116
ဆဒါင် တားတီုင်အွံရ်ဒါင်း တားအဘုင် ရေဲန်ဟာဝ်းပါင်ကတူႈကငျားတောပ် ကူန်ရဝ်မာဂါင် လှံင်အိုမ်ယ်ုရ်
ဒေသတွင်းသတင်း
/ Myanmar's Crisis & The World TA
28 March 2024
ဆဒါင် တားတီုင်အွံရ်ဒါင်း တားအဘုင် ရေဲန်ဟာဝ်းပါင်ကတူႈကငျားတောပ် ကူန်ရဝ်မာဂါင် လှံင်အိုမ်ယ်ုရ်
ဆန်ုမ်2024၊ ကျံရ်3၊ ဆငည်း (28)
ကုင်တအာင်း၊ ဆန်ုမ် 2024 ကျံရ်3၊ ဆငည်း (26)ဒိူန်း တံပ်အွံရ်ပ်ုန်လောတ်ကပီုန်းတအာင်း PSLF/TNLA တားတီုင်အွံရ်ဒါင်းဂဲ ရေဲန်ဟာဝ်းပါင်ကတူႈကငျားတောပ် ကူန်ရဝ်မာဂါင် အီဂေါည်လှံင်အိုမ်ယ်ုရ်အောႏ။
ခေဲင်ပါင်ကတူႈကငျားတောပ်ဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဒါင်း ခူန်ချုဒါင်း တားအဘုင် ၊ တားချှာင်ဇီုင်းကာန်တောန်နဲ ခူန်ချု တားဘုင်ကျော်၊ တားတီုင်အွံရ်ဆီုက် ခူန်ချု တားဟိူဝ်ပ္လါင် ကာည်း တားဘြောင်ချှာင်ရဝ် ခမို(23)ခမို ကစုကပိုမ် (300)အီးလေႈ ဟိုက်ရောတ်ဒေဲႈအောႏ။
ပါင်ကတူႈကငျားဒီန် တားတီုင်အွံရ်ဒါင်း တားအဘုင် စီက္လာင်းဟာဝ်းကြောႈတံမ်းဒါႈ” ပ်ုန်ခါမ်ဒေကရောႈအဆာက်ဆီမ်း လှံင်အိုမ်ယ်ုရ်ဒီန် အာဝ်ႎံန်း ကူန်ရဝ်မာဂါင်အီဂေါည်ခေဲင်လှံင်အိုမ်ယ်ုရ် ကူန်ရဝ်မာဂါင်ဂဲအီဂေါည် တောန်အရာပ်အရာခေဲင်ကုင်တအာင်းမာ် လိုလီပ်ကဖြောမ်ကရောမ်တောပ် တံပ်နာန်းတအာင်း လည်ကဇောည်ငိူပ်မေန်းဒံန်ခြဲဟာဝ်းအောႏ။
ဆဲႈဒီန် PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်ကျော်မာ် က္လာင်းဟာဝ်းကြောႈတံမ်း ဒါႈ” အာဝ်ႎံန်း ခေဲင်လှံင်အိုမ်ယ်ုရ် ခေဲင်ကုင်တအာင်း နံင်ရီန်းရဲတ်ဒေရေဲန်ဟာဝ်း ဇီုင်းကာန်ချှံန်ဇာရ်မျံမ် ကာည်း နံင်ရေဲန်ဟာဝ်းဇီုင်းကာန် လံပ်ပိင်ငျာ၊ လံပ်ခေါခါႇ၊ လံပ်ဘြောင်ချှာင်ကတီးကရီးဘည်ဒီန်အောႏ။
မိုႈဘိုး တားတီုင်အွံရ်ဆီုက် ခူန်ချု တားဟိူဝ်ပ္လါင် စီက္လာင်းဟာဝ်းကြောႈတံမ်းဒါႈ” ရောတ်ကဇေန်နီး အယ်ဟောည်ႇဘယ်ဒေလောတ်ဒါ ပ်ုန်ထီပ်ပ်ုန်ညဲ့ ပ်ုန်ဒါ(မဟာခြိူဝ်းမျိုးဒါင်း)ဂဲ ခေဲင်ဘြည်(60)ဆန်ုမ်လေႈနီန် ကဇေန်နီး အယ်လိုလိူည်လည်ကဖြောမ်ကရောမ် ဂေါည်ရူမ်ဟာဝ်းအူဒီအောႏ။
ဟောည်ႇဒီန် ကူန်ရဝ်မာဂါင်ကဲအီးဟိုက်ရောတ်ဒေဲႈမာ် ဟြာင်းဟာဝ်းပ်ုန်လို ကာည်း ပ်ုန်အာဝ်နံပ်ကဲ စီႎီရ်ဆမွံတ်ကမိုန်ဆာင်းလာင်းဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Topics:
ဆဒါင် တားတီုင်အွံရ်ဒါင်း တားအဘုင် ရေဲန်ဟာဝ်းပါင်ကတူႈကငျားတောပ် ကူန်ရဝ်မာဂါင် လှံင်အိုမ်ယ်ုရ်
ဘည်တိူရ်;လိူရ်;ယိူ၀်းမည်း
Comment Lists