ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ငူည် ပ်ုန်ကယေင်မောကံပ် ကူန်ရဝ်မာဂါင်အယ်ဂဲ ႎီရ်ဘိူန်းဇိုဇာတ်ပြီမ်ဂဲ ပ်ုန်ဖုင်ပလိက်လှံင်ဂဲဘိူန်းတိုည်းထိင်အူန်း တိုအီးဒါခံင်ယိူည်ႇအီမာည်း(2)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ လှေင်(6)ကျံရ် ႎီရ်အာပ်ဒဲႈဟာဝ်း တရဟောမ်ရမာ။
ဒီရ်;ကဇေန်နီး
ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ခြီရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ဆပဲဆငါး ဆာ်အွံရ်ဝီရ်ဘြဲဆား ဒေင် ကာည်း ကပု အ်ုန်အီလူလှဲဝ်ႏ ပဲန်ဒေင်ကွန်ကရစ် ဘည်ကယေင်ဘြဲဆားဒေင်ခေဲင်ဇံင်ကဲနီန်မိုႈ နှာင်းမိူဝ်ႈလံပ်ကတ်ုမ် တကူန်ရဝ်မာဂါင်ဂဲ ဘိူန်းဒါဟာဝ်းဝီရ်ကတီးကရီး။
ဘည်မိုႈဘည်ဘာည်းအ်ုန် ကျံရ်ဖံန် ဆငည်း(9) အခိင်ရဆံန်(2:30)နြီဒိူန် ကားတာင်ခါည် ပ်ုန်ကောႈဒေဲႈ မာည်းအံင်နာည်အူး အဆာက်(22)ဆန်ုမ် ပဲန်ဘရေက်ပဒူႈ ငျားလီပ်ဒူႈခေဲင်ဂါင် တပြော ဂါင်ဒီရလှဲဝ်မောချှဲယ်ရီ။
ဘည်ကယေင်ႎိူဝ်ႈဟာဝ်း ထီရိူန်းဒူးလံပ်ပိင်ငျာတအာင်းန်နီန်မိုႈ မောကံပ်ဘယ်ကဇောည်ဒဲႈ လံပ်ပိင်ငျာကုင်တအာင်း ကဇေန်နီး ဂေါႇ ဘည်အာဝ်နှီမ်းလံပ်အရေးတီုင်ကုင် ကာည်း ကူန်ရဝ်မာဂါင်ဂဲ မိူဝ်ႈကီန်းဒည်းလံပ်ဘြောင်ရိူန်းခြီရ် နံင်ဇံင်းဟာဝ်းအူကဇေန်။
ပ်ုန်ဒီရ်;ဂီုန်း
