07 September 2026

ပလှံင်အိုမ်ငျံရ် ကာည်း ခေဲင်လှံင်ရူကော ဖုင်ပလိက်ကုင်တအာင်းဂဲ  ဘိူန်းတိုည်း တိုအီးဒါခံင်ယိူည်ႇ (11)အီး ခေဲင်ဒီန် အ်ုန်တောပ်ဘိုကောန်အီပ်ုန်အူအီး

အိုမ်ယ်ုရ်၊ ကျံရ်တီမ်၊ ဆငည်း(7)

ဆဒါင်ကုင်တအာင်း

ကုင်တအာင်း၊ ပလှံင်အိုမ်ငျံရ် ကာည်း ခေဲင်လှံင်ရူကော အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ  စိဘိူန်းတိုည်း တိုအီးဒါခံင်ယိူည်ႇ (11)အီး ခေဲင်ဒီန် အ်ုန်တောပ်ဘိုကောန်အီပ်ုန်အူအီး။

ပလှံင်အိုမ်ငျံရ်၊ ဘံန်ဟောည်ႇဒေဲႈ ကျံရ်တာရ်၊ ဆငည်း(9) အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ စိဘိူန်းတိုည်း တာဆိုထွေး ဘိူန်းအဆာက်(38)ဆန်ုမ် ဒါခံင်ယိူည်ႇ၊ ကျံရ်တာရ်၊ ဆငည်း(15)ဒီန်မာ် ဘိူန်းတိုည်းဘို တာယန်ကင်ကြဲ ဘိူန်းအဆာက်(52)ဆန်ုမ် မိူဝ်ႈခံင်ယိူည်ႇ ကာည်း ဂြူစာက်ပ်ုန်နှာင်းဒါ ခေဲင်ခံင်ယိူည်ႇ အောႏ။

ဆဲႈဒီန် ဘံန်ဟောည်ႇဒေဲႈ ကျံရ်တာရ်၊ ဆငည်း(23) ဘိူန်းတိုည်းဘို အီကရိူရ်ႈကယံင်းခံင်ယိူည်ႇ တာလုံကော ဘိူန်းအဆာက်(63)ဆန်ုမ်၊ တာဆဲင်ခံမ်းအံင် ဘိူန်းအဆာက်(28)ဆန်ုမ်၊ တာအလိုမ် ဘိူန်းအဆာက်(38)ဆန်ုမ်၊ တာညီချီတ် ဘိူန်းအဆာက်(34)ဆန်ုမ် ကာည်း တာဘိုဘို ဘိူန်းအဆာက်(41)ဆန်ုမ်။ ကျံရ်တာရ်၊ ဆငည်း(30)ဒိူန်မာ် ဘိူန်းတိုည်းဘို ယာသီအံင် ဘိူန်းအဆာက်(36)ဆန်ုမ်။ 

မိုႈဘို ပလှံင်ရူကော၊ ရဝ်လောည်မွန်း  ဘံန်ဟောည်ႇဒေဲႈ ကျံရ်တာရ်၊ ဆငည်း(30)ဒီန် ဖုင်ပလိက်ကုင်တအာင်းဂဲ ဘိူန်းဆဒါင် ဒါႈ တာနာည်ဆီ ဘိူန်းအဆာက်(30)ဆန်ုမ်၊ တာယည်ဘောင် ဘိူန်းအဆာက်(36)ဆန်ုမ် ကာည်း တာနာည်ထူန်း ဘိူန်းအဆာက်(50)ဆန်ုမ် စိဟာဝ်းစေတ်မေန်းပဂါင်ဂေါည်ဂဲ ယိူဝ်းကဲဒါ ခံင်ယိူည်ႇ ကာည်း ဂြူစာက်ပ်ုန်ဒါတောႇခံင်ယိူည်ႇ တိုည်းဆီမ်းဟာဝ်းဒိုႇအောႏ။

ဆာ်မိုႈ ပ်ုန်ဘိူန်းတိုည်းတိုအီးကဇိူရ်ႈကယံင်း ကာည်း တိုအီးဒါခံင်ယိူည်ႇကဲနီန် တံပ်အွံရ်ပ်ုန်လောတ် ကပီုန်တအာင်း-PSLF/TNLA နှာင်းဘြဲဆာင်းဒဲႈအကျံင်ဂဲ ပဂါင်ဆငါးကာည်း နှာင်းဆီုပ်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။

ပ်ုန်ကယေင်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈ အရေး ခံင်ယိူည်ႇနီန်မိုႈ တိုအီးဒါခံင်ယိူည်ႇခေဲင်အရာပ်တကြာက်အယ်ကာည်း တိုအီးကဇိူရ်ႈကယံင်း ခံင်ယိူည်ႇကဲနီန် မောကံပ်ယောမ်ဟာဝ်း၊ မောကံပ်ဘယ်ထိင်ဒံန်ခြဲဒဲႈ ဘံန်နံင်ဒေဲႈ ကောန်တဘိုက်ဂဲကာည်း မောကံပ်ဘယ်ရေဲန်ပဇာရ်ဒဲႈ လံပ်ကတ်ုမ်ဇိုဇာတ်တိုအီးယေန်ငံင်။ ဆဲႈဒီန် မောကံပ်ဇီုင်းကာန် ဘ္လီုက်လှူပ်တြားဥပဒေ ကတာ်န်းကႎျှံန်း ၊ ခေါခါႇကနာည်ကူန်ရဝ်မာဂါင်ဂဲ ကာည်း ပ်ုန်နံပ်ပ်ုန်ဆမား ဇိုဇာတ်တိုအီးအယ် မောကံပ်ကဟိုက်ကဟာဝ်းဒေဲႈအောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း