ပလှံင်အိုမ်ယ်ုရ် ၊ ရဝ်နံမ်လီန်း ကျံရ်အာရ် ဆငည်း(12) အခိင်ခီညှာ(10:30)နြီဒိူန် ဂါင်တာအလူန်း ဆွံရ်အူန်းဘ္လောမ်ႎှုင် တဘက်ထရီ ဂေါႇႎှုင်တာမှည်ဘ္လောမ် ပဲန်ပဒူႈ ဇူႈပဲန်ဟာဝ်းငံရ်က္လိုႇ။ ဂေါႇပဲန်ငံရ်က္လိုႇဘည်ဒီန် ဂြိုခြီုင်ဂေါည်ခေဲင်ဂါင်ဂဲပါ်ဒိုႇဒိုည်ႇ ငံရ်က္လိုႇကဆူမ်းဟာဝ်းဒိုည်ႇ ကစုကပိုမ်ထာန်ကဆူမ်းဟာဝ်းမိုႈ ရိူန်း(600)ဆဲန်လိူဝ်ႈ။
ဒီရ်;ကဇေန်နီး
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာန်ဆာ၊ လှံင်ကိုက်ခည်း၊ ခေဲင်ကုင်တအာင်းအောႏ။
ဂဲရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ ကုင်တအာင်း၊ လှံင်ရူကော၊ အေဲမ်ခြီရ်၊ အေဲမ်ငူည်၊ ကိုက်ခည်း၊ မိူင်းယု( 105 )လှံက်၊ အိုမ်ငျံရ်၊ အိုမ်ယ်ုရ် ကာည်း ကုင်ငှေါအောႏ။
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင် လှံင်ရူကောဂဲ ခည်မိုႈ ကျံရ်ကိူရ်အူ ဆငည်း(22)ဒိူန်အောႏ။
တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ဘြောင်ချှာင်ဂဲ ရေဲန်ပါင်ကမိုန်ကတူႈကငျားတောပ် အီရံပ်ဇီုင်းကပ္လိူင် ကာည်း ကူန်ရဝ်မာဂါင် ပလှံင်ရူကောအော။
ပ်ုန်ဒီရ်;ဂီုန်း
