07 September 2026

ထုက်ရိူရ်ႈလေႈစြာင်းဇီုဝ် (36)အီး အီဘိူန်းအခွါင်းဟိုက်ကျောင်ကုင်မျံမ် ကျောင်တီုင်အိုမ်အရေး လိူဝ်ႈ(4)

အိုမ်ယ်ုရ်၊ ကျံရ်တီမ် ဆငည်း(7)

ဆဒါင်ကုင်တအာင်း

ပ်ုန်ကယေင်မောကံပ်ဘယ်ပြိူဝ်ႈပျေဲႈလေႈ အီအွံရ်ကောန်တဘိုက်ဘံန်နံင်ဒေဲႈ ကာည်း မောကံပ်ဘယ်ပျိူဝ်ႇဆနီတ်ႎှဲတ်ဒရဲရ်ဒီမိုကဆီ ခေဲင်ကုင်တအာင်းနီန် ခည်မိုႈ ကျံရ်တီမ် ဆငည်း(3)ဒိူန် အီမိုႈ ရခြူမ်ကုင်မျံမ်တီုင်ရျံရ်ႈရဇံင်းလံပ်ပိင်ငျာ(Tea Land Education Foundation - TLEF) ကျောင်ကုင်မျံမ်တီုင်အိုမ်အရေးကုင်- TLSPS ထုက်ရိူရ်ႈလေႈစြာင်းဇီုဝ်ကောန်ကျောင် အီဘိူန်းဟိုက်ကျောင် (36)အီး ပ်ုန်နံင်ႎိူဝ်ႈဟာဝ်း ကျောင်ကုင်မျံမ်တီုင်အိုမ်အရေးကုင်- TLSPS လိူဝ်ႈ(4)နီန်။

ပ္လါႇဘေဲႇအီဟြာင်းဟိုက် ကနာည်ႎါင်ပနောကျောင်နီန် ဟည်လာက်ခါမ် ခည်မိုႈကျံရ်တာရ် ဆငည်း(15)ဒိူန် ဟည်စေတ်မေန်းရံရ်ႈဟောည်ႇဟာဝ်း တောပ်လိူည်ဘည်ပ္လအူန်း အိုမ်လှတာန်းဘေဲႇ ခေဲင်အဆာက်(18)ဆန်ုမ်ရောတ် အဆာက်(30)ဆန်ုမ် ကောန်တဘိုက်(36)အီး။

ကဆီုဝ်ကောန်ကျောင် အီဘိူန်းအခွါင်းဟိုက် ကျောင်ကုင်မျံမ်တီုင်အိုမ်အရေးကုင်-TLSPS လိူဝ်ႈ(4)နီန် လိုရောတ်ဒေဲႈစာ်မ်း ပကျောင် ဆန်ုမ် 2026၊ ကျံရ်တီမ် ဆငည်း (7) ရဘံန်းဆူတ်ဆူတ်။

ကဆီုဝ်အီဘိူန်းလီပ်ဟိုက်ကျောင်နီန် ဆာ်မိူဝ်ႈ အချာက်စာ့်စာ့်စဲစဲ ပ်ုန်ဆိင်နံပ်အယ် အီကဆီုဝ်ကဆဲင် တႎါင်ပနောနီန် ကာည်း ဘည်လိုဒီနံင်တိုန်းဆဒါင်ကဲနီန် ဘိူန်းအူန်းကဆီုပ်ကဘာဆမွံတ်ဒေဲႈ ႎှုင်09-264607536၊ 09-893138496  ကာည်း 09-883289778ကဲနီန်။

ဆဲႈဒါႇဒီန် အီရံပ်ဇီုင်းကပ္လိူင်ဂဲ က္လာင်းဒါႈ အီအာဝ်တောပ်စြာင်းပ်ုန်ရံရ်ႈလိူဝ်ႈနီး အာဝ်လိုအူန်းနောႈဇောႈကာည်း နံင်ဆီုပ်မိူဝ်ႈဘိုး အခွါင်းအရေးဘံန်နံင်ဒေဲႈဘည်နီန် တာင်ကေးစူးအူန်းမိူဝ်ႈတာန်းဖိုး ဘည်လီပ်နောႈဖိူမ်ကာည်း ဘည်ရီန်းရဲတ်လီပ်တောပ် တအီဟြာင်းဟိုက်ကဲပါ်ဒိုႇဒိုည်ႇ။

ကျောင်ကုင်မျံမ်တီုင်အိုမ်အရေးကုင်နီန် ဇိုချီုင်ႎါင်ပနော နံင်လှေင်(2)ဆန်ုမ် နံင်ကကာႈပနောဟာဝ်း ပဲန် Semester (2)လှေ။ ဆာ်မိုႈ ဆန်ုမ်ပနောဘေဲႇအူ  နံင်ပနောဒဲႈဟာဝ်းတံင်ရျံရ်ႈဘည်ပဇာရ်ပ်ုန်နံပ်ဆမား၊ ဆာ်မိုႈ ဆန်ုမ်ပနောဘေဲႇအာရ် နံင်ကဆီုပ်ကဘာ‌တောပ်ကညာပိင်ငျာအီဆမားဂဲ ခေဲင်ကုင်ကပိုမ်ကာည်းကုင်အီဟံရ် ပနောဒဲႈဟာဝ်း ဖာဆာလံပ်အရေးတီုင်ကုင်ကာည်း အီကဆီုဝ်ကဆဲင် လံပ်မူဝါဒ။ ဆဲႈဒါႇဒီန် ဆာ်ဟောည်ႇဟိုက်အံင်ဟာဝ်းကျောင်နီန်  နံင်အာပ်ဒဲႇဟာဝ်း ဘွည်ႇဒီပလိုမာကုင်မျံမ် တီုင်အိုမ်အရေးကုင် တကောန်ကျောင်ဂဲအောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း