တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပျံတ်ယံတ်ငံရ်ဂဲ ဟောည်ႇရေဲန်ပ္လေါည်ပ္လိုတ် ႎါင်ပနောပျံတ်ငံရ် ခည်မိုႈ ကျံရ်ကိူရ်အာရ်၊ ဆငည်း(10)ဒိူန် ပလှံင်အိုမ်ငျံရ်၊ ခေဲင်ကုင်တအာင်းအောႏ။

ကုင်တအာင်း၊ အိူင်ကိုက်ခည်း၊ လှံင်ကိုက်ခည်း ရေဲန်ဟာဝ်းပ္လေါည်ရံပ်ရိုႈ ဘည်ရောတ်ဒေဲႈ ဆငည်းအခွါင်းအရေးကံမ်ဖာ ဆငည်း( 10)၊ ကျံရ်ကိူရ်အာရ် အောႏ။

ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်ဟိုႎါန်၊ လှံင်ကိုက်ခည်းကာည်း ရဝ်နော်င်ဆီမ်း လှံင်မာဝ်းႎံင်း၊ ခေဲင်ကုင်တအာင်းအောႏ။

ဖုင်တီုင်ခေါခါႇကောင်ဆံရ်ကုင်တအာင်း -THC ဂဲ ထိုဒဲႈ BCG ဆနံမ် တကောန်ဒဲႇ အဆာက်( 5 )လေႈရခြူမ် ထိင်ခြဲကနာည်တို အိူင်ကိုက်ခည်း၊ ခေဲင်လှံင်ကိုက်ခည်း လှေင်အိုည်ဆငည်းလလအောႏ။

ကုင်တအာင်း၊ အိူင်အိုမ်ယ်ုရ်၊ ပလှံင်အိုမ်ယ်ုရ် ရေဲန်ပ္လေါည် ဆန်ုမ်တမာည်းတအာင်း နိုက်လ(2717) ခည်မိုႈ ကျံရ်ကိူရ်အာရ် ဆငည်း(6) အခိင်ရဆံန်(1:00)နြီဒိူန် ဇူႈႎိူဝ်ႈပါင်ပ္လေါည် အရာင်ပုင်နီးမိုႈ ဘည်တိူရ်ႈယိူဝ်း ဟိူင်ဟိူင်ဆာဆာတိုအီးဂီုန်း ရောတ်ဒေဲႈခေဲင်ပါင်ပ္လေါည်အောႏ။