05 October 2026

ဆာ်ႈအယ်ကတူႈကီန်းဒည်း အီးပ္လေဲဝ်လူည်ႇ အခွါင်းအရေးတိုအီး ဘိူန်းကဆီုပ်ကဘားဟြာင်းဒဲႈ တလူမ်အရေးကူန်ရဝ်မာဂါင် (PRC) ကုင်တအာင်း

အိုမ်ယ်ုရ်၊ ကျံရ်အူကိူရ်၊ ဆငည်း(5)

ဆဒါင်ကုင်တအာင်း

လူမ်အရေးကူန်ရဝ်မာဂါင် (Public Relations Center – PRC) ပ္လူႈဆဒိ တကူန်ရဝ်မာဂါင် အီဂေါည်ခေဲင်ကုင်တအာင်းနီန် ဆာ်ႈအယ်ကတူႈကီန်းဒည်း ပ္လေဲဝ်လူည်ႇ အခွါင်းအရေးတိုအီးနီန် ဆာ်ႈအယ်လိုကဇောည်  ဘိူန်းကဆီုပ်ကဘားဟြာင်းဒဲႈ တ PRC အောႏ။

တေဲင်ဘည်ကတူႈကူန်ရဝ်မာဂါင်ဂဲ တကီန်းဒည်းဂဲ လူမ်အရေးကူန်ရဝ်မာဂါင် (Public Relations Center – PRC)ဂဲ ရံပ်လာည်အူန်း ပ်ုန်ဆမွံတ်၊ ပ်ုန်ဟြာင်းနှဲ ကာည်း ပ်ုန်မှာန်းအယ် နှာင်းႎီရ်ဟြာင်းဘို ကဆီုပ်ဒဲႈတတီုင်ဌာန မောကံပ်ဘိူန်းပ်ုန်မှာန်းကဇောည် ကာည်း ဘည်ကီန်းဒည် ကူန်ရဝ်မာဂါင်ဂဲ။ 

ဆဲႈဒီန် လှံင်၊ ဇံင် ကာည်း ရဝ်တောန်ဒီ နံင်ငိူပ်မေန်းဟာဝ်း ဘည်ဘာည်းကူန်ရဝ်မာဂါင်ဂဲ၊ လေႈဒေင်လံပ်တခေါရ် ကာည်း ဘည်လိုကဆီုပ်ကဘားနီးပိင်ငျာ ဘည်လိုကစုလံပ်ကတ်ုမ်ဒေတာ။ ဘည်လိုဟြာင်းရနော ဘည်ဘာည်းပဲန်ပ္လေဲဝ်လူည်ႇအခွါင်းအရေး ကာည်း ဘည်လိုကဘ္လာင်းဒဲႈ။

ဆဖာဝဖေးအန္တရာယ်၊ ဂေါပ်တိုအီးဘည်ပဲန်ဒဲႈ ဆဖာဝဖေးအန္တရာယ်၊ လောင်ကတီုက်ကပဲင်၊ လောင်ပ္လေဘျုင် ကာည်း ဂေါပ်ဂြူဆီုက်အီကီုတ်ဒီန် တိုဆံက်ကူန်ရဝ်မာဂါင်ဂဲ ကတူႈဖေးဘာတ် ကာည်း ယံမ်းဟာဝ်း လောင်ကဲဂဲဒီန် တိူဝ်ႈရနောအူန်း ပ်ုန်လိုကဇောည်တောန်နဲ နံင်ရဲင်ရီတ်ကဇောည်ဟာဝ်းအောႏ။

ဆဲႈဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA မူဝါဒ၊ ဘည်ဇံင်မံန်၊ လောင်ဇီုင်းကာန် ကာည်း ပဲန်ရေဲန်ဒဲႈ ဘိူန်းကဆီုပ်ကဘာည်း တ-PRC အောႏ။

ဘည်‌ရေဲန်ဇီုင်းကာန်- ဖုင်အရေးကူန်ရဝ်မာဂါင်-PRCဂဲ  ပ်ုန်လို ကာည်း ဘည်ကတူႈကီန်းဒည်း ကူန်ရဝ်မာဂါင်ဂဲ  တောပ်ဘည်အခိင် ဘိူန်းကဇောည် ကဘ္လာင်းဆာင်ဒဲႈ။ မူဝါဒတံပ်အွံရ်ပ်ုန်လောတ်ကပီုန်တအာင်း- PSLF/TNLA၊ ဘည်ဇံင်မံန်၊ ဇီုင်းကာန်ပ်ုန်‌ရေဲန် ကာည်း က္လာင်းဒဲႈဟာဝ်းကူန်ရဝ်မာဂါင်ဂဲနံပ်၊ ဒံန်ခြဲဒဲႈ တံင်ဇူႈအခွါင်းအရေး ကူန်ရဝ်မာဂါင်၊ ပ်ုန်ကယေင် တိူဝ်ႈလာည်ဟြာင်းဟိုက်ရနော ဘည်ကတူႈပ္လေဲဝ်အခွါင်းအရေး။ ဆဲႈဒီန် ဂေါပ်ဖေးဆီုက်နာန်း ပ်ုန်တိုအီးယဲဝ် နံင်ကဇောည်ဒံန်ခြဲဟာဝ်း ကာည်း နံင်‌ရေဲန်ဒဲႈဟာဝ်းလံပ်ပျိူဝ်ႇယိူဝ်း။

ကဆီုဝ်ကဲဆိင်ဟြာင်းဆမွံတ်ကဲဒိူန် ဖုင်အရေးကူန်ရဝ်မာဂါင်- PRC ဟြာင်းပ္လေႈအူန်းပ္လါႇဘေဲႇကနံဝ်းႎှုင် တောႇတောန်လှံင်၊ ခေဲင် QR Code  ကာည်း  Scan ၊ Signal၊ WhatsApp၊ Viber ကာည်း Facebook Page Messengerမော ဘိူန်းကဆီုပ်ကဘားဆမွံတ်ဒဲႈအောႏ။

ဆဲႈဒီန် ခေဲင်အီးမေးလ် Email - [email protected] ကနံဝ်ႎှုင် - 09-668 134 011 / 09 669 990 682  Facebook Page Messenger - https://www.facebook.com/profile.php?id=61577045597452

ဘိူန်းဆမွံတ်ဒဲႈအောႏ။ 

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း