လံက်တီုက်နာန်း1027 ဒေါန်(2)နီး ဘိူန်းဆီမ်းဟာဝ်း တံပ်ဆခန်းဆီုက်ဘြာန်ဂဲ (24)လှေ၊ ဘိူန်းတိုည်းအီမ်း(17)အီး ကာည်း ဂြိုခြီုင်လာက်နာက်
29 June 2024
လံက်တီုက်နာန်း1027 ဒေါန်(2)နီး ဘိူန်းဆီမ်းဟာဝ်း တံပ်ဆခန်းဆီုက်ဘြာန်ဂဲ (24)လှေ၊ ဘိူန်းတိုည်းအီမ်း(17)အီး ကာည်း ဂြိုခြီုင်လာက်နာက်
ဆန်ုမ် 20124၊ကျံရ်တောရ် ၊ဆငည်း(29)
ကုင်တအာင်း ၊အိူင်အိုမ်ယ်ုရ် ၊ လံက်တီုက်နာန်း1027 ဒေါန်(2)နီး ဒီပဲန်ကတီုက်ကပဲင် လှံင်နောင်ချေဝ် ၊ လှံင်မာဝ်းဓံင်း၊ လှံင်မိူင်းကူက်၊ လှံင်ဆဘော၊ တံပ်အွံရ်ပ်ုန်လောက်ကပီုန်တအာင်း PSLF/TNLA ဘိူန်းဆီမ်းဟာဝ်း တံပ်ဆခန်းဆီုက်ဘြာန်ဂဲ (24)လှေ၊ ဘိူန်းတိုည်းအီမ်း(17)အီး ကာည်း ဂြိုခြီုင်လာက်နာက်ကဲနီန်အောႏ။
1.ကတီုက်ကပဲင်ခေဲင်(2)ဆငည်းနီန် ပလှံင်မာဝ်းဓံင်း နားအခန့်တံပ်ဆခန်း၊ စခန်းသာ၊ ညောင်းချှံန်ရေးကိုင်း၊ (352)လှံက် အမြောက်တံပ်ကုန်း၊ အင်ကျင်ကိုင်၊ ကဓိူဝ်းဂေါက်ကွင်း၊ လူမ်ထွေအုပ်ရုံး၊ လူမ်ပလိတ်၊ ဘိူန်းဆီမ်းဟာဝ်း တံပ်ဆခန်းဆီုက်ဘြာန်ကဲဒီန်အောႏ။
(2) ခေဲင်လှံင်နောင်ချေဝ် ဘိူန်းဆီမ်းဟာဝ်း တံပ်ဆခန်းဆီုက်ဘြာန်ဂဲ ခမရ(115)၊ လူမ်ပလိတ် ၊ကံန့်ကော်တံပ်ဆခန်း၊ ခဲမွန်တံပ်ဆခန်း၊ ကျောက်ကြမ်းတံပ်ဆခန်း၊ ယုင်ဆနံမ်၊ တိုးဂိတ်၊ ယုင်စာက် ၊လူမ်ဘုသာ၊ တံပ်ရွှေညောင်ပင် ကာည်း တံပ်အိုမ္မတီး၊ အောႏ။
(3) ပ်ုန်ဘိူန်းဆီမ်းဟာဝ်း ပလှံင်မိူင်ကူက်မာ် ပဆိုရ်နန်းကျီတောင်တံပ်ဆခန်း၊ ဗျုဟာတံပ်ဆခန်း၊ ရွှေသာဟာ၊ ပါင်ဆပေ ကာည်း ဖျုယောင်တံပ်ဆခန်းဒီန်အောႏ။
ခေဲင်ကတီုက်ကပဲင်နီန် ဘိူန်းဒေဆီမ်းဟာဝ်းဂြိုခြီုင် ဆီုက်ဘြာန်ဂဲ လာက်နာက်တောန်မျို(51)လှေ၊ RPG-7 (1)လှေ၊ 60မမ(1)လှေ၊ စာက်လတ်(1)လှေ၊ ကား(2)ကြောင် ပ်ုန်ဒံန်ခြဲဒရိုင်းဂျမ်ဘာ၊ ဂြိုစာက်ကြောႈ၊ ဂြိုဆီုက်တောန်နဲ။ ဆဲႈဒီန် တိုယံမ်းဘဝ်ရာန်(20)အီး ကာည်း ဆာနာတ် ဘိူန်းတိုည်းအီမ်းဆီုက်ဘြာန်(17)အီးအောႏ။
ကျံရ်တောရ် ဆငည်း(26) အခိင်စူမ်အံပ်(7:00)နြီ ပ်ုန်ဘိူန်းဆဒါင် အခိင်စူမ်အံပ်(3:00) နြီ ပလှံင်နောင်ချေဝ် ရဝ်ကျောက်ကြမ်း ဆီုက်ဘြာန်ဂဲ ဒါY-12 တိုည်းပ်ုန်ဟောမ် ကာည်း ပ္လေဒါင်း(2)ပိုင် မိုႈဘိုး အခိင်စူမ်အံပ်(5:27)မိနေတ် ရောတ် အခိင်(7)နြီ ဆီုက်ဘြာန်ဂဲ ဒါJet fighter ရောတ်ဒေဲႈပဲင်ဟာဝ်း ပ္လေဒါင်းဘည်ဒီန်အောႏ။
#PSLF /TNLA
#တီုင်ပ္လေႈလေႈဆဒါင် #ဘိူန်းဆီမ်းဟာဝ်းတံပ်ဆခန်း(24)လှေ #ပဲန်ဘိူန်းဆီမ်းဂြိုခြီင်
Comment Lists