ဇူႈတောႇဟာဝ်းကောန်ကျောင် ကနာည်းကျောင်ဘြောင်ချှာင် လိူဝ်ႈ(3) ပ်ုန်အွံရ် ႎိူဝ်ႈဟာဝ်း တီုင်ဘြောင်ချှာင်
အိုမ်ယ်ုရ်၊ ကျံရ်ကိူရ်အူ၊ ဆငည်း(16)
ဆဒါင်ကုင်တအာင်း
ပ်ုန်ကယေင် တံပ်အွံရ်ပ်ုန်လောတ်ကပီုန်တအာင်း- PSLF/TNLA တီုင်ဘြောင်ချှာင်ဂဲ ဇူႈတောႇဟာဝ်းကောန်ကျောင် ကနာည်းကျောင်ဘြောင်ချှာင်လိူဝ်ႈ(3)နီန်မိုႈ မောကံပ်ဘယ်ပျေဲႈလေႈ ကောန်တဘိုတ်လီပ်ရေဲန်ဇီုင်းကာန်ခေဲင်တီုင်ဘြောင်ချှာင်နီန် ကဆီုဝ်တီုင်ဘြောင်ချှာင်ဂဲ စိရိူရ်ႈလေႈပ္လါႇဘေဲႇဇူႈတောႇဟာဝ်းကောန်ကျောင်အောႏ။


ကဆီုဝ် အီဟြာင်းပ္လါႇဘေဲႇဟိုက်ကျောင်ဘြောင်ချှာင်နီန် လိုအ်ုန်မိုႈအီ ဘိူန်းအဆာက် ခေဲင်(25)ဆန်ုမ်၊ လိုအ်ုန်မိုႈအီခေါခါႇပဲန်။ ဆဲႈဒီန် ကဆီုဝ်လံပ်ပိင်ငျာ လိုအ်ုန်မိုႈအီဟောည်ႇဘိူန်းဘွည်ႇ၊ လိုအ်ုန်မိုႈအီအံင်- Grade 12 ကာည်း လိုအ်ုန်မိုႈအီအချံင်ပဲန်/ကျ။ ဆာ်ႈမိုႈကျောင်ပ်ုန်ႎိူဝ်ႈအူလိူဝ်ႈနီန် ကောန်အီပ်ုန်ဂဲမော ဘိူန်းလီပ်ဟြာင်းဟိုက်ကျောင်နီန်အောႏ။


ကျောင်နီန် ကဆီုဝ်ကဲအီတောပ်နောႈ ဘိူန်းအူန်းလီပ်ပနိုက်ပ္လါႇခေဲင်- Google Form ကာည်း ဘိူန်းအူန်းရောတ်ပါ်ပနိုက်ပ္လါႇဘေဲႇခေဲင်တီုင်ဌာန မောဘိူန်းအူန်းအောႏ။ ဆာ်ႈမိုႈ ဆငည်းဘီပ္လါႇဘေဲႇ နံင်မိုႈ ဆငည်း(30)၊ ကျံရ်ကိူရ်အူအောႏ။


ပ်ုန်ကယေင်ႎိူဝ်ႈဟာဝ်းကျောင်ဘြောင်ချှာင်နီန်မိုႈ နံင်ကာပ်ဘိူန်းရေဲန်လိူရ်ႈတငါည်းပ်ုန်ဘာည်းအခ်ုပဇာရ်ဟာဝ်း မူဝါဒ ဇီုင်းကာန်တံပ်အွံရ်ပ်ုန်လောတ်ကပီုန်တအာင်း- PSLF/TNLA ၊ နံင်ကာပ်ဘယ်ပျေဲႈလေႈ ကောန်တဘိုတ် အီထာမ်းဟာဝ်းဇီုင်းကာန်ဘြောင်ချှာင်ကုင်တအာင်း အီနံင်ဒေဲႈ(အနာဂတ်)၊ မောကာပ်ဆမားရေဲန်ဟာဝ်းဇီုင်းကာန်တီုင်ဘြောင်ချှာင် ဘည်ရေဲန်ဘည်မိုႈအခ်ု၊ မောကာပ်ဘယ်လီပ်ကဇောည်ဟာဝ်း ဇီုင်းကာန် တီုင်ဌာနအီဟံရ် ခေဲင်တံပ်အွံရ်ပ်ုန်လောတ်ကပီုန်တအာင်း- PSLF/TNLA အောႏ။

ကျောင်ဘြောင်ချှာင်ပ်ုန်ဟောည်ႇႎိူဝ်ႈအာည်ႇနီန် လိူဝ်ႈ(2)ဒိူန် ဇူႈႎိူဝ်ႈဟာဝ်းခေဲင်ဆန်ုမ်-2023 ကျံရ်အာရ်၊ ဆငည်း(7) ရောတ် ဆန်ုမ်-2024၊ ခေဲင်ကျံရ်ကိူရ်အာရ် ကျောင်ဟောည်ႇဟာဝ်းအောႏ။ ကောန်ကျောင်အီဟိုက်အံင်ဟောည်ႇဟာဝ်း ဂေါည်(55)အီးလလ အောႏ။

ကျောင်ဘြောင်ချှာင်ပ်ုန်ႎိူဝ်ႈကဇေန်းနီန် လိူဝ်ႈ(3)နီန် ထာန်လှေင်ႎါင်ပနောအယ် နံင်မိုႈ (2)ဆန်ုမ်အောႏ။ ခေဲင်ဇူႈအူ ဖါဆာပ်ုန်နောႈဟာဝ်း ဘေဲႇလူမ်တအာင်း၊ ဘေဲႇအင်ဂလိတ်၊ ဇီုင်းကာန်လူမ် ကာည်း ကဆီုဝ်ပ္လိူရ်ႈပ်ုန်နံပ်။ ခေဲင်ဇူႈအာရ် နံင်ပနောဒဲႈဟာဝ်း လံပ်ပိင်ငျာ တံင်ဇူႈအရေးတီုင်ကုင် ကာည်း အရေးတီုင်ကုင်ချှံန်ဇာရ်။ ဆဲႈဒီန် ခေဲင်ဇူႈအိုည် ပနောဒဲႈဟာဝ်း ဖါဆာ ဇီုင်းကာန်ဘြောင်ချှာင်အောႏ။
ဆာ်ႈအယ်ဆိင်နံပ် လောင်ကဆီုဝ်ကျောင်ဘြောင်ချှာင်ဒီန် ဘိူန်းအူန်းကဆီုပ်ကဘား တတီုင်ဘြောင်ချှာင် - PRC၊ တေဲင်Facebook page- Messenger၊ ဆဲႈဒီန် ခေဲင်- အီးမေးလ် [email protected] - ကဆီုပ်ဒဲႈႎှုင်-09-669 990 682 အောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists