ဆဒါင် ပလှံင်နောင်ချေဲဝ် ဂေါႇပ္လေဒါင်းပဴင်ဆီုက်ဘြာန်ဂဲ ကူန်ရဝ်မာဂါင် (2)အီးယံမ်း (4)အီးကတူႈဖေဆဝ်း
16 May 2024
ဆဒါင် ပလှံင်နောင်ချေဲဝ် ဂေါႇပ္လေဒါင်းပဴင်ဆီုက်ဘြာန်ဂဲ ကူန်ရဝ်မာဂါင် (2)အီးယံမ်း (4)အီးကတူႈဖေဆဝ်း
ဆန်ုမ်2024 ၊ကျံရ်ဖံန် ဆငည်း (14)
ကုင်တအာင်း၊ အိူင်အိုမ်ယ်ုရ်၊ ပလှံင်နောင်ချေဲဝ်၊ ဂေါႇပ္လေဒါင်ပဴင် ဆီုက်ဘြာန်ကဲ ပရဝ်အိုည်ကိူရ် လံက်ဟာဝ်း ကူန်ရဝ်မာဂါင် (2)အီးယံမ်း (4)အီးကတူႈဟာဝ်းဖေဆဝ်းအောႏ။
ခည်မိုႈ ကျံရ်ဖံန် ဆငည်း (10) အခိင်ရမှိူဝ်း (8)နြီဒိူန်း ဆီုက်ဘြာန် ခြူမ်းတီုင်တံပ် (33) ခမရ-111 ဂဲ ဂေါည်ဒေဒါ ရဝ်အုမ္မလီး ပဴင်ဟာဝ်းပ္လေဒါင်း ကဒါႇရဝ်အိုည်ကိူရ် (4)လိူဝ်ႈထာန်ဒီန်အောႏ။
ဂေါႇဆီုက်ဘြာန်ကဲ ပဴင်ပ္လေဒါင်းဘည်ဒီန် ပ္လေဒါင်းစီဇောႈပဒူႈ တေဲင်ဂါင်တာဆာန်ဆျှိူည် အီဂေါည်ခေဲင်ဂါင်ဒီး (6)အီး ခေဲင်ရဟောမ်ရမာ်ကဲ (2)အီးယံမ်းဟာဝ်း (4)အီးကတူႈဟာဝ်းဖေဆဝ်းအောႏ။
ဂါရ်အီကတူႈပ္လေဒါင်းလံက်ယံမ်းဟာဝ်းဒီန်မိုႈ ရဟောမ်ရမာ တာဆာန်ဆျှိူည် အဆာက် (61)ဆန်ုမ်၊ လိုည်းဝူန်းဝူန်းပျိူန်း အဆာက်(24)ဆန်ုမ်၊ အီကတူႈဟာဝ်းဖေဆဝ်းမိုႈကောန်တားဆာန်ဆျှိူည် အီဇီုဝ် လိုည်းဆိုည်ဆိုည်ဝူန်း အဆာက် (21)ဆန်ုမ်၊ ဓါအ်ုန် တားလူန်စီ အဆာက် (60) ဆန်ုမ်၊ အီမိုႈခိူဝ်တာဆာန်ဆျှိူည် မာည်းအေးချမ်းကာည်း မာည်းမျီတ်ဆော်အူးအောႏ။
ဆာ်မိုႈ ကဲအီကတူႈဖေဆဝ်း (4)အီးဒီန် တိုန်းဟိုက်ပဂါင်ဆနံမ်း ပလှံင်ပျင်အူးလူန် အီယံမ်းဟာဝ်း (2)အီး တိုအီးရဝ်ကဲ တိုက်ဟာဝ်းတိုးယံမ်းဂါရ်အောႏ။
ခည်မိုႈ ကျံရ်ဖိုန် ဆငည်း (27)ဒိူန်း ပလှံင်နောင်ချေဲဝ် ရဝ်အိုည်ကိူရ် ဂေါႇပ္လေဒါင်းပဴင်ဆီုက်ဘြာန်ဂဲ လံက်ဟာဝ်းရဝ်ဂါင် (2)ဂါင် ကာည်း ကောန်အီပ်ုန်အူအီး ကတူႈဟာဝ်းဖေဆဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆီုက်ဘြာန်ဂဲ
Comment Lists