12 September 2026

ဖုင်ဘေဲႇတအာင်း- TLAဂဲ ခေဲင်(5)ဆန်ုမ်နီန် ဘယ်ဒေပနောဒဲႈဘေဲႇ တအီး(10,200)လေႈ ကနာည်ကတိုရ်ႈတည်းရံပ်လာည်း ဇီုင်းကာန်ဘေဲႇတအာင်း

အေဲမ်ခြီရ်၊ ကျံရ်တီမ်၊ ဆငည်း(9)

ဆဒါင်ကုင်တအာင်း

ဖုင်ဘေဲႇတအာင်း- Ta’ang Literature Association-TLAဂဲ ဘည်ရေဲန်ဇီုင်းကာန် ကဏ္ဍတောန်နဲ ကနာည်ကတိုရ်ႈတည်းရံပ်လာည်း ဇီုင်းကာန်ဘေဲႇတအာင်း၊ ကနာည်နံင်ဘိူန်းတခေါရ်ဒါငှိူည်ကာည်း မောကံပ်ဘယ်ပဇာရ်ထိင်ခြဲဟာဝ်းကြောႈဖာဆာနီန် ဇူႈဆန်ုမ်၂၀၂၀ ရောတ် ဆန်ုမ်2025 ခေဲင်(5)ဆန်ုမ်နီန် ဘယ်ပနောဒဲႈဘေဲႇတအာင်း ပရဝ်(182)ရဝ် ထာန်ဂေါည်တိုအီး(10,200)လေႈ အောႏ။

ပ်ုန်ကယေင် ဖုင်ဘေဲႇတအာင်းဂဲ မိုႈ နှာင်းဘေဲႇလူမ်တအာင်းနီန် ကတာႈဒါင်းဇာရ်ဘည်ဇည်းကလဲ့ကဒေါမ်တောန်ဒီ ဘယ်ဒါဟာဝ်းဘေဲႇလူမ်တအာင်းနီန် စိႎိူဝ်ႈဟာဝ်းႎါင်ပနောဘေဲႇလူမ်တအာင်း ပရဝ်(182)ရဝ် အိုမ်ယ်ုရ်၊ အိုမ်ငျံရ်၊ ရူကော၊ အေဲမ်ခြီရ်၊ ကိုက်ခည်း၊ မာဝ်းႎံင်း၊ လာဆေဝ်၊ မူစယ်၊ မှိူမ်မီုတ် ကာည်း မိုဂူႈ။

ဆဲႈဒီန် ဆန်ုမ်2026၊ ခေဲင်ကျံရ်တာရ်နီန် ရဝ်(24)ရဝ် ကာည်း တိုအီး(878)အီး ဂေါည်ခေဲင်ကုင်တအာင်းနီန် ဘည်တိူရ်ႈလိူရ်ႈယိူဝ်းအယ် ဘံန်ဟောည်ႇဒဲႈႎါင်ပနောတဘေဲႇတအာင်းနီး ယိူဝ်းဘည်ကဟိုက်ကဟာဝ်း ကာည်း ကနာည်ကတိုရ်ႈတည်းရံပ်လာည်း ဇီုင်းကာန်ဘေဲႇတအာင်း၊ ကနာည်နံင်ဘိူန်းတခေါရ်ဒါငှိူည်ကာည်း ဘယ်ပဇာရ်ထိင်ခြဲဟာဝ်းကြောႈဖာဆာနီန်အောႏ။

ခေဲင်ဇီုချိုင် ပနောဘေဲႇလူမ်နအာင်းနီန် ဘံန်ဟောည်ႇဒေဲႈႎါင်ပနောဒီန်  အာပ်ချဒဲႈဟာဝ်းလှိုပ်ဂုင်ဆု တကောန်ႎါင်ပနောဂဲ အီလှလံမ်းဘေဲႇ ခေဲင်ဇိုချီုင်ႎါင်ပနော ကာည်း အာပ်ချဒဲႈဟာဝ်း ပ္လါႇဘေဲႇအံင်လာက်မှာတ် (Certificate) ကောန်ႎါင်ပနောဂဲ အီဟိုက်ဟောည်ႇႎါင်ပနောနီန်။

ကဇေန်နီန် ကျောင်ပ်ုန်ႎိူဝ်ႈအူန်း ကောင်ဆံရ်ဇီုင်းပိင်ငျာကုင်တအာင်း-TLECဂဲ  ခေဲင် G-1 ရောတ် G-6 ဟံပ်ဒဲႈဟာဝ်း တာဆြာ/ယာဆြာတအာင်း ပနောဒဲႈဟာဝ်း ကြောႈဖာဆာကူန်မာအယ်ဂဲ ချှံန်G-12မာ် ရီန်းရဲတ်ဆီုပ်ဟာဝ်း မာ်ကာပ်ဘယ်ဟံပ်ဟာဝ်း ကြောႈဖာဆာကူန်မာအယ်အောႏ။ ဆဲႈဒီန် ကနာည်ဘေဲႇတအာင်းကတာႈဒါင်းဇာရ် တေဲင်အွန်လဲင်မာ် ပနောဒဲႈဟာဝ်း ဘေဲႇလူမ်တအာင်းအောႏ။

ဖုင်ဘေဲႇတအာင်းဂဲ ဘယ်ႎိူဝ်ႈဒဲႈဟာဝ်း ႎါင်ပနော - TOT (Training of Trainers)  လိူဝ်ႈ(6) ခေဲင်ႎါင်ပနောဒီန် ပနောဒဲႈဟာဝ်း ပ္လံက်တံင်ဇူႈဘေဲႇတအာင်း၊ ဘျြံင်ဘေဲႇတအာင်းကာည်း ဘည်ကပိုမ်ခမိုဘျြံင်ဘေဲႇ၊ ဘည်ဂြီရ်ႈပ်ုန်ဆမွံတ်ဘေဲႇတအာင်း၊ ပံပ်ဘေဲႇ Grammar ၊ ပံပ်ဘေဲႇကဆာ်မ်း၊ ပံပ်ဘေဲႇကပါဝ်း၊ ပံပ်ဘေဲႇပိုင်းကြောႈ၊ ပံပ်ဆိုရ်အိုည်ပိုင် ကာည်း  ဘည်ဒါ Teacher Guide၊ ဘည်ဂြီရ်ႈလေႈ Lesson Planning ကာည်း Classroom Management၊ အ်ုန်တောပ်ဘိုး ပ္လံက်တံင်ဇူႈ အီကဆီုဝ်ကဆဲင်ဘာည်းပနောဘေဲႇကာည်း ဘာည်းလိုဒါအခ်ုကဲနီန်။

ဆဲႈဒီန် ဘည်ကဇေန်နီး အဘိဓာန်အက်ပလီကေးရှင်း Androidနီန် ကဆီုဝ်အီဒါႎှုင်ဂဲ ဘိူန်းအူန်းရေဲန်လာည်းဒေါင်းလုဒ် ခေဲင်Google Play Store အာဝ်ဒါလဴင်အင်နက်မာ် ဟောည်ႇဘိူန်းဒါ offline ခေဲင်ပယာႈ(100)။ဆဲႈဒါႇဒီန် ဘည်ကဆီုဝ်အီဆိင်တခေါရ်ဂဲ ကာည်း ကောန်တဘိုက်တအာင်းဂဲ အီဂေါည်တေဲင်ကံမ်ဖာနီန် ကနာည်နံင်ဘိူန်းတခေါရ်တီပ်ဟြီုက်ငှိူည် ထုက်ရိူရ်ႈလေႈတာင်ဟိုက်ဘိုး Website (ဝက်ဆိုက်) taangdictionary.org။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း