်ကဲနီန်မာ် ဆိင်ဒဲ; ကောန်အီပ်ုန်အီဂေါည်ခေဲင်ရဝ် ဂဲပါ်ဒို,ဒိုည်, လီပ်ကဖြောမ်ကရောမ်တောပ် တောန်ကဝ်တောန်အီးအောႏ။
ခေဲင်ပ္လေါည်ဆငည်းကောန်အီပ်ုန်ပါ်ကံမ်ဖာဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ် ခူန်ချုဒါင်း တားဇိုက်ဇာရ် ၊ စူမ်ကိင်ကောန်အီပ်ုန်၊ ခူန်ဓါန်ခူန် တောန်တီုင်ဌာန ကာည်း ကူန်ရဝ်မာဂါင်အီဂေါည် ပလှံင်အေဲမ်ခြီရ်ဂဲ ကစုကပိုမ် ဂေါည် (500)အီးလေ; ဟိုက်ရောတ်ဒေဲ;အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists