ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(30)နီန် အီဘိူန်းဟာဝ်း ဆုဒါင်း(500)ဆဲန်မိုႈ လိုည်းအေမိုခံမ် အီဂေါည် ပရဝ်အွည်လော၊ ခမိုမာန်စာက်၊ လှံင်အေဲမ်ခြီရ်အောႏ။
ဒီရ်;ကဇေန်နီး
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင်ဂဲ ယာမ်မိုႈ ကျံရ်ကိူရ်အူ ဆငည်း(16)ဒိူန်အောႏ။
ဂေါႇဒေင်ဒီန်မိုႈ ဒေင်ကတာည်း အခိင်ဘြည်က္လာည်း အ်ုန်ပဲန်ဟာဝ်းဒိုႇဘည်ရောင်အိုမ် ကနာည်ကူန်ရဝ်မာဂါင်ဂဲ နှာင်းဟာဝ်းဝီရ် မိူဝ်ႈကတူႈကီန်းဒည်း၊ ဂေါႇဘည်ဒီန် ကနာည်နှာင်းဘိူန်းဒါဟာဝ်းဝီရ်ငှိူည် ကူန်ရဝ်မာဂါင်ရဝ်ပါဟာန်ဒါင်းဂဲ (300)အီး စီကပိုမ်ဒေဘြဲဆားဟာဝ်း ခည်မိုႈ ကျံရ်ကိူရ်အူ ဆငည်း(15)ဒိူန်အောႏ။
ဘည်မိုႈအ်ုန် ကျံရ်ကိူရ်အူ ဆငည်း(15)အခိင် စူန်အံပ်(3:3)5မနေတ်ဒိူန် ကားတာင်တိုအီးအူကြောင်ဒီန် အခိင်ရောတ်ပရဝ်လာန်လောည် ဒီဒေင်ဟိုက် ဂေါႇကားအာဝ်ဒေဟိုက် ကားစီကပ္လါႇဇောႈလေႈပကဒိုႈဘည်ဒီန်။
ဘည်မိုႈအ်ုန် ကျံရ်ကိူရ်အူ ဆငည်း(10)ဒိူန် အခိင် ကဒည်ဆငည်း(12:30)မနေတ်ဒိူန် ပဂါင်ဂေါည် ယာမပါန်းဒီန် ဇူႈတငံရ်ဆိုလာပဲန်ဆျှောတ် စီပဲန်ငံရ်က္လိုႇဟာဝ်းဂါင်ဘည်ဒီန်။
ကုင်တအာင်း၊ ခေဲင်(2)နှာနီန် ပလှံင်မူစယ် ကာည်း လှံင်ကိုက်ခည်း ယိူဝ်းတိုအီးယံမ်းအာဝ်မိူဝ်;ကညား(4)အီး ကာည်း အီဒါဓံရ်ဘျော,ပယံမ်းတိုဒေ(2)မှု။
ပ်ုန်ဒီရ်;ဂီုန်း
