ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်ရဝ်ခ်ု စဝ်ဒါင်း ဘဒ္ဒန္တပညာနန္ဒ ဆာ်ႈအွံရ် ရေဲန်ပ္လေါည်ႎိူဝ်ႈႎါင်ပနောလှညီမ်မှိူမ် ဗုဒ္ဓဘာသာ ပ္လံက်တံင်ဇူႈ ကဒါႇတအာင်း လှေင်(5)ဆငည်း ကနာည်ပဇာရ်ပ်ုန်နံပ်ဆမားလှညီမ်မှိူမ်ကာည်း တြားဆမားကံမ်ကျံင်တို ကောန်ဒဲႇယိူဝ်ႇဘံန်းဂဲအောႏ။
ဖုင်ဘေဲႇတအာင်း-TLA ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ဖီုက်လျှံင်ပဇာရ်ဒဲႈ ဘည်ပနောဘေဲႇတအာင်း တတာဆြာ/ယာဆြာဂဲ မောကံပ်ဘယ်ပနောဒဲႈဘေဲႇတအာင်း ကာည်း မောကံပ်ဘယ်ပဇာရ်ဒဲႈ အိုမ်လှဘေဲႇတအာင်း တကောန်ကျောင်ဂဲ ပလှံင်အိုမ်ယ်ုရ်၊ လှံင်မိူင်လိုင်၊ လှံင်ရူကော၊ လှံင်အိုမ်ငျံရ် ကာည်း လှံင်အေဲမ်ခြီရ် ခေဲင်ကုင်တအာင်း။
ကုင်တအာင်း၊ အိူင်အိုမ်ယ်ုရ်၊ ပလှံင်မိူင်လိုင် ဘည်ကယေင်ႎိူဝ်ႈဟာဝ်း ႎါင်ပနောနီန်မိုႈ ဇိုချီုင်ကတူႈကငျား အန္တရာယ်ဖေးငံရ် ကာည်း ဘည်မိုႈဘည်ဘာည်း ဆဖာဝဖေးတောန်နဲ မောကံပ်ဘယ်ကဇောည်ဒဲႈတောပ်ဘာည်းအခိင် ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပဇာရ်ဘည်လိုကဇောည်ပျံတ်ယံတ်ငံရ် လိူဝ်ႈ(1) ခည်မိုႈကျံရ်တောရ် ဆငည်း(16)ဒိူန်အောႏ။
ကောင်ဆံရ်ဇီုင်းပိင်ငျာကုင်တအာင်း-TLECဂဲ ဇူႈႎိူဝ်ႈဟာဝ်းကျောင်ပနောဘေဲႇ ခည်မိုႈ ကျံရ်တောရ် ဆငည်း(8)ဒိူန် ဂဲဆာ်ႈဟိုရ်ပ္လူႈဆဒိဒါႈ ဘည်ကဆီုဝ်ကူန်မာကောန်ဒဲႇဂဲ အီညှံမ်အာပ်ကောန်ဒဲႇ ဟိုက်ကျောင်ဂဲဒိူန် ဘိူန်းအူန်းရောတ်ဒေဲႈအာပ်ဟာဝ်း။ ကျောင်ပနောဘေဲႇ ပ်ုန်ႎိူဝ်ႈဟာဝ်းခေဲင် (400)ကျောင်လှိူဝ်းနီန် ကောန်ကျောင်အီဟိုက်ဂေါည်(5)မူန်လှိူဝ်း။
ဘည်ဘာည်းအ်ုန်မိုႈ ကျံရ်တောရ်၊ ဆငည်း(13)၊ အခိင်ရမှိူဝ်(၁10:30)ထာန်နီ တာဝေယံခင်းထူန်း ကာည်း အီပ်ုန်အ်ုန် ပဲန်ပဋိပက္ခကအေ့ကဇာဝ်း။ ဂေါပ်ဘည်ဒီန် တာလှမျိုး အီမိုႈကူန်အီပ်ုန်ဒီန် စိလီပ်ဒံန်ခြဲ ကနာည်နှာင်းဂါရ်အာဝ်ပဲန်ကအေ့ကဇာဝ်း။
ပ်ုန်ဒီရ်;ဂီုန်း
