ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ဘည်တိူဝ်ႈကနေဲႈလှိုပ်ဂုင် ကြောႈဖာဆာတအာင်း၊ ဘေဲႇတအာင်းကာည်း ထုင်မှိူမ်ဂြူခ်ြုမ် ကူန်မာအယ် ခြိူဝ်းမျိုးတအာင်း ဘည်ရောတ်စာ်မ်းဒေဲႈ ပဲန်ပ်ုန်ကအာ်မ်းဆငည်း ဘေဲႇတအာင်း ကရောပ်နိုက်လ(54)ဆန်ုမ်နီန် အီဂေါည်ခေဲင်ကုင်တအာင်း တောန်ဒီတောန်လှံင်၊ တီုင်ဌာနဂဲ၊ ကျောင်ပ်ုန်ႎိူဝ်ႈဟာဝ်း ကောင်ဆံရ်ဇီုင်းပိင်ငျာခြိူဝ်း တအာင်း-TLECကဲနီန်ကာည်း အီရောတ်ပကုင်အီဟံရ်ကဲမာ် ရေဲန်ဟောည်ဟာဝ်း ပ္လေါည်လှိုပ်ဂုင်ဆငည်းဘေဲႇတအာင်း ဟိူင်ဟိူင်ဆာဆာ။
ဘည်တိူရ်ႈလိူရ်ႈယိူဝ်းပုင်အရာင်နီန်မိုႈ ဘည်ရောတ်စာ်မ်းဒေဲႈ ကျံရ်ဘြဂဲတ် ဆငည်း(30)ဒိူန် ရေဲန်တောပ်ဟာဝ်းကူန်ရဝ်မာဂါင်ဂဲ ဟိူင်ဟိူင်ဆာဆာ ပ္လေါည်လှိုပ်ဂုင်ဆငည်းဘေဲႇတအာင်း ကရောပ်နိုက်လ(54)ဆန်ုမ် ပလှံင်အေဲမ်ခြီရ်၊ ခေဲင်ကုင်တအာင်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ် ပရဝ်အူရဝ်ဒီန် တာထူန်းလို အူအီး လူည်ႇအမှုငံန် တေဲင်ကောန်အီပ်ုန် အဆာက်ညှံမ်နိုက်အူအီး တံပ်အွံရ်ပ်ုန်လောက်ကပီုန်တအာင်း PSLF/TNLA လူမ်လံပ်ဘ္လံက်ချှာင်တြားဥပဒေဂဲ နှာင်းလာည်ဟာဝ်းအရေး ဘ္လံက်ချတံမ်ကဘဲမ် (10)ဆန်ုမ်။
ဘည်ပဲန်ဟာဝ်းငံရ်ကဆူမ်းဒီန် ကျံရ်တာရ်၊ ဆငည်း(30)ဒိူန် အခိင်ခီညှာ(10:30)နြီလေႈထာန်နီန် တာတာန်းလူ ကာည်း အီပ်ုန်အ်ုန် မိူဝ်ႈလောင်ဇီုင်းကာန်ဒီဟံရ် အခိင်ဂါရ်ဟာဝ်းဘည်ဒီန် ငံရ်ပ်ုန်ပုတ်အူန်းဒီန် ဇူႈက္လိုႇဟာဝ်း ဂါင် တာအိုက်နု ကာည်း ယာရှောက်ဟွမ် မာ် ကဆူမ်းတောပ်ဟာဝ်းခေဲင် ဂါင်(3)ဂါင်ဒီန်။
ကုင်တအာင်း၊ ခေဲင်လှံင်အေဲမ်ခြီရ် ကျံရ်တာရ်၊ ဆငည်း(28) ရောတ် ဆငည်း(29) တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ဘေဲႇတအာင်း-TLAဂဲ ဆော်အွံရ် ရေဲန်ဟောည်ႇဟာဝ်းပါင်မိုန်ဒါင်း ကနာည်ထိင်ခြဲပဇာရ် ဘေဲႇတအာင်း ကာည်း ထုင်မှိူမ်ဘေဲႇဘာန်း။
ဆန်ုမ်2026 ခေဲင်ကျံရ်တာရ်နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင်ရေဲန်ဇီုင်းကာန် ဒဲႈလောင်ပိင်ငျာပ်ုန်နံပ်ဆမား အခွါင်းအရေးလံပ်ကောန်အီပ်ုန်၊ လံပ်ခေါခါႇဘ္လူတ်ခြိူဝ်း ဒါင်းဇာရ်ကာည်း ဘည်ဇိုဇာတ်ရဟောမ်ရမာဟြေဲႈဒါင်းဇာရ်ကဲနီန် တကူန်ရဝ်မာဂါင်ဂဲ (1477)အီး ခေဲင်(36)ရဝ်၊ လှံင်(7)လှံင်၊ ခေဲင်ကုင်တအာင်း။
ကုင်တအာင်း၊ လှံင်အေဲမ်ခြီရ် ဖုင်ဘေဲႇတအာင်း-TLA ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ် ႎါင်ပနော-TOTလိူဝ်ႈ(6) ခည်မိုႈကျံရ်တာရ်ဆငည်း(26)ဒိူန် PSLF/TNLA တားချှာင်ဇီုင်းကာန်တောန်နဲ ခူန်ချုဘုင်ကျော် ဟိုက်ရောတ်ဒေဲႈအောႏ။
ခေဲင်ဆန်ုမ်နီး ပ္လေါည်ဆငည်းဘေဲႇတအာင်း ခြိူဝ်းမျိုတအာင်းပဒိုဒိုည်, ဒါအ်ုန်ပဲန်ဘေဲႇလူမ်/ကြောႈတအာင်းရိူဝ်ႈလေႈနှဲငိူပ် ဘည်ထိင်ခြဲအူန်း ထုင်မှိူမ်ဂြူခ်ြုမ်ကူန်မာအယ်ဂဲ။ တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ဘေဲႇတအာင်း-TLAဂဲ ဆော်အွံရ် ရေဲန်ဟောည်ႇ ပ္လေါည်ဆငည်းဘေဲႇတအာင်း ကရောပ်နိုက်(54)ဆန်ုမ်အောႏ။
ပ်ုန်ဒီရ်;ဂီုန်း
