12 September 2026

ဇူႈတောႇကောန်ကျောင် ဟိုက်ကျောင်ကုင်မျံမ်နီးပိငျာ-TLIT ကနာည်ဘယ်ပြိူဝ်ႈပျေဲႈလေႈ ကညာအီမိူဝ်ႈအိုမ်လှSoftware Engineer

အိုမ်ယ်ုရ်၊ ကျံရ်တီမ်၊ ဆငည်း(10)

ဆဒါင်ကုင်တအာင်း

ပ်ုန်ကယေင် ဇူႈတောႇကောန်ကျောင် ဟိုက်ကျောင်ကုင်မျံမ်နီးပိငျာ-TLITနီန် ကနာည်ဘယ်ပြိူဝ်ႈပျေဲႈလေႈ ကညာအီမိူဝ်ႈအိုမ်လှSoftware Engineer ခေဲင်အရာပ်အရာ ခေဲင်ကုင်တအာင်းနီန်း ဇူႈကျံရ်တီမ်၊ ဆငည်း(4) ပ္လူႈဆဒိက္လာင်းဒဲႈနံပ် ဟြာင်းနှဲ ခေဲင်ICT Center-Ta’ang Land အောႏ။

ခေဲင်ပ္လံက်တံင်ဇူႈကျောင်ဒီန် ဇူႈပနောဟာဝ်း Programming ကာည်း  Software Development မာ်ဂေါပ်ဘိူန်းလီပ်‌ရေဲန်ဟာဝ်းဇီုင်းကာန်။ ဆဲႈဒီန် နှာင်းအာဝ်မိုႈဘိူည် ပနောဟာဝ်း (သီအိုရီ) နှာင်းပနောဒဲႈဟာဝ်း ပ်ုန်ဘာည်းအခ်ု ကာည်း  Real-World Projectဂဲ မာ်ႎါင်ပနောကံပ်ဟောည်ႇဟာဝ်း ဆိင်ဒေဲႈအယ်ညှူမ် ဇီုင်းကာန်- IT ရောတ်ဒေဲႈ ဟိုက်ကျောင်နီန် အောႏ။

ထာန်လှေပ္လံက်တံင်ဇူႈနီန် နှာင်းမိုႈ(16)ပကျံရ်လလ ဖာဆာအမဲဒါင်း ပ်ုန်ပနောဟာဝ်း အ်ုန်မိုႈ(6)လှေ Web Development, Mobile Development, Database Management, Server Administration, Software Engineering, Cyber Security Fundamentals အောႏ။

ဘည်ကဆီုဝ်အီနံင်ဟြာင်းဟိုက်ႎါင်ပနောကျောင်ဒီန် ပ်ုန်လိုမိူဝ်ႈအိုမ်လှတာန်းဘေဲႇမိုႈ အီဟောည်ႇအံင် ဆနီတ်ကမာည်း(12)တာန်း။ ႎါည်ဒီန်လိုမိုႈ ကောန်တဘိုက် အီအချံင်ချဲမ်(ပေန်) ကာည်း ခေါခါႇ(ပေန်)။  အ်ုန်လိုမိုႈ ကောန်တဘိုက် အီဆမားပါ်တိုပါ်နောႈ လောင်နီးပိင်ငျာ- ITနီန် ပ်ုန်ပ္လချအူန်း ခေါပ်ပြာႇ ခေဲင်ကျောင်ဒီန် လိုအ်ုန်မိုႈ အီဘယ်တောႇ။

ကဆီုဝ်ကောန်တဘိုတ်ဂဲအီဟိုက်ကျောင်ဒီန် ရိူန်းဒါအယ် အူပကျံရ် လိုဒဲႈဟဦဝ်း(100,000)ဆဲန်ဘြာ စရိက်ႎါင်ပနောဒီန် ကျောင်-TLITဂဲ နှာင်းရံပ်ဇီုင်းကပ္လိူင် လာည်ဟာဝ်းအောႏ။ ကျောင်နီန် ကဲနှာင်းဟာဝ်းလိူည် ကောန်ႎါင်ပနော (15)အီး  ဆာ်ႎါင်ပနောနီးဟောည်ႇဟာဝ်း လိုရံပ်ဟာဝ်းဇီုင်းကာန် ပအစိုးယကုင်တအာင်း ခေဲင်တီုင်ဌာန (2)ဆန်ုမ် အောႏ။

ကဆီုဝ်အီဟြာင်းဟိုက်ႎါင်ပနောနီန် လိုဟြာင်းတိုန်းဟိုက် ကျံရ်တီမ်၊ ဆငည်း(25)၊ ဆငည်း(26) ရောတ် ကျံရ်အူကိူရ်၊ ဆငည်း(3) ရဘံန်းဆူတ်ဆူတ်ဒီန် နှာင်းကတူႈကငျား တိုအီး စေတ်မေန်းဆမွံတ်ဟာဝ်း။ ဆာ်အယ်ဆိင်နံပ် လောင်ပ္လါႇတောႇဟိုက်ကောန်-TLITနီန် ဘိူန်းလီပ်ဆမွံတ် ခေဲင် ICT Center - Ta'ang Land Facebook Page အီးမေးလ် [email protected]၊ Telegram Username @ictcenter2027 အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း