03 September 2026

ဂေါႇပဲန်အိုမ်ဒါင်းလှူပ် ပလှံင်အေဲမ်ခြီရ် အီရံပ်ဇီုင်းကပ္လိူင်လှံင်ဂဲကာည်း တာဘြောင်ချှာင်ဇံင်ဂဲ ကပိုမ်ရေဲန်ဆာင်လာင်းႎီုန်ဟာဝ်း ကတာည်းက္လျံတ်ညာင် အီကီုတ်တေဲင်ဒေင်

အေဲမ်ခြီရ်၊ ကျံရ်တီမ် ဆငည်း(3)
ဆဒါင်ကုင်တအာင်း

ကုင်တအာင်း၊ ပလှံင်အေဲမ်ခြီရ် ကျံရ်တာရ် ဆငည်း(30)ဒိူန် ဂေါႇဘြည်က္လာည်းဒါင်း ႎါည်ပဲန်အိုမ်ဒါင်းလှူပ် ခေဲင်လှံင်အေဲမ်ခြီရ် ဖုင်ပျံတ်ယံတ်ငံရ်ဂဲ၊ ဖုင်ဆပဲဆငါးဂဲကာည်း တာဘြောင်ချှာင်ဇံင်ဂဲ ကပိုမ်ဒေရေဲန်ဆာင်လာင်းႎီုန်ဟာဝ်း ကတာည်းက္လျံတ်ညာင် အီကီုတ်တေဲင်ဒေင်။
 

ဂေါႇဘြည်က္လာည်းဒါင်း အိုမ်ဇူႈတပ္လေါင်အိုမ်လှံင်အေဲမ်ခြီရ် လှည်ဒါင်းလေႈဒေဲႈ ကဒါႇဇံင်အံင်မေတ္တာ၊ ဇံင်ပေါက်နေကာည်း အရာပ်ဒီကတာည်းဒျံမ်မံင်ခ္လံက်ဒိူန် အ်ုန်ပဲန်ဟာဝ်းဒိုည်ႇအိုမ်ဒါင်းလှူပ် ခေဲင်ဇံင်ဒီဂေါည်ကူန်ရဝ်မာဂါင်ဂဲကာည်း ခေဲင်ဂါင်ကဲနီန်။
 

ဂေါႇကတာည်းက္လျံတ်ညာင်ကဲဒီန် ဂြိုခြီုင်အီဂေါည်ခေဲင်ဂါင် မံင်ခ္လံက်ဒိူန် မိူဝ်ႈကတူႈချှူမ်ဟာဝ်း ဒါႇခူဒီန်အာဝ်ႎံန်း တေဲင်ဒေင်ကဲနီန်မာ် ဂေါႇအ်ုန်မိူဝ်ႈ ကတာည်းက္လျံတ်ကာည်း ညှိူဝ်ကစုခမိုကီုတ်အူန်း ဘည်ဟာဝ်းႎီရ်ကူန်ရဝ်မာဂါင်ဂဲ အ်ုန်မိူဝ်ႈကီန်းဒည်း။ ဂေါႇဘည်ဒီန် ကနာည်ကူန်ရဝ်မာဂါင်ဂဲ နံင်ဘိူန်းဒါဟာဝ်းႎီရ်ငှိူည် ဘည်ကဇေန်နီး အီရံပ်ဇီုင်းကပ္လိူင်ဂဲ စီကပိုမ်ရေဲန်ဇီုင်းကာန် ဆာင်လာင်းဟာဝ်းဘည်နီန်။

ႎါည်ပဲန်ဘြည်က္လာည်းဒါင်း ပလှံင်အေဲမ်ခြီရ် အရာပ်ဒီကတာည်းဒျံမ်မံင်ခ္လံက်ကဲဒိူန် ‌ဂေါည်ဂေါည်ပဲန်အိုမ်ဒါင်းလှူပ်လီပ် ခေဲင်ဇံင်ကာည်းဂါင်ကဲနီန် အီ‌ဂေါည်ဒီကအူရ် ကုင်ခယ်နီန် ‌ဂေါႇပြာအိုမ်တမာဝ်းကဲနီန် လှည်လေႈဒေဲႈ ပရဝ်မံင်ခ္လံက်ကဲဒိူန်မာ် မိူဝ်ႈပဲန်ဟာဝ်းအိုမ်ဒါင်းလှူပ် ကာည်း ကတာည်းတက္လာ်ႈကဲနီန် ဂေါႇဘည်ဒီန် ဆိင်ပ္လူႈဒဲႈဆဒိတကူန်ရဝ်မာဂါင်ဂဲ လိုအူန်းမိူဝ်ႈဆဒိဒါင်းဒါင်း အာဝ်ဘိူန်းဟာဝ်း ဒီပဲန်ကတာည်းတက္လာ်ႈကဲနီန်အောႏ။

Website Official
www.taangland.org

Telegram Official Channel
https://t.me/pslftnlanews

Telegram Link – Ta’ang TV
https://t.me/pslftnlaTaangTV

YouTube Official
https://www.youtube.com/@pslftnlanews

#PSLF/TNLA
#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း