ဆဒါင် တီုင်ခေါခါ,ဂဲ ဟောည်, ဘယ်ဒေဝီရ်ရေဲန်ဇီုင်းကာန် ကပါ်,ကပံန် ပဂါင်ဆနံမ် လှံင်အိုမ်ငျံရ်
28 March 2024
ဆဒါင် တီုင်ခေါခါ,ဂဲ ဟောည်, ဘယ်ဒေဝီရ်ရေဲန်ဇီုင်းကာန် ကပါ်,ကပံန် ပဂါင်ဆနံမ် လှံင်အိုမ်ငျံရ်
ဆန်ုမ်2024၊ ကျံရ်(3)၊ ဆငည်း (16)
ကုင်တအာင်း၊ အိူင်အိုမ်ငျံရ်၊ လှံင်အိုမ်ငျံရ် ပဂါင်ဆနံမ်ကူန်ရဝ်မာဂါင်ဒီန် တာဆြာဝူန်းဒါင်း CDM ကာည်း တာဆြာ/ယာဆြာအီလီပ် CDMဂဲ ဟောည်,ဘယ်ဒေဝီရ်ရေဲန်ဟာဝ်း ဇီုင်းကာန်ကပါ်,ကပံန် ပဂါင်ဆနံမ် လှံင်အိုမ်ငျံရ်အောႏ။
ဆာ်မို; ပဂါင်ဆနံမ်လှံင်အိုမ်ငျံရ်ဒီန် ယာဆြာတီုင်ခေါခါ, ကပိုမ်ဂေါည် (18)အီး ခေဲင်ဒီန် အ်ုန်တောပ်ဘိုး တာဆြာဝူန်ဒါင်း ဂဲအီဂေါည် ပကုင်ဘြာန် အီဆမားလောင်ဆနံမ် ကာည်း တာဆြာ/ယာဆြာဂဲ အီလီပ် ဖုင်CDM မို;ဘိုး ဖုင်ခေါခါ, ကူန်ရဝ်မာဂါင် CBHTဂဲအောႏ။
ပ်ုန်ဘိူန်း တံပ်အွံရ်ပ်ုန်လောတ်ကပီုန်းတအာင်းPSLF/TNLA တဒေဆီမ်းဟာဝ်း လှံင်အိုမ်ငျံရ်ဒီန် ဂဲနံင်ရီန်းရဲတ်ဒေ ဘြောင်ချှာင်ဟာဝ်း တောပ်လိူည် ဘည်ယန္တရား PSLF/TNLA ကာည်း နှာင်ငိူပ်မေန်းဟာဝ်း ခေါခါ,ကူန်ရဝ်မာဂါင်ဂဲ ကတီးကရီးအောႏ။
ခေဲင်ဂါင်ဆနံမ် လှံင်အိုမ်ငျံရ်ဒီန် ဂေါ,မို; ပ်ုန်လို ကာည်း ဘည်တိုအီးအာဝ်ကိုမ်ဒါမာ် နံင်ရီန်းရဲတ်ဒေငိူပ်မေန်းဟာဝ်း လံပ်ခေါခါ,ကူန်ရဝ်မာဂါင်ဂဲ တောန်အခိင်(24)နြီဘည်ဒီန်အောႏ။
အီရံပ်ဇီုင်းကပ္လိူင် တီုင်ခေါခါ, အူအီး စီက္လာင်းဒါ;” ဂေါ,မို; အယ်ခေါ်ဇူ;ဒေဝိူဝ်; မိူဝ်;အူန်း ဘည်ပ်ုန်လိုကဲနီန်မာ် ယဲနံင်ရီန်းရဲတ်ဒေငိူပ်မေန်းဟာဝ်း ခေါခါ,ကူန်ရဝ်မာဂါင်ဂဲ ခေဲင်နီန် အ်ုန်တောပ်ဂီုန်း တာဆြာ/ယာဆြာကဲ အီလီပ် CDM ဘည်အနေယဲ PSLF/TNLA ရံပ်ရို;အူန်းဆေဆေ ဂဲအီလီပ်ကဖြောမ်ကရောမ်တောပ်ယဲအောႏ။
လှံင်အိုမ်ငျံရ်ဒီန် ခည်မို; ဆန်ုမ်2023၊ ကျံရ် (9) ဆငည်း (18)ဒိူန်း တံပ်အွံရ်ပ်ုန်လောတ်အပီုန်တအာင်းPSLF/TNLAဂဲ ဘယ်ပွံတ်ဒေဆီမ်ဟာဝ်း တဆီုက်ဘြာန်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists