ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(2)အီး ကာည်း တိုအီးဒါ ခံင်ယိူည်ႇ(1)အီး ပလှံင်ရူကော
11 May 2026
ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(2)အီး ကာည်း တိုအီးဒါ ခံင်ယိူည်ႇ(1)အီး ပလှံင်ရူကော
ရူကော၊ ကျံရ်ဖံန် ဆငည်း(11)
ဆဒါင်ကုင်တအာင်း
ကုင်တအာင်း၊ အိူင်ရူကော၊ လှံင်ရူကော၊ ပရဝ်ဆေကော် ကာည်း ပါင်ခါးဒဲႇ ပလိက်ကုင်တအာင်း ဘိူန်းဘိုးတိုည်းတိုအီးကဇိူရ်ႈကယံင်းခံင်ယိူည်ႇ (2)အီး ကာည်း တိုအီးဒါခံင်ယိူည်ႇ(1)အီး။
ဘံန်ဟောည်ဒေဲႈ ကျံရ်ဖိုန် ဆငည်း(24)ဒိူန် အခိင်ဖုင်ပလိက်လှံင်ဂဲ ရေဲန်ဇီုင်းကာန် တီုက်ယာႈအရေးခံင်ယိူည်ႇဒိူန် ဘိူန်းတိုည်းတိုအီးကဇိူရ်ႈကယံင်း ယာယေနု အဆာက်(56)ဆန်ုမ် ကာည်း တာအံင်ခဲင် အဆာက်(29)ဆန်ုမ် ကဂေါပ်တောပ် ကအာင်ဆနံမ်ဂိူဝ်ႈ(590)ကအာင်၊ ဖိင်လူည်းဟံပ်ခေဲင်က္လောက်ဆပ်ပျာ (1)က္လောက်။
ဆဲဒီန် ပရဝ်ပါင်ခါးဒဲႇမာ် ခည်မိုႈ ကျံရ်ဖိုန် ဆငည်း(23)ဒိူန် အခိင်ဖုင်ပလိက်လှံင်ဂဲ ရေဲန်ဇီုင်းစေတ်ဆေးဒိူန် ဘိူန်းတိုည်းတိုအီးဒါခံင်ယိူည် ကဝ်အီဇီုဝ်တာအမီန်း အဆာက်(50)ဆန်ုမ် ကဂေါပ်တောပ် ကအာင်ဆနံမ်ဂိူဝ်ႈ(57)ကအာင်၊ ဖိင်လိူည်း(1.1)ဂရမ် ကာည်း အီမိုႈဆံက်ဆေ ဂြိုခြီုင်ပ်ုန်ဟံရ်။
ပ်ုန်ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇကဲဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နံင်ဆီုပ်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေတီုက်ယာႈအရေးခံင်ယိူည်ႇ၊ ဆာ်မိုႈတိုအီးဒါကဲနီန် နံင်တိုန်းဂဲဘြဲဆားအကျံင် ပဂါင်ဆငါး။
မိုႈဘိုး ပလှံင်အေဲမ်ခြီရ် ကာည်း လှံင်အေဲမ်ငူည် အခိင်ဖုင်ပလိက်ကုင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇဒိူန် ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(16)အီး။
ဘည်ကဆီုဝ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဒါင်းဒါင်းအ်ုန် ရေဲန်ဇီုင်းကာန် တီုက်ယာႈအရေးခံင်ယိူည်ႇနီန် နှာင်းပဲန်ဇီုင်းဒါင်းအူလှေ။ ဆဲႈဒီန် ဘည်ယံင်းအရေးခံင်ယိူည်ႇ ကာည်း ဒါခံင်ယိူည်ႇကဲနီန် မောကံပ်ဟြာည်ကမာ်ႈ၊ မောကံပ်ထိင်ဒံန် ဘံန်နံင်ဒေဲႈ(အနာဂတ်) ကောန်ဒဲႇဂဲ ကာည်း မောကံပ်ဘ္လီုက်လှူပ်တြား ဥပဒေ၊ ဆီုပ်ရေဲန်ဟာဝ်း မောကံပ်ဘယ်ပဇာရ် လံပ်ကတ်ုမ် ဇိုဇာတ်တိုအီးကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists