ခေဲင်ကုင်တအာင်း ၊ ကျံရ်(6)ဆငည်း(25) ဆဒါင်ကတီုက်ကပဴင်အချုက် ကာည်း ဆီုက်ဘြာန်ဂဲ ပ်ုန်ကယေင်ပဴင်ဟာဝ်း ကူန်ရဝ်ဂါင်မာဂဲ
26 June 2024
ခေဲင်ကုင်တအာင်း ၊ ကျံရ်(6)ဆငည်း(25) ဆဒါင်ကတီုက်ကပဴင်အချုက် ကာည်း ဆီုက်ဘြာန်ဂဲ ပ်ုန်ကယေင်ပဴင်ဟာဝ်း ကူန်ရဝ်ဂါင်မာဂဲ
ဆန်ုမ်(2024)၊ ကျံရ်(6)၊ ဆငည်း(26)
(1) ကုင်တအာင်း၊ အိူင်အိုမ်ယ်ုရ် ၊ လှံင်နောင်ချေဝ်၊ ကျံရ်(6) ဆငည်း(25) ပရဝ်ကျောက်ကြမ်း ၊ ရဝ်အိုမ္မတီ၊ ရဝ်ခဲမူန်၊ ရဝ်ကံန့်ကော် ကာည်း ခေဲင်လှံင်နောင်ချေဝ်ကဲနီန် ဆီုက်ဘြာန် ကာည်း တံပ်အွံရ်ပ်ုန်လောတ်ကပီုန်တအာင်း PSLF/TNLA ပဲန်ဟာဝ်း ကတီုက်ပဴင်ဘည်ဒီန်။ ခေဲင်ပဲန်ကတီုက်ကပဴင်ဒီန် ကဒါ,ဆီုက်ဘြာန်ဂဲ ဒါ Jet Fighter ရောတ်ဒေဲႈ ပဴင်ဟာဝ်း (4)လိူဝ်ႏအောႏ။
(2) တီုင်တံပ်ဒါင်း(2)၊ ပလှံင်မာဝ်းဓံင်း၊ ညောင်းချှံန်ရေးကိုင်း၊ စခန်းသာ၊ ခိုယောင်၊ နားအခံမ်းကဲနီန်မာ် ဆီုက်ဘြာန်ဂဲ ကာည်း တံပ်အွံရ်ပ်ုန်လောတ်ကပီုန်တအာင်း PSLF/TNLA ပဲန်ဟာဝ်း ကတီုက်ကပဴင်။ ခေဲင်ကတီုက်ကပဴင်ဒီန် ဆီုက်ဘြာန်ဂဲ ဒါ Jet fighter ရောတ်ဒေဲႈ ပဴင်ဟာဝ်း(2)လိူဝ်ႏအောႏ။
(3) တီုင်တံပ်ဒါင်း(2)၊ ပလှံင်မိူင်ကူတ် ရဝ်သာယာ၊ ရဝ်ပါင်ဆပေ၊ ရဝ်ဖျုုယောင်၊၊ ဒီကော်င်ညှိူဝ်၊ ပဂေါင်နန်းကျီတောင် ကာည်း (6)မိုင် ခနားမိူင်ကူတ် ကာည်း ပရဝ်ပေင်းပီတ်ကဲနီန်မာ် ဆီုက်ဘြာန် ကာည်း တံပ်နာန်းတအာင်းTNLA ပဲန်ဟာဝ်း ကတီုက်ကပဴင်ဘည်ဒီန်။ ခေဲင်ကတီုက်ကပဴင်ဒီန် ဆီုက်ဘြာန်ဂဲ ဒါဘိုး Jet Fighter ရောတ်ဒေဲႈပဴင်ဟာဝ်း(5) လိူဝ်ႏအောႏ။
(4) မိုႈဘိုး တီုင်တံပ်ဒါင်း(2) ၊ လှံင်ဆဘော ၊ ပရဝ်ဆူန်လိုင် အခိင်စူမ်အံပ်(5:30)မိနေတ်ဒိူန်းမာ် ဆီုက်ဘြာန်ဂဲ ကာည်း တံပ်အွံရ်ပ်ုန်လောတ်ကပီုန်တအာင်းPSLF/TNLA ပဲန်ဟာဝ်းကတီုက်ကပဴင်ဘည်ဒီန်အောႏ။
ကျံရ်(6) ဆငည်း(25) ပလှံင်နောင်ချေဝ် ၊ လှံင်မာဝ်းဓံင်း၊ မိူင်ကူတ်ကဲနီန် ခနားဆီုက်ဘြာန် ကာည်း တံပ်နာန်းတအာင်းTNLA ပဲန်ဟာဝ်းကတီုက်ကပဴင် ခေဲင်ပဲန်ကတီုက်ကပဴင်ကဲနီန် ဂေါ,ဆီုက်ဘြာန်ဂဲ ဒါထမေန် ကာည်း ပ္လေဒါင်းပဴင်ဟာဝ်းဘည်ဒီန် စီလံက်ဟာဝ်းကူန်ရဝ်မာဂါင်ဂဲ (5)အီး၊ ခေဲင်(5)အီးကဲဒီန် (2)အီးယံမ်း၊ (3)အီး ကတူ;ဖေးဆဝ်းဒါင်းအောႏ။ ဆဲ;ဒီန် ဆီုက်ဘြာန်ဂဲ ဒါထမေန် Mi-17 ရောတ်ဒေဲႈ တိုန်းဒဲႈ ပ်ုန်ဟောမ်ဟာပ် ကာည်း ဂြိုခြီုင်လာက်နာက် တဆီုက်ဂဲအောႏ။
#PSLF /TNLA
#တီုင်ပ္လေႈလေႈဆဒါင် #ဆဒါင်ကတီုက်ကပဴင်
Comment Lists