15 September 2026

တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဘ္လံက်ချှာင်တြားဂဲ  ဇူႈတောႇကဲအီရံပ်ဇီုင်းကပ္လိူင်(20)အီး အီတောႇနောႈ ပဲန်စြေးခေဲင်လူမ်ဘ္လံက်ချှာင်တြား 

အိုမ်ယ်ုရ်၊ ကျံရ်တီမ်၊ ဆငည်း(14)

ဆဒါင်ကုင်တအာင်း

တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဘ္လံက်ချှာင်တြားဂဲ ထုက်ရိူရ်ႈလေႈပ္လါႇဘေဲႇ ကနာည်ဇီုင်းကာန်တောန်နဲချာ်န်းလိူမ်ယာည်ႇယာည်ႇ၊ ဇီုင်းဘ္လံက်ချှာင်တြား ကာည်း ဇီုင်းကာန်လူမ် နှာင်းကတီးကရီးချာ်န်းဟာဝ်း ဇူႈတောႇကဲအီရံပ်ဇီုင်းကပ္လိူင်(20)အီး အီတောႇနောႈ ပဲန်စြေးခေဲင်လူမ်ဘ္လံက်ချှာင်တြားအောႏ။

ဇူႈဆန်ုမ်2018 တံပ်အွံရ်ပ်ုန်လောတ်ကပီုန်တအာင်း- PSLF တီုင်ဘ္လံက်ချှာင်တြားဂဲ ရေဲန်ပါင်ကမိုန်ကရောပ်ဆန်ုမ် တေဲင်ဘည်ပ္လံက်ချဂဲ စိရိူရ်ႈလေႈဖုင်။ အခိင်ဇူႈရိူရ်ႈဒီန် တီုင်အွံရ်ဘ္လံက်ချှာင်တြား(4)အီး အိူင်(5)အိူင်၊ ခေဲင်အိူင်ဒီန် ဟောည်ႇရေဲန်ဟာဝ်းဇီုင်းလံပ်ဘ္လံက်ချှာင်တြား၊ ရောတ်ဆန်ုမ်2024 ႎီရ်ပဘိုပနိုက်ရဲင်ဘ္လောမ် တီုင်အွံရ်ဘ္လံက်ချှာင်တြား ရံပ်ဇီုင်းကာန်ဘ္လံက်တြားအမှု ပအိူင် ကာည်း လှံင်။ 

ဆန်ုမ်2026နီန် ကော်မတီတီုင်ဒါင်းလူမ်ဘ္လံက်ချှာင်တြား၊ ချှံန်(က) မိုႈလူမ်ဘ္လံက်ချှာင်းတြားလှံင်၊ ချှံန်(ခ) လူမ်ဘ္လံက်ချှာင်တြားလှံင်၊ ချှံန်(ဂ) ခေဲင်လူမ်ဘ္လံက်ချှာင်တြားဒီန် ကကာႈလေႈဘို တီုင်အွံရ်ဘ္လံက်ချှာင်တြား (20)အီး အမှုတောန်နဲမာ် ဆီုပ်ဘ္လံက်ဟာဝ်း။ ဆဲႈဒီန် ကနာည် ဇီုင်းဘ္လံက်ချှာင်တြား ကာည်း ဇီုင်းကာန်လူမ် လိုဖဇဲတ်ရမောင်ချာ်န်းချာ်န်း ဏ္ဍစြေးလူမ်နီန် အ်ုန်အရေးဒါင်း။ 

ပ်ုန်လိုရံပ်ဇီုင်းကပ္လိူင်ခေဲင်လူမ်ဘ္လံက်ချှာင်တြားဒီန်  ကဆီုဝ်လူမ်ဘ္လံက်ချှာင်တြား လိုထီင်ခြဲပ္လါႇဘေဲႇလောင်အမှုကတီးကရီး၊ လိုရံပ်လာည်းဇီုင်းကာန် ဘည်ကကာႈကဆာင် ကာည်း ကဇောည်ဇီုင်းကာန်ခေဲင်လူမ်ဘ္လံက်ချှာင်တြား။ 

ကဆီုဝ်အီဟြာင်းဟိုက်ပ္လါႇနီန် ပ်ုန်လိုမိူဝ်ႈအိုမ်လှတာန်းဘေဲႇမိုႈ အီဟောည်ႇအံင်တာန်းဘေဲႇဆနီတ်ပြီမ်(10)တာန်း၊ ဆနီတ်ကမာည်း(12)တာန်း ကာည်း  လိုအီမိုႈအီဟောည်ႇဘိူန်းဘွည်ႇ လိုမိုႈအဆာက်ခနား(18)ဆန်ုမ်ကာည်း အဆာက်(35)ဆန်ုမ်။ ဆဲႈဒီန် လိုမိုႈအီဘယ်ကပိုမ်တောႇဖုင်၊ လိုမိုႈအီဟောည်ႇဘယ်ဒါကွန်ပျူတာ-Excel, Microsoft Word ကာည်း ဘယ်ဒါဘေဲႇလူမ်တအာင်း။ 

ကဆီုဝ်ကဲအီဘိူန်းအခွါင်းပဲန်စြေးနီန် ခေါပ်ပြာႇပ်ုန်ထုတ်လေႈ ခေဲင်တီုင်ဌာနဂဲ  လိုတောႇ၊ ထာန်ဘြေ့အ်ုန် (3)ဆန်ုမ်လိုထာမ်ဇီုင်း ခါမ်ကဒိ။ ထာမ်ဇီုင်းဆာ်အာဝ်နိုက်(3)ဆန်ုမ် ကလာည်ႇတီုင်ဌာန၊ ဟြာင်းပ္လါႇဘေဲႇလေႈ လိုႎီရ်ႎျံတ်ရိူန်း (5,000,000)ဆဲန်လလ။ 

ဆာ်အယ်တောႇနောႈ ဇီုင်းကာန်စြေးခေဲင်လူမ်ဘ္လံက်ချှာင်တြားနီန် ကဆီုဝ်ဂဲအီဟြာင်းပ္လါႇဘေဲႇ ကျံန်တီမ်၊ ဆငည်း(30) နှာင်းအူန်းအ်ုန်မိုႈရဘံန်ဆူတ်ဆူတ်။ ကျံရ်အူကိူရ်၊ ဆငည်း(7) ကတူႈတိုအီးစေတ်မေန်း။ ဘည်လိုဒီနံင်တိုန်းဆဒါင်ကဲနီန် ဘိူန်းအူန်းကဆီုပ်ကဘာဆမွံတ်ဒေဲႈ ခေဲင် WhatsApp/Telegram ကနံဝ်းႎှုင်-09-678522155။ ဆဲႈဒီန် ဆာ်အယ်ဆိင်နံပ်ဘည်မိုႈဘာည်းအ်ုန် ဘိူန်းကဆီုပ်ကဘာဆမွံတ် ခေဲင် ကနံဝ်းႎှုင်- 09-403315117အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း