ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ပ်ုန်ကယေင်မောကံပ်ဘယ်ပြိူဝ်ႈပျေဲႈလေႈ အီအွံရ်ကောန်တဘိုက်ဘံန်နံင်ဒေဲႈ ကာည်း မောကံပ်ဘယ်ပျိူဝ်ႇဆနီတ်ႎှဲတ်ဒရဲရ်ဒီမိုကဆီ ခေဲင်ကုင်တအာင်းနီန် အီမိုႈ ရခြူမ်ကုင်မျံမ်တီုင်ရျံရ်ႈရဇံင်းလံပ်ပိင်ငျာ(Tea Land Education Foundation - TLEF) ကျောင်ကုင်မျံမ်တီုင်အိုမ်အရေးကုင်- TLSPS ပ်ုန်နံင်ႎိူဝ်ႈဟာဝ်း ကျောင်ကုင်မျံမ်တီုင်အိုမ်အရေးကုင်- TLSPS လိူဝ်ႈ(4)နီန် ကျံရ်တီမ် ဆငည်း(12) ရေဲန်ဟာဝ်းပ္လေါည်ႎိူဝ်ႈကျောင်။
ဖုင်ပလိက်လှံင်၊ ဖုင်တီုင်ဘြောင်ချှာင် ကာည်း တီုင်စေတ်မေန်းတိုအီး ကစုကပိုမ်ဒေ ကျံရ်တီမ်၊ ဆငည်း(9) ခေဲင်လှံင်အေဲမ်ခြီရ် ရေဲန်ဂိတ် ကားအီဟာဝ်းဟာဝ်းႎီရ်ႎီရ်ဒီန်မာ် စေတ်မေန်းမိူဝ်ႈအာဝ်မိူဝ်ႈ ကုင်အီဟံရ်လီပ်ဟာဝ်းႎီရ်အာဝ်မိူဝ်ႈတတြား ကနာည်လံပ်ကကတ်ုမ်ခေဲင်အရပ်အရာ။
ပ်ုန်လိုရံပ်ဇီုင်းကပ္လိူင်ခေဲင်လူမ်ဘ္လံက်ချှာင်တြားဒီန် ကဆီုဝ်လူမ်ဘ္လံက်ချှာင်တြား လိုထီင်ခြဲပ္လါႇဘေဲႇလောင်အမှုကတီးကရီး၊ လိုရံပ်လာည်းဇီုင်းကာန် ဘည်ကကာႈကဆာင် ကာည်း ကဇောည်ဇီုင်းကာန်ခေဲင်လူမ်ဘ္လံက်ချှာင်တြား။
ပ်ုန်ပဲန်ဒေင်ဘိဟာဝ်းဒီန် ကဆီုဝ်ကူန်ရဝ်မာဂါင်ဂဲ ဟာဝ်းႎီရ်မာ်ပဲန်ကီန်းဒည်း ဂေါႇဘည်ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တီုင်ဘြောင်ချှာင်လှံင်၊ ဖုင်ပလိက်လှံင် ကာည်း ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ် (40)အီးလေႈ ရေဲန်ဟာဝ်းဆပဲဆငါး။
ပ်ုန်ဒီရ်;ဂီုန်း
