2323

ကောင်ဆံရ်ဇီုင်းပိင်ငျာကုင်တအာင်း- TLECဂဲ ရံပ်လာည်းဟာဝ်း အမှုလောင်” ယန္တရား” ပ်ုန်ဟြာင်းဟိုက် ကာည်း ခံင်ကျခံင်လပ်ုန်ဒေဲႈ(70)လေႈ ခေဲင်အိုည်ကျံရ်နီန်

ဒေသတွင်းသတင်း / Myanmar's Crisis & The World TA
20 November 2026

ကောင်ဆံရ်ဇီုင်းပိင်ငျာကုင်တအာင်း- TLECဂဲ ရံပ်လာည်းဟာဝ်း အမှုလောင်” ယန္တရား” ပ်ုန်ဟြာင်းဟိုက် ကာည်း ခံင်ကျခံင်လပ်ုန်ဒေဲႈ(70)လေႈ ခေဲင်အိုည်ကျံရ်နီန်

အိုမ်ယ်ုရ်၊ ကျံရ်ကိူရ်အူ၊ ဆငည်း(20)
ဆဒါင်ကုင်တအာင်း

ကောင်ဆံရ်ဇီုင်းပိင်ငျာကုင်တအာင်း- TLECဂဲ ပ်ုန်‌ဟောည်ႇဒေဲႈ ကျံရ်ကိူရ်အူ၊ ဆငည်း(18) ရိူရ်ႈလေႈပ္လါႇဘေဲႇ ဘည်ဇူႈဒါဟာတ်း ပ်ုန်ပ္လပ်ုန်ဆဖော ခေဲင်အိုည်ကျံရ်နီန် ဘယ်ရံပ်လာည်းဟာဝ်း အမှုလောင်” ယန္တရား” ပ်ုန်ဟြာင်းဟိုက် ကာည်း ခံင်ကျခံင်လပ်ုန်ဒေဲႈ၊ ပ်ုန်ဟြာင်းနှဲ ကာည်း ပ်ုန်ဆမွံတ် ပ္လါႇဘေဲႇ (70)လေႈအောႏ။

အမှုပ်ုန်ဟြာင်းဟိုက်လောင်” ယန္တရား” ဒီန်မိုႈ ပ်ုန်ကယေင် ကနာည်အီရံပ်ဇီုင်းကာန်ဂဲ နံပ်ကာပ်ဘိူန်းရေဲန်ဟာဝ်းချော်န်းချော်န်း၊ မောကာပ်မိူဝ်ႈပ္လါင်ပ္လါ်ႈလိူရ်ႈတငါည်း ကာည်း ကဟိုက်ကဟာဝ်းဒါင်းဇာရ်ခါဝ်လှေင် စိပဲန်ဇူႈက္လာင်းဒဲႈလည်နံပ်အောႏ။

ပ်ုန်ဘိူန်းရံပ်လာည်းအူန်း ခံင်ကျခံင်လ ကာည်း ပ်ုန်ဟြာင်းနှဲဟိုက်ဒီန်မော ခေဲင်ဇီုင်းကာန်လံပ်ပိင်ငျာမော နံင်ဒါဟာဝ်း၊ ကဇေန်းနီန် ပ်ုန်ပ်ုန်ဟြာင်းဟိုက်အမှုဂဲမော ဟောည်ႇစေတ်ဆေး ဘယ်တိူဝ်ႈလာည်းဟာဝ်းအရေးအောႏ။ ဆဲႈဒီန် ပ်ုန်ဆမွံတ်ဒေဲႈဂဲမော တောပ်ဘည်အခိင် ဘယ်ႎီရ်ကပ္လါင်ဒဲႈဟောည်ႇအောႏ။

ကဆီုဝ်- TLECဂဲမော ဖုင်အီချှာင်ဇီုင်းကာန်ဂဲ ဇီုင်းကာန်ပ်ုန်ဒေဲႈအူန်း တာမ်အီချှာင်ဇီုင်း လိုရံပ်လာည်းဟာဝ်း-ချြံင်အူန်း ပ်ုန်တိုန်းဒေဲႈလံပ်ကတ်ုမ်ဒေသာဂဲကတီးကရီး။ ပ်ုန်တိုန်းဒေဲႈဂဲ လိုပ္လကကာႈအူန်း၊ လိုအာပ်ဒဲႈဟာဝ်းကဆီုဝ်ဌာနမောဌာနအ်ုန်၊ လိုစေတ်မေန်း ကာည်း လိုတိုန်းဆဒါင်တကညာအီတိုန်းဒဲႈဂဲ ကာည်း လိုဟြာင်းဟိုက်ပ္လါႇရနော။

ဘံန်ဟောည်ႇဒေဲႈ ကျံရ်တာရ်၊ ဆငည်း(17) ခေဲင်”ယန္တရား” ဇူႈဒါဟာဝ်း မူဝါဒလံပ်ပိင်ငျာ၊ ဇီုင်းကာန်လူမ်၊ ဘည်ပနောဒဲႈဘေဲႇ၊ ဘည်ဒါစနီတ်စေတ်မေန်းချှံန်ဇာရ်၊ ဘည်ဘာည်းပနောဒေဲႈခေဲင်ႎါင်ပနော၊ ကောန်ကျောင်ဂဲ ဘည်ကတူႈကီန်းဒည်း ကာည်း ဘည်ယိူဝ်း၊ ဘည်ကခေ့ကတား၊ ဘည်ဘာည်းခေဲင်အရာပ်အရာ ကာည်း ဘည်ဒဲႈခံင်ကျခံင်လ၊ ဘယ်‌ရေဲန်ဟောည်ႇ ပ်ုန်ကကျိူည် ကာည်း ပ်ုန်ဟြာင်းဟိုက်အောႏ။

လောင်” ယန္တရား”နီန် ကဆီုဝ် တာဆြာ/ယာဆြာ၊ ကူန်မာကောန်ကျောင်၊ ကောန်ကျောင်ဂဲ ကာည်း ကူန်ရဝ်မာဂါင်ဂဲ ဘိူန်းတိုန်းလီပ်ဒဲႈ ခံင်ကျခံင်လ လောင်လံပ်ပိင်ငျာ ပ်ုန်ဟြာင်ႈ ခေဲင်-Telegram- QR Codeအောႏ။ ကဆီုဝ်ကဲအာဝ်ဆိင်က္လာင်းဇီုဝ်ဂဲဒိူန် ဘိူန်းတိုန်းဒါ-(Anonymous)အောႏ။

ကနာည်လံပ်ပိင်ငျာကတာႈဒါင်းဇာရ်ဟာဝ်း ပ်ုန်ကကျိူည် ကူန်ရဝ်မာဂါင်ဂဲ ပ်ုန်ဒဲႈခံင်ကျခံင်လ ကာည်း ပ်ုန်ဟြာင်းဟိုက်အမှုတောန်နဲ နံင်ရံပ်လာည်း ဘြဲဆာခ္လါည်းဟာဝ်း ဇီုင်းကာန်လံပ်ပိင်ငျာနီန်အောႏ။

Website Official
www.taangland.org

Telegram Official Channel
https://t.me/pslftnlanews

Telegram Link – Ta’ang TV
https://t.me/pslftnlaTaangTV

YouTube Official
https://www.youtube.com/@pslftnlanews

#PSLF/TNLA
#တီုင်‌ပ္လေႈလေႈဆဒါင်

Topics: ကောင်ဆံရ်ဇီုင်းပိင်ငျာကုင်တအာင်း- TLECဂဲ ရံပ်လာည်းဟာဝ်း အမှုလောင်” ယန္တရား” ပ်ုန်ဟြာင်းဟိုက် ကာည်း ခံင်ကျခံင်လပ်ုန်ဒေဲႈ(70)လေႈ ခေဲင်အိုည်ကျံရ်နီန်
Tags: ဆီုက်တအာင်း ကုင်တအာင်း ဘြောင်ချှာင်ကုင်တအာင်း

Comment Lists
ဘည်တိူရ်;လိူရ်;ယိူ၀်းမည်း