ဘယ်ရေဲန်ဟောည်ႇဟာတ်း ပ္လေါည်ပ္လိုတ်ႎါင်ပနော ဇီုင်းခူန်ဥပဒေ လိူဝ်ႈ(2)
05 October 2026
ဘယ်ရေဲန်ဟောည်ႇဟာတ်း ပ္လေါည်ပ္လိုတ်ႎါင်ပနော ဇီုင်းခူန်ဥပဒေ လိူဝ်ႈ(2)
အိုမ်ငျံရ်၊ ကျံရ်အူကိူရ်၊ ဆငည်း(3)
ဆဒါင်ကုင်တအာင်း
ကုင်တအာင်း၊ ပလှံင်အိုမ်ငျံရ် ဥပဒေလူမ်တီုင်ဒါင်းဖုင်ဖီုက်လျှံင်ဂဲ ဆာ်ႈအွံရ်ႎိူဝ်ႈႎါင်ပနော ဇီုင်းခူန်ဥပဒေ လိူဝ်ႈ(2)နီန် ဘံန်ဟာည်ႇဒေဲႈ ကျံရ်အူကိူရ်၊ ဆငည်း(1) ဘယ်ရေဲန်ဟောည်ႇဟာတ်း ပ္လေါည်ပ္လိုတ်ႎါင်ပနော ဇီုင်းခူန်ဥပဒေ လိူဝ်ႈ(2) အောႏ။
ခေဲင်ပ္လေါည်ပ္လိုတ် ႎါင်ပနောဇီုင်းခူန်ဥပဒေ လိူဝ်ႈ(2) ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချုဘုင်ကျော် ဟိုက်ရောတ်တံမ်းကြောႈ မိူဝ်ႈဒေဲႈလံပ်ဒီမိုကရေစီ၊ ပဇာရ်လံပ်ဒံန်ခြဲအခွါင်းအရေး ကာည်း အခွါင်းအရေးတိုအီး၊ ကနာည်ဘယ်ဒံန်ခြဲလံပ်နဘာည်းတေဲင်တိုအီးဒီန် တီုင်ဘ္လံက်ချှာင်တြားဒီန် အ်ုန်မိုႈအရေးဒါင်း ကာည်း လိုအ်ုန်ဘ္လောမ်ဒါင်း ကနာည်ထီင်ခြဲဟာတ်းတောန်နဲ။
ဆဲႈဒီန် ခေဲင်ပျိူဝ်ႇလေႈအယ်မိူဝ်ႈတြားဖြေင်ကဒိူဝ်ႈဒီန် ဒါႇဥပဒေဒီန် အာဝ်မိူဝ်ႈယာ့် အီမိူဝ်ႈလံပ်တြားဖြေင်ကဒိူဝ်ႈ” တေဲင်တိုအီးတောန်ကဝ် လိုဒါဟာဝ်း ဘည်ကဒိူဝ်ႈအိုန်ဘံန်း။ ကဲအီအံင်ဟောည်ႇဟာဝ်း ႎါင်ပနောဒီန်မော ခိူည်းလှိုပ်ဂုင်ဟာဝ်း ကာည်း ဒဲႈအ်ုန်မိုႈ ဥပဒေပိင်ငျာရှင် အီဒဲႈအကျိုး ကနာည်ဖုင်အယ်။
ႎိူဝ်ႈဟာဝ်း ႎါင်ပနောနီန်(6)ပကျံရ်လလ ဖာဆာပါင်ပနောဒဲႈမိုႈ ဇီုင်းခူန်ဥပဒေ ကာည်း ပ်ုန်ရေဲန်အလှီးဘည်ရေဲန်ဇီုင်းကာန်လူမ်ဥပဒေ။ ခေဲင်ႎါင်ပနော ကောန်ကျောင်ဂဲ အီလှဲမ်ဘေဲႇ ကာည်း ကောန်ကျာင်အီဟောည်ႇကျောင်နီန်း ဒဲႈဟာဝ်းပ္လါႇလှိုပ်ဂုင် ဒဲႈဟာဝ်းဆုတကဲဘိူန်းဆု။ ဆဲႈဒီန် ကောန်ကျောင်အီလေႈကျောင်ဇီုင်းခူန်ဥပဒေဂဲ နံင်ရံပ်လာည်ဟာဝ်းဇီုင်းကာန် ခေဲင်တီုင်ဌာန ဂေါည်ခေဲင်ကုင်တအာင်းနီန်အောႏ။
ပ်ုန်ကယေင်ႎိူဝ်ႈႎါင်ပနော ဇီုင်းခူန်ဥပဒေနီန်း ကနာည်နံင်ဘယ်ပျေဲႈလေႈ အီနံပ်အီဆမားလောင်ဥပဒေ။ ကဆီုဝ်ကူန်ရဝ်မာဂါင်ဂဲ ဂေါည်ခေဲင်ကုင်တအာင်းနီန်မော နံင်ကံပ်ဘိူန်း လံပ်အခွါင်းအရေးကဖြေင်ကဒိူဝ်ႈ၊ မိုႈကံပ်လံပ်ဘ္လံက်ချှာင်တြားဒါင်းဇာရ်ခူရ်နီန် ကာည်း မောကံပ်ဘယ်ရေဲန်ဇီုင်းကာန်ကဆီုဝ်ကဆဲင်ဥပဒေတောန်နဲအောႏ။
အီဟိုက်ရောတ်ဒေဲႈခေဲင် ပ္လေါည်ပ္လိုတ်ႎါင်ပနော ဇီုင်းခူန်ဥပဒေ လိူဝ်ႈ(၂)ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချုဘုင်ကျော်၊ ဂေါပ်တာချှာင်ဇီုင်းကာန်တောန်နဲ(2) ခူန်အွံရ်ဒါင်း ပါင်လ၊ တိုအီးရံပ်ဇီုင်းခေဲင်တီုင်ဌာနဂဲ၊ တာဆြာ/ယာဆြာ ကာည်း ကောန်ႎါင်ပနော ကစုကပိုမ် (70)အီး ဟိုက်ရောတ်ဒေဲႈအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists