ပမိူင်းဘော် ကာည်း ခနားမာန်အီ ပဲန်ကတာည်းပလာႈတေဲင်ဒေင်ဒါင်း အီရံပ်ဇီုင်းကပ္လိူင်ဘြောင်ချှာင်လှံင် ကာည်း ကူန်ရဝ်မာဂါင်ဂဲ ကစုကပိုမ် ရေဲန်ဟာဝ်းဆပဲဆငါး
15 September 2026
ပမိူင်းဘော် ကာည်း ခနားမာန်အီ ပဲန်ကတာည်းပလာႈတေဲင်ဒေင်ဒါင်း အီရံပ်ဇီုင်းကပ္လိူင်ဘြောင်ချှာင်လှံင် ကာည်း ကူန်ရဝ်မာဂါင်ဂဲ ကစုကပိုမ် ရေဲန်ဟာဝ်းဆပဲဆငါး
အိုမ်ငျံရ်၊ ကျံရ်တီမ်၊ ဆငည်း(14)
ဆဒါင်ကုင်တအာင်း
ကုင်တအာင်း၊ ဒေင်ဒါင်း ဟာဝ်းကဒါႇ ပမိူင်းဘော် ကာည်း ခနားမာန်အီ ပဲန်ကတာည်းပလာႈ ဘိဟာဝ်းဒေင် ဂေါႇဘည်ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA အီရံပ်ဇီုင်းကပ္လိူင်ဘြောင်ချှာင်လှံင်၊ ပလိက်လှံင် ကာည်း ကူန်ရဝ်မာဂါင်ဂဲ ကစုကပိုမ် ရေဲန်ဟာဝ်းဆပဲဆငါး။
ဘံန်ဟောည်ႇဒေဲႈ ကျံရ်တီမ်၊ ဆငည်း(6)ဒီန် ဂေါႇပဲန်က္လာည်းဒါင်းတောန်ဆငည်း၊ ပဲန်ကတာည်းပလာႈ ကာည်း တံင်ဟေကပိုတ်ဇာ်ႈ တေဲင်ဒေင်ဒါင်း ဘိဟာဝ်းဒိုႇဒေင်။ ဒေင်ဒါင်းဒီန် ဇူႈကဒါႇမာန်အီ လေႈမိူင်းဘော်၊ ဇူႈမိူင်းဘော် လေႈကဒါႇ အိုမ်ငျံရ် ဒေင်ဒီန် အ်ုန်အရေးကနာည် ကူန်ရဝ်မာဂါင် ဆာ်ဒေင်ဒီန်ဘိ ကညားကားဂဲ အာဝ်ဘိူန်းဟာဝ်းဟာဝ်းႎီရ်ႎီရ် ကတူႈဘိအူန်း အူကဇေန်အောႏ။
ပ်ုန်ပဲန်ဒေင်ဘိဟာဝ်းဒီန် ကဆီုဝ်ကူန်ရဝ်မာဂါင်ဂဲ ဟာဝ်းႎီရ်မာ်ပဲန်ကီန်းဒည်း ဂေါႇဘည်ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တီုင်ဘြောင်ချှာင်လှံင်၊ ဖုင်ပလိက်လှံင် ကာည်း ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ် (40)အီးလေႈ ရေဲန်ဟာဝ်းဆပဲဆငါး။
ဂေါႇဘြောင်ချှာင်လှံင် ကာည်း ကူန်ရဝ်မာဂါင်ဂဲ ကစုကပိုမ်ဒေရေဲန်ဟာဝ်းဇီုင်းဆပဲဆငါးဒီန် ကတာည်းကလာႈဇာ်ႈတေဲင်ဒေင်ဒါင်းမာ် ဘယ်ဒေကထောက်ႎီုန်ချာ်န်းချာ်န်း ကနာည် ကူန်ရဝ်မာဂါင်ဂဲအီလေႈဒေင် ကာည်း ကညားကားတာင်ကူမ်ဂဲ ဘိူန်းဒေဟာဝ်းႎီရ်အောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists