ပ္လေါည်လှိုပ်ဂုင်ဆငည်းဘေဲႇတအာင်း ကရောပ်နိုက်လ(54)ဆန်ုမ်နီန် အာႎံန်းလိူည် အီဂေါည်ခေဲင်ကုင်တအာင်းနီန် ကောန်တဘိုက်အီရောတ် ပကုင်အီဟံရ်ကဲမာ် ရေဲန်ဟောည်ႇဟာဝ်း ဟိူင်ဟိူင်ဆာဆာ
01 September 2026
ပ္လေါည်လှိုပ်ဂုင်ဆငည်းဘေဲႇတအာင်း ကရောပ်နိုက်လ(54)ဆန်ုမ်နီန် အာႎံန်းလိူည် အီဂေါည်ခေဲင်ကုင်တအာင်းနီန် ကောန်တဘိုက်အီရောတ် ပကုင်အီဟံရ်ကဲမာ် ရေဲန်ဟောည်ႇဟာဝ်း ဟိူင်ဟိူင်ဆာဆာ
အိုမ်ယ်ုရ်၊ ကျံရ်တီမ် ဆငည်း(1)
ဆဒါင်ကုင်တအာင်း
ဘည်တိူဝ်ႈကနေဲႈလှိုပ်ဂုင် ကြောႈဖာဆာတအာင်း၊ ဘေဲႇတအာင်းကာည်း ထုင်မှိူမ်ဂြူခ်ြုမ် ကူန်မာအယ် ခြိူဝ်းမျိုးတအာင်း ဘည်ရောတ်စာ်မ်းဒေဲႈ ပဲန်ပ်ုန်ကအာ်မ်းဆငည်း ဘေဲႇတအာင်း ကရောပ်နိုက်လ(54)ဆန်ုမ်နီန် အီဂေါည်ခေဲင်ကုင်တအာင်း တောန်ဒီတောန်လှံင်၊ တီုင်ဌာနဂဲ၊ ကျောင်ပ်ုန်ႎိူဝ်ႈဟာဝ်း ကောင်ဆံရ်ဇီုင်းပိင်ငျာခြိူဝ်း တအာင်း-TLECကဲနီန်ကာည်း အီရောတ်ပကုင်အီဟံရ်ကဲမာ် ရေဲန်ဟောည်ဟာဝ်း ပ္လေါည်လှိုပ်ဂုင်ဆငည်းဘေဲႇတအာင်း ဟိူင်ဟိူင်ဆာဆာ။
ပ္လေါည်လှိုပ်ဂုင်ဆငည်းဘေဲႇတအာင်းနီန် ခြိူဝ်းမျိုးတအာင်း အီဂေါည်လှံင်မူစဲ၊ လှံင်ကိုက်ခည်း၊ လှံင်လာဆေဝ်၊ လှံင်အိုမ်ငျံရ်၊ လှံင်ရူကော၊ လှံင်အိုမ်ယ်ုရ်၊ လှံင်အေဲမ်ငူည်၊ လှံင်မိုင်လိုင်ကာည်း လှံင်ကုင်ငှေါကဲနီန် ဆဲႈဒါႇဒီန် အာဝ်ႎံန်း ခြိူဝ်းမျိုးတအာင်း အီရောတ်ပကုင်အီဟံရ်ကဲမာ် ရေဲန်ဟာဝ်းဒိုည်ႇ။ ဆဲႈဒီန် ဆာ်မိုႈ ပလှံင်အေဲမ်ခြီရ်နီန် ဖုင်ဘေဲႇတအာင်း-TLA ဆာ်ႈအွံရ်ရေဲန်ဟာဝ်းတောပ်ကူန်ရဝ်မာဂါင်ဂဲ ဟိူင်ဟိူင်ဆာဆာ။
ပ်ုန်ရေဲန်ဟာဝ်း ပ္လေါည်လှိုပ်ဂုင်ပလှံင်အေဲမ်ခြီရ်နီန် ကနာည်ပဇာရ်ထိင်ခြဲဟာဝ်း ဘေဲႇကူန်မာတအာင်း အာပ်ချဒဲႈဟာဝ်း တအီလှလံမ်းဘိူန်းဆုကဲ အီလီပ်ကခေ့ကတားတောပ် ဘေဲႇကဆာ်မ်း၊ ဘေဲႇကပါဝ်းဒိုင်း၊ ဘေဲႇကပ္လါႇ၊ ကာတူန်း၊ ကီရ်အရာင်ကဲနီန်ကာည်း တအီလှလံမ်းကြောႈက္လာင်း၊ တအီဒါဂြူတအာင်းကာနှဲဂဲအောႏ။ ဆဲႈဒီန် ဘည်တိူဝ်ႈကနေဲႈလှိုပ်ဂုင်ဆငည်းဘေဲႇတအာင်းနီန် ကောန်တဘိုက်ဂဲ အီဂေါည်တောန်ဒီတောန်လှံင်ကဲဒိူန် ရေဲန်ဟာဝ်းပ္လေါည်ကခေ့ကတားပ္လေခုင်။
ကနာည်နံင်ဘယ်ငိူပ်မေန်းဟာဝ်း ထုင်မှိူမ်ကာည်း ဘေဲႇတအာင်းနီန်ခါဝ်လှေင် ခည်မိုႈကျံရ်အောဂ်ုတ် ဆငည်း(28)ရောတ်ဆငည်း(29)ဒိူန် ရေဲန်ဟာဝ်းပါင်မိုန်ဒါင်း ပ္လဆဖောဒါႈ နံင်ဒါဟာဝ်း ဘေဲႇလူမ်တအာင်းနီန် ပ္လံက်တံင်ဇူႈ မူ(10)ချာက်အောႏ။
ဒါႇခူဒီန် ကရူမ်ပ္လဆဖောဒါႈဘိုး မောကံပ်ဘေဲႇတအာင်းနီန် နံင်ဟြေဲႈဒါင်းဟိုက်ဇာရ်ဟာဝ်း ပ်ုန်ပနော ကျောင်TLECဂဲနီန် မောကံပ်ဘယ်ပနောဟာဝ်း ဘေဲႇတအာင်းနီန် ရောတ်တာန်းဇာရ် လိုပျိူဝ်ႇယိူဝ်ႇဟာဝ်းကတီးကရီး၊ ခနားဖုင်ဘေဲႇတအာင်းကာည်း ထုင်မှိူမ်ဂဲ လိုဖြောမ်ကရောမ်ရေဲန်တောပ်ဟာဝ်း ကာည်း လိုပဘိုးပနိုက်ဒဲႈဟာဝ်း တံင်အရာင်းတိုအီး ကညာပိင်ငျာအီဆမားနံပ်ဂဲ ခေဲင်ဖုင်ဘေဲႇတအာင်းနီန်အောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists