07 September 2026

ဇူႈတောႇကောန်ကျောင် ကနာည်ဟိုက်ႎါင်ပနော ကျောင် GED လိူဝ်ႈ(1) လှေင်(15)ကျံရ် ပ်ုန်ကပိုမ်ႎိူဝ်ႈဟာဝ်း BEAM Education Foundation ကာည်း ကောင်ဆံရ်ဇီုင်းပိင်ငျာကုင်တအာင်း-TLEC

အိုမ်ယ်ုရ်၊ ကျံရ်တီမ် ဆငည်း(7)

ဆဒါင်ကုင်တအာင်း

ကောင်ဆံရ်ဇီုင်းပိင်ငျာကုင်တအာင်း-TLEC ပ္လိူရ်ႈလေႈဒါႈ ပ်ုန်ကယေင်မောကံပ် ကောန်ကျောင်အီအံင်(12)ဂဲ ခေဲင်ကုင်တအာင်းနီန် ကာည်း မောကံပ်ဘယ်ခီုတ် ပိင်ငျာချှံန်ဇာရ် ဘည်ပ္လအူန်းကုင်ကံမ်ဖာ ကောန်ကျောင်ဂဲ အီမိူဝ်ႈကီန်းဒည်း ကနာည်ဘိူန်းဒေဆီုပ်ပနောလာည်းပိင်ငျာချှံန်ဇာရ် ဇူႈတောႇကောန်ကျောင် ကနာည်ဟိုက်ႎါင်ပနော ကျောင် GED လိူဝ်ႈ(1) လှေင်(15)ကျံရ် ပ်ုန်ကပိုမ်ႎိူဝ်ႈဟာဝ်း BEAM Education Foundation ကာည်း ကောင်ဆံရ်ဇီုင်းပိင်ငျာကုင်တအာင်း-TLEC ။

ကဆီုဝ်အီဟြာင်းဟိုက်ကျောင်နီန် လိုမိုႈအဆာက်ခနား(18)ဆန်ုမ်ကာည်း အဆာက်(35)ဆန်ုမ် လိုမိုႈအီဂေါည်ခေဲင်အရာပ်အရာတအာင်း။ ကဆီုဝ်ချှံန်ဘေဲႇအိင်ဂလိက် လိုမိုႈအီမိူဝ်ႈချှံန်Upper Intermediate လိုမိုႈအီဟောည်ႇအံင် ပ်ုန်ဟည်ကကည်းတိူရ်ႈပ္လေါည်ဆမွံတ်ဘေဲႇ ကျောင်TLEC။ ဆဲႈဒါႇဒီန် လိုဘယ်ခေါရ်ပနောလာည်း ရခြူမ်ဘည်ပ္လချှာင် ကျောင်TLEC။ ဆာ်ဟောည်ႇအံင် GEDနီန် လိုမိုႈအီနံင်ဘယ်ဆီုပ်ဟိုက်ပနောလာည်း လံပ်ပိင်ငျာချှံန်ဇာရ် (ဆာ်အာဝ်မိုႈ) အခွါင်းအရေးဇီုင်းကာန်ကဲနီန်။

ဇိုချီုင်ႎါင်ပနောဒီန် နံင်ပနောဟာဝ်းလှေင်(15)ကျံရ် နံင်လိုဟံပ်ဟာဝ်း ငေါႈခံန်စရီက်ပ်ုန်ဟောမ်ပ်ုန်ဟာပ် (1)ဆဲန် တောန်ကျံရ် ဆာ်မိူဝ်ႈကီန်းဒည်း လောင်ရိူန်းခြီရ်ကဲနီန်   လိုဟြာင်းဟိုက်ဘည်မိုႈဘည်ဘာည်းအ်ုန် ဘိူန်းဟြာင်းဟိုက် ပနောလာည်းပိင်ငျာ(Scholarship)။ ဆဲႈဒီန် လိုတောပ်ဘည်ပ္လအူန်း ခေါပ်ပြာႇခေါပ်ဒဲန် ဘည်ပ္လစေတ်ဆေးပ်ုန်နံပ်ပ်ုန်ဆမား ဆာ်မိုႈအီဟောည်ႇအံင် (Placement Test)  ကျောင် TLEC နံင်ကဇောည်ထာ့်ဒဲႈဟာဝ်း ငေါႈခံန်ပ္လါန်ဘေဲႇ (Exam Fee) ရိူန်းထည်း ဘတ်(1000)ဘျာ။

ခေဲင်ဇိုချီုင်ပနောဒီန် ဒါင်းဒါင်းအ်ုန် နံင်ပနောဒဲႈဟာဝ်း ဖာဆာ(4)နဲ အီမိုႈ English၊ Mathematics၊ Social Studies ကာည်း Scienceကဲနီန်။ ဘည်နံင်ပနောဟာဝ်း ပုင်စာမ်BEAM Education Foundationဂဲ နံင်ပနောဒဲႈဟာဝ်း ဆနီတ်တေဲင် Online ခေဲင်အခါန်းပနောဘေဲႇနီန် TLECဂဲ နံင်ရံပ်လာည်းဟာဝ်း ဇီုင်းကပ္လိူင် ဘည်ကဇောည်ဒဲႈကဆီုဝ်နီးပိင်ငျာကာည်း ဘည်ႎီရ်ကမိုန်ကြောႈက္လာင်းကဲနီန်။

ကဆီုဝ်အီဟောည်ႇဟိုက်အံင်ဟာဝ်း ႎါင်ပနောနီန် နံင်ဘိူန်းဟာဝ်း ပ်ုန်နံင်အာပ်ဒဲႈဟာဝ်း အီမိုႈတီုင်ဌာန ငိူပ်မေန်းသိပ္ပံတက္ကသိုလ်ချှီန်မဲင် ကုင်ထည်းဂဲ လာက်မှာတ်ဟောည်ႇအံင် ႎါင်ပနောနီန်။ နံင်ဘိူန်းဟာဝ်းဘိုး အခွါင်းအရေး ဆီုပ်ဟိုက်ပနောလာည်း ပိင်ငျာတက္ကသိုလ် ဘဝ်ကီုက်ကုင်အီဟံရ်ဂဲ။

ပ္လါႇဘေဲႇပ်ုန်ဟြာင်းဟိုက်ကဲဒီန် လိုဟြာင်းဟိုက် ရဘံန်းဆူတ်ဆူတ်အ်ုန် ကျံရ်အူကိူရ် ဆငည်း(2) ခေဲင်Google Form (https://forms.gle/rMLRetsoAhSduH3b8) (ဆာ်အာဝ်မိုႈ) ဘိူန်းရေဲန်ဒါQR Code Scanဟြာင်းဟိုက်ဒေဲႈ။ ဆဲႈဒါႇဒီန် ဆာ်မိူဝ်ႈပ်ုန်ဆိင်နံပ်အချာက်ကဆီုဝ်ႎါင်ပနောနီန် ဘိူန်းအူန်းကဆီုပ်ကဘာဆမွံတ်ဒေဲႈ အီမိုႈႎှုင်09262614786 /09255929911(ဆာ်အာဝ်မိုႈ) ဘိူန်းကတိုန်းကတိုရ်ႈဟိုက်ဒေဲႈ ခေဲင် Email ([email protected]) နီန်အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း