05 October 2026

ဥပဒေဒဲႈလံပ်ပိင်ငျာကဆီုဝ်ပရိုဂရမ်(Legal Education & Awareness Program – LEAP)ဂဲ ဆာ်ႈအွံရ် ဒဲႈဟာဝ်းလံပ်ပိင်ငျာ လောင်ခေါပ်ပြာယာန် ကာည်း ခေါပ်ပြာဒေင် ပလှံင်အိုမ်ငျံရ်

အိုမ်ငျံရ်၊ ကျံရ်အူကိူရ်၊ ဆငည်း(5)

ဆဒါင်ကုင်တအာင်း

ခေဲင်ကုင်တအာင်း၊ ကနာည်ပယာမ်ဖေးအန္တရာယ်ကဆီုဝ်ယာန်၊ ဖုင်ကဇောည် လံပ်ဥပဒေကုင်တအာင်း-Ta’ang Legal Aid Foundation - TLAF ဥပဒေဒဲႈလံပ်ပိင်ငျာကဆီုဝ်ပရိုဂရမ်(Legal Education & Awareness Program – LEAP)ဂဲ ဆာ်ႈအွံရ် ဒဲႈဟာဝ်းလံပ်ပိင်ငျာ လောင်ခေါပ်ပြာယာန် ကာည်း ခေါပ်ပြာဒေင် ပလှံင်အိုမ်ငျံရ် ကျံရ်တီမ်၊ ဆငည်း(29) ရောတ် ဆငည်း(29)။

ခေဲင်ႎါင်ပနောဒီန် ကူန်ရဝ်မာဂါင်(31)အီး ဟိုက်ရောတ်ဒေဲႈ ကာည်း ကဆာင်းဒဲႈဟာဝ်းဘို ပ္လါႇဘေဲႇဒဲႈဆဒိလံပ်ပိင်ငျာ။ ဆဲႈဒီန် ဖုင်-LEAP ဆာ်ႈအွံရ်ဒဲႈဟာဝ်းႎါင်ပနော တကူန်ရဝ်မာဂါင်ဂဲ မိုႈဘို ကူန်ရတ်မာဂါင်ဂေါည်ခေဲင်လှံင်အိုမ်ငျံရ် (200)အီးဒီန်မော ဒဲႈဟာဝ်းပံပ်ဘေဲႇ လောင်ဒဲႈပိင်ငျာ။

ပ်ုန်ကယေင်ဒဲႈဟာဝ်းႎါင်ပနောနီန်း မိုႈ နံင်ကူန်ရတ်မာဂါင်ဂဲအီ‌ဂေါည်ခေဲင်ကုင်တအာင်းနီန် နံပ်လောင်ပိင်ငျာဘ္လံက်ချှာင်တြားဥပဒေ ကာည်း ဘည်လံပ်ကတ်ုမ်ဒေတာလံပ်ဥပဒေ မောကံပ်ဘိူန်းကဒေဲႈတည်း၊ နံပ်ဆဘောလောင် ခေါပ်ပြာႇယာန် ကာည်း ခေါပ်ပြာႇဒေင် မောဖေးအန္တရာယ်ဘြေ့ဟာဝ်း။

မိုႈဘို ဘံန်ဟောည်ႇဒေဲႈ ကျံရ်တာရ်၊ ဆငည်း(25) ကဆာင်ဒဲႈဟာဝ်းပံပ်ဘေဲႇဘ္လံက်ချှာင်တြား လောင်ခေါပ်ပြာႇယာန် ကာည်း ခေါပ်ပြာႇဒေင် တကူန်ရဝ်မာဂါင်(100)အီး ပလှံင်အေဲမ်ခြီရ်။

ကဆီုဝ်ႎါင်ပနောနီန် ရောတ်ကဇေန်းနီး ဘယ်ဒဲႈဟာဝ်းဇီုင်းကာန်လံပ်ပိင်ငျာ ပလှံင်အေဲမ်ခြီရ် ကာည်း လှံင်အိုမ်ငျံရ်။ ဆာ်ႈမိုႈ ဇီုင်းကာန်ဟာဝ်းနှာအာည်ႇ နံပ်ဆီုပ်ဒဲႈဟာဝ်း ပလှံင်အိုမ်ယ်ုရ်၊ လှံင်ရူကော၊ လှံင်မိူင်လိုင် ကာည်း လှံင်ကုင်ငေါှ အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း