“ကုင်မျံမ်”တီုင်ရံရ်ႈရဇံင်းလံပ်ပိင်ငျာ(TLEF)ဂဲ ႎိူဝ်ႈဟာဝ်းကျောင် ကုင်မျံမ်လံပ်အရေးကုင် လိူဝ်ႈ(4)
15 September 2026
“ကုင်မျံမ်”တီုင်ရံရ်ႈရဇံင်းလံပ်ပိင်ငျာ(TLEF)ဂဲ ႎိူဝ်ႈဟာဝ်းကျောင် ကုင်မျံမ်လံပ်အရေးကုင် လိူဝ်ႈ(4)
အိုမ်ယ်ုရ်၊ ကျံရ်တီမ်၊ ဆငည်း(15)
ဆဒါင်ကုင်တအာင်း
ပ်ုန်ကယေင်မောကံပ်ဘယ်ပြိူဝ်ႈပျေဲႈလေႈ အီအွံရ်ကောန်တဘိုက်ဘံန်နံင်ဒေဲႈ ကာည်း မောကံပ်ဘယ်ပျိူဝ်ႇဆနီတ်ႎှဲတ်ဒရဲရ်ဒီမိုကဆီ ခေဲင်ကုင်တအာင်းနီန် အီမိုႈ ရခြူမ်ကုင်မျံမ်တီုင်ရျံရ်ႈရဇံင်းလံပ်ပိင်ငျာ(Tea Land Education Foundation - TLEF) ကျောင်ကုင်မျံမ်တီုင်အိုမ်အရေးကုင်- TLSPS ပ်ုန်နံင်ႎိူဝ်ႈဟာဝ်း ကျောင်ကုင်မျံမ်တီုင်အိုမ်အရေးကုင်- TLSPS လိူဝ်ႈ(4)နီန် ကျံရ်တီမ် ဆငည်း(12) ရေဲန်ဟာဝ်းပ္လေါည်ႎိူဝ်ႈကျောင်။
ပ္လေါည်ႎိူဝ်ႈကျောင်ဒီန် ဇူႈအခိင် ခီညှာ(9:00)နြီ ရောတ်ရဆံန် (12:00)နြီ အီဟိုက်ဒဲႈခေဲင်ပ္လေါည်ႎိူဝ်ႈကျောင်ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဂေါပ်တာချှာင်ဇီုင်းကာန်တောန်နဲ(2) ခူန်အွံရ်ဒါင်း ပါင်လ၊ ပါမောက္ခ ဒေါက်တာဟောည်ႇ၊ လီပ်ဖုင်ကျောင်- TLEF၊ အီရံပ်ဇီုင်းကပ္လိူင်ခေဲင်တီုင်ဌာန၊ ကောန်ကျောင်ပြီမ် ကာည်း ကောန်ကျောင်အီနှာင်းဟိုက်(4)လိူဝ်ႈ ကောန်ကျောင်ကစုကပိုမ်ဂေါည်(36)အီး ဟိုက်ရောတ်ဒဲႈအောႏ။
ခေဲင်ပ္လေါည်ႎိူဝ်ႈကျောင်ဒီန် ခူန်အွံန်ဒါင်း ပါင်လ က္လာင်းကြောႈတံမ်း “ဒါႈ” ဘည်ပြိူဝ်ႈဇံန်ကုင်တအာင်းနီန် ကနာည်ကတာႈဒါင်းဇာရ် လိုကောန်တဘိုတ်အီလှဲမ်ဘေဲႇ၊ ဆာ်အယ်ဘယ်ပဇာရ်ကဏ္ဍပိင်ငျာဒီန် စိနှာင်းဘယ်ကကာႈအီကလူည်ႇကာည်းအီမိုႈ မာ်ဂေါပ်ဘယ်ပြိူဝ်ႈလေႈ ဖုင်ကကာႈလံပ်ယေန်ငံင်။
ဆဲႈဒီန် ဖုင်အီလီပ်ချှာင်ဇီုင်းကျောင် ကာည်း ကောန်ကျောင်ပျီမ် မာည်းတင်အံင် က္လာင်းကြောႈ “ဒါႈ” လိုအီဆမားတဂေန်း ဘည်ကကာႈပဇာရ်ဖုင်အူဖုင်၊ ဂေါပ်အယ်ကယေင် လိုမိူဝ်ႈအီနံပ်ဆမားတဂေန်းကနာည် ဖုင်အယ် စိႎိူဝ်ႈဟာဝ်းကျောင် ကုင်မျံမ်လံပ်အရေးကုင် နီန်။
ကျောင်ကုင်မျံမ်တီုင်အိုမ်အရေးကုင်နီန် ဇိုချီုင်ႎါင်ပနော နံင်လှေင်(2)ဆန်ုမ် နံင်ကကာႈပနောဟာဝ်း ပဲန် Semester (2)လှေ။ ဆာ်မိုႈ ဆန်ုမ်ပနောဘေဲႇအူ နံင်ပနောဒဲႈဟာဝ်းတံင်ရျံရ်ႈဘည်ပဇာရ်ပ်ုန်နံပ်ဆမား၊ ဆာ်မိုႈ ဆန်ုမ်ပနောဘေဲႇအာရ် နံင်ကဆီုပ်ကဘာတောပ်ကညာပိင်ငျာအီဆမားဂဲ ခေဲင်ကုင်ကပိုမ်ကာည်းကုင်အီဟံရ် ပနောဒဲႈဟာဝ်း ဖာဆာလံပ်အရေးတီုင်ကုင်ကာည်း အီကဆီုဝ်ကဆဲင် လံပ်မူဝါဒ။ ဆဲႈဒါႇဒီန် ဆာ်ဟောည်ႇဟိုက်အံင်ဟာဝ်းကျောင်နီန် နံင်အာပ်ဒဲႇဟာဝ်း ဘွည်ႇဒီပလိုမာကုင်မျံမ် တီုင်အိုမ်အရေးကုင် တကောန်ကျောင်ဂဲအောႏ။
ကျောင်ကုင်မျံမ်တီုင်အိုမ်အရေးကုင် လိူဝ်ႈ(၁)ဒိူန် ဇူႈ- ဆန်ုမ်2016 ကီုင်ဒါင်းမာန်တလေး၊ လှံင်ပျင်အူလူန်း ကောန်ကျောင်ကစုကပိုမ်ဂေါည်(27)အီး ၊ လိူဝ်ႈ(2) ဇူႈဆန်ုမ်-2018 ႎိူဝ်ႈဟာဝ်း ပကုင်လာဆေဝ် ကစုကပိုမ်ကောန်ကျောင်ဂေါည်(25)အီး ဟိုက်ရောတ်ပနောဟာဝ်း။ ဆဲႈဒီန် ဆန်ုမ်-2025မာ် ဘယ်ရေဲန်ပ္လေါည်ပ္လိုတ်ႎါင်ပနော ကျောင်ကုင်မျံမ်တီုင်အိုမ်အရေးကုင် လိူဝ်ႈ(3)၊ ကောန်ကျောင်ကစုကပိုမ်ဂေါည်(34)အီး။
ပ်ုန်ကယေင်ႎိူဝ်ႈဟာဝ်း ကျောင်ကုင်မျံမ်တီုင်အိုမ်အရေးကုင်နီန် မောကံပ်ဘယ်ပျိူဝ်ႇဆနီတ်ႎှဲတ်ဒရဲရ်ဒီမိုကဆီ ခေဲင်ကုင်တအာင်းနီန် ပိင်ငျာအရေးတီုင်ကုင်၊ မာ်ကာပ်မိူဝ်ႈ ကောန်တဘိုတ်ဆမားတဂေန်းလောင်အရေးတီုင်ကုင်။ လိူဝ်ႈဂဲအီဟောည်ႇဒိူန် ကောန်ႎါင်ပနောဂဲ ဘယ်လီပ်ထာမ်းဇီုင်းကာန် ခေဲင်တီုင်ဌာန တောန်တီုင်ဌာန။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists