PSLF/TNLA လူမ်တီုင်ဘြောင်ချှာင်ဂဲ ရေဲန်ပါင်ကတူႈကငျားတောပ် ကာ်မ်မတီလှံင်ဂဲကာည်း တာဘြောင်ချှာင်ဇံင်ဂဲ ပလှံင်မိူင်လိုင်
10 February 2026
PSLF/TNLA လူမ်တီုင်ဘြောင်ချှာင်ဂဲ ရေဲန်ပါင်ကတူႈကငျားတောပ် ကာ်မ်မတီလှံင်ဂဲကာည်း တာဘြောင်ချှာင်ဇံင်ဂဲ ပလှံင်မိူင်လိုင်
မိူင်လိုင်၊ ကျံရ်အာရ် ဆငည်း (10)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA လူမ်တီုင်ဘြောင်ချှာင်ဂဲ ဆာ်ႈအွံရ်ရေဲန်ပါင်ကတူႈကငျားတောပ်ကာ်မ်မတီလှံင်ဂဲကာည်း တာဘြောင်ချှာင်ဇံင်ဂဲ ကျံရ်အာရ်၊ ဆငည်း(5)ဒိူန် ပလှံင်မိူင်လိုင်၊အိူင်မာဝ်ႎံင်း၊ ခေဲင်ကုင်တအာင်း။
ခေဲင်ပါင်ကတူႈကငျားနီန် ကမိုန်က္လာင်းဟာဝ်းဒါႈ မောကံပ်ဘယ်ရေဲန်ဟာဝ်းဇီုင်းကာန်ဘ္လီုက်လှူပ်တြားဥပဒေ ခေဲင်ဇံင်ကာည်း လှံင်ကဲနီန် ကူန်ရဝ်မာဂါင်ဂဲ လိုကဖြောမ်ကရောမ်တောပ်၊လံပ်ဆာယာချှီႇတခိူည်းခေဲင်လှံင်၊ လိုဝီရ်ဘြဲဆားဟာဝ်း ကပုကာည်း ဒေင်ကဲနီန်၊ လိုရေဲန်ဆပဲဆငါးဟာဝ်းခေဲင်လှံင်ကဲနီန်။
ဆဲႈဒါႇဒီန် ကမိုန်ဟာဝ်းဒါႈဘိုး မောကံပ်ဘယ်ရေဲန်ဆာယာချှီႇတခိူည်းခေဲင်ဇံင်ကာည်း လှံင်ကဲနီန်ကာည်း မောကံပ်ဘယ်ရေဲန်ဇီုင်းကာန် တီုက်ယာႈအရေးခံင်ယိူည်ႇခေဲင်လှံင်ကဲနီန် ဘည်ကဆီုဝ်ကူန်ရဝ်မာဂါင်ဂဲ လိုကဖြောမ်ကရောမ် ရေဲန်တောပ်ဟာဝ်း။
ႎါည်ဒီန် အီဟိုက်ရောတ်ဒေဲႈ တာဘြောင်ချှာင်ဇံင်ဂဲကာည်း ကာ်မ်မတီလှံင်ဂဲဟြာင်းနှဲဟာဝ်း ဇီုင်းကာန်ပ်ုန်ရေဲန်ဂဲ ဘည်ဘာည်းကဟိုက်ကဟာဝ်း ခေဲင်အရာပ်၊ ဇံင်၊ လှံင်ကဲနီန် ခေဲင်ဆန်ုမ်2025နီန်။ ဆဲႈဒါႇဒီန် ဝီရ်ကမိုန်ဟာဝ်းဘိုးဇီုင်းကာန် ပ်ုန် နှာင်းရေဲန်ဟာဝ်းနှာအာည်ႇ လံပ်ဆာယာချှီႇတခိူည်းကာည်းအရာပ်အရာ ကတာရ်ႈဒါင်းဟိုက်ဇာရ် ခေဲင်ဆန်ုမ်2026နီန်။
ပါင်ကတူႈကငျားနီန် အီရံပ်ဇီုင်းကပ္လိူင် တားဘြောင်ချှာင်လှံင်ဂဲ၊ဖုင်ပလိက်လှံင်ကုင်တအာင်းဂဲ၊ အီရံပ်ဇီုင်းကပ္လိူင် အီဆီုဝ်ကဆဲင်ဂဲ၊ တာဘြောင်ချှာင်ဇံင်ဂဲကာည်းအီလီပ်ဖုင်ကာ်မ်မတီလှံင်ဂဲ ကစုကပိုမ် ဂေါည်(20)အီးလှိဝ်း ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists