03 September 2026

ပ္လါႇဘေဲႇတောႇဟိုက်ကျောင် လိူဝ်ႈအာရ် ပ်ုန်နှာင်းႎိူဝ်ႈဟာဝ်း ရခြူမ်ကောင်ဆံရ် ခေါခါႇကုင်တအာင်း- THC ကျောင်“TIH” ကနာည်ဘွည်ႇပိင်ငျာဆနံမ်း (M.B.,B.S) 

အိုမ်ယ်ုရ်၊ ကျံရ်တီမ် ဆငည်း(3)

ဆဒါင်ကုင်တအာင်း 

ဆန်ုမ်2026၊ ကျံရ်တီမ် ဆငည်း(1)ဒိူန် ကောင်ဆံရ်ခေါခါကုင်တအာင်း- THC ပ္လိူရ်ႈဒါႈ ဇူႈတောႇဟိုက်ကျောင် လိူဝ်ႈအာရ် ပ်ုန်နှာင်းႎိူဝ်ႈဟာဝ်း ရခြူမ်ကောင်ဆံရ် ခေါခါႇကုင်တအာင်း- THC ကျောင်“Tealand Institutes of Health-TIH” ကနာည်ဘွည်ႇပိင်ငျာဆနံမ်း [Bachelor of Medicine, Bachelor of Surgery (M.B.,B.S)]။

ဘည်ကဆီုဝ်အီဟြာင်းကဲဒီန် လိုမိုႈ အီအံင်အူကိူရ်တာန်း လာည်းဖာဆာသိပ္ပံ (ဆာ်အာဝ်မိုႈ) လိုမိုႈ အီအံင် Grade -12၊ လိုမိုႈအီအံင် GED (General Education Development) (ဆာ်အာဝ်မိုႈ) GCSE (International General Certificate of Secondary Education) လိုမိုႈအီဘိူန်းနိုက်ချှံန်အမှာတ် တောပ်ဘာည်းပ္လအူန်း။ 

ဆဲႈဒါႇဒီန် လိုဟြာင်းကဂေါပ်ဟိုက်ဒေဲႈ တောပ် ပ္လါႇဘေဲႇလာက်မှာတ်ပ်ုန်အံင်အယ် ကျောင်လံပ်ပိင်ငျာတာန်းဇာရ်ကာည်း စြာင်းအမှာတ်အယ်၊ ချာဘေဲႇ ကနံဝ်တိုအယ်၊  ပ်ုန် တီုင်ဌာနခေါခါႇဂဲ ထာ့်ခါမ်ဒဲႈ ဒါႈကဆီုဝ်ခေါခါႇချဲမ်(ပေန်) ကာည်း ပ်ုန်တာဘြောင်ဇံင်/ခမိုဂဲ ထာ့်ခါမ်ဒဲႈ ဒါႈအချံင်ချဲမ်(ပေန်)ကဲနီန်။

ခေဲင်ပ္လါႇဘေဲႇဒီန် ပ္လိူရ်ႈနှဲဒါႈ ကဆီုဝ်ႎါင်ပနောနီန် နံင်ပနောဟာဝ်းလှေင် (6)ဆန်ုမ်ကာည်း ဇိုချီုင်ပနောဇီုင်း(1)ဆန်ုမ် ကစုကပိုမ် နံင်လှေင်(7)ဆန်ုမ် ဆာ်ဟောည်ႇဟိုက်ဟာဝ်း ကျောင်နီန် နံင်အာပ်ဒဲႈဒီဂရီဘွည်ႇပိင်ငျာဆနံမ်း (M.B.,B.S) နံင်လိုထာမ်းဟာဝ်းဇီုင်းကပ္လိူင် ခေဲင်ကုင်တအာင်းနီန် ဒီဘြေ့အ်ုန်(3)ဆန်ုမ် တောပ်ဘာည်းပ္လအူန်း ကောင်ဆံရ်ခေါခါႇ ကုင်တအာင်း-TIHဂဲအောႏ။

ကဆီုဝ်အီနံင်ဟြာင်းဟိုက်ကျောင်ကဲဒီန် လိုဟြာင်းဟိုက်ဒေဲႈ ရဘံန်းဆူတ်အ်ုန် ဆန်ုမ်2026၊ ကျံရ်တီမ် ဇူႈဆငည်း(1) ရောတ်ဆငည်း(18)၊ ဘိူန်းမှာန်း တ TIHဂဲ အီမိုႈ Facebook Page Messenger ခေဲင် Application Form (Google Link)ကဲနီန်  ဟြာင်းဟိုက်ဒေဲႈ။ ကဆီုဝ်အီအံင်ဘိူန်းဟိုက်ကျောင်ဆနံမ်းနီန် ဘံန်မိုႈကျံရ်အူကိူရ် ဆငည်း(19) လိုအူန်းရဘံန်းဆူတ်အ်ုန် ဟြာင်းက္လာင်းဟိုက်ဒေဲႈ အီရံပ်ဇီုင်းကပ္လိူင်TIHဂဲနံပ် ဒါႈအယ်ဘယ်ဘိူန်း/အာဝ်ဘယ်ဘိူန်း ဟိုက်ကျောင်နီန် ဆာ်မိုႈ ကျံရ်ကိူရ်အူ ဆငည်း(2) နံင်ဇူႈႎိူဝ်ႈဟာဝ်းကျောင်နီန်အောႏ။

ပ်ုန်ကယေင်ႎိူဝ်ႈဟာဝ်း ကျောင်“Tealand Institutes of Health-TIH” နီန်မိုႈ မောကံပ်ဘယ်ပြိူဝ်ႈလေႈ ကညာပိင်ဆနံမ်းဂဲ အီဆမားနံပ်နိုက်နိုက် ကနာည်ဘယ်ငိူပ်မေန်းဒဲႈ ခေါခါႇကူန်ရဝ်မာဂါင်ဂဲ မိူဝ်ႈလံပ်ကတ်ုမ် ကျဆူတ်ကနာည် ကူန်ရဝ်မာဂါင်ဂဲ ခေဲင်ကုင်တအာင်းနီန်အောႏ။

ဒါႇခူဒီန် ဆာ်မိူဝ်ႈပ်ုန်ဆိင်နံပ်စာ့်စာ့်စဲစဲ ကဆီုဝ်ကဆဲင်တႎါင်ပနောနီန် ဘိူန်းလီပ်ကဆီုပ်ကဘာဒေဲႈ အီမိုႈ TIH ခေဲင်Telegram-@Hi9h1ander (ဆာ်အာဝ်မိုႈ) ဘိူန်းအူန်းကြောႈက္လာင်းဒေဲႈ ခေဲင်[email protected] နီန် အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း