ကောင်ဆံရ်ခေါခါႇကုင်တအာင်း (Ta'angland Health Council THC)ဂဲ ဆာ်ႈဟိုရ်ပ္လူႈဆဒိ တကူန်ရဝ်မာဂါင်ဂဲ အီဂေါည်ခေဲင်ကုင်တအာင်း ဘည်လိုမိူဝ်ႈဆဒိ မောကံပ်ဘယ်ဒံန်ခြဲ အီဆီုဝ်ကဆဲင် ႎါႇရာဟာန်တာဗိုင်းရပ်စ် (Hantavirus)
14 May 2026
ကောင်ဆံရ်ခေါခါႇကုင်တအာင်း (Ta'angland Health Council THC)ဂဲ ဆာ်ႈဟိုရ်ပ္လူႈဆဒိ တကူန်ရဝ်မာဂါင်ဂဲ အီဂေါည်ခေဲင်ကုင်တအာင်း ဘည်လိုမိူဝ်ႈဆဒိ မောကံပ်ဘယ်ဒံန်ခြဲ အီဆီုဝ်ကဆဲင် ႎါႇရာဟာန်တာဗိုင်းရပ်စ် (Hantavirus)
အိုမ်ယ်ုရ်၊ ကျံရ်ဖံန်၊ ဆငည်း(14)
ဆဒါင်ကုင်တအာင်း
ကောင်ဆံရ်ခေါခါႇကုင်တအာင်း (Ta'angland Health Council THC)ဂဲ ဆာ်ႈဟိုရ်ပ္လူႈဆဒိ တကူန်ရဝ်မာဂါင်ဂဲ အီဂေါည်ခေဲင်ကုင်တအာင်း ဘည်လိုအူန်းမိူဝ်ႈဆဒိ အန္တရာယ်အီဆမားလ ဒေင်ခြီတ်ဖိူမ် ဒဲႈအန္တရာယ်ဒါင်းဒါင်း ရောတ်စာ်မ်းတတိုပိုင်းအဆာက် ကာည်း ဇူႈတနှာည် ဆမားကတံက်ပဲန်ရောဂါ ဖိူမ်ဖ်ုမ် ပ်ုန်ဒါႈႎါႇရာဟာန်တာဗိုင်းရပ်စ် ဘည်ပဲန်ဒေဲႈတေဲင်ကံမ်ဖာ ကာည်း ကုင်အီဟံရ် ကဇေန်နီး။
ဘာည်းရောဂါနီန် အ်ုန်ဆမားကဟိုက် ယိူဝ်ႇတအိုမ်ချှီနှာည်၊ လဘိူက် ကာည်း အိုမ်ဘဲႇနှာည်ကဲနီန် ဆာ်ကတူႈခါမ်ကဟိုက် ဆမားလကဆဲဝ် ဒေင်ခြီတ်ဖိူမ်၊ မာဝ်းလာတ်၊ ဖိူမ်ဖ်ုမ်အယ်ကဲနီန်။
ဘည်နှဲပ္လိူရ်ႈလေႈ WHO Myanmar ဂဲဒါႈ အင်္ဂါလက္ခဏာရောဂါနီန်မိုႈ ဘည်ဆဲဝ်ဖိူဝ်း၊ ဘည်တိုပိုင်းတည်းဆဲဝ်၊ ဘည်ႎဲ့ဆဲဝ်၊ ဘည်ပဲန်ဂိူဝ်းလေႈ ကာည်း ဘည်ပဲန်ဒေင်ခြီတ်ဖိူမ်ဒည်းကဲနီန် ဆာ်ပဲန်ဒါင်းဒေဲႈ အ်ုန်ဆမာလ မိူဝ်ႈဟာဝ်းအန္တရာယ် တတိုပိုင်းအဆာက်အယ်။
ကနာည်ရောဂါႎါႇရာဟာန်တာဗိုင်းရပ်စ်နီန် ဘည်ကဇေန်နီး ဂေါႇညှံမ်မိူဝ်ႈဆနံမ်နံင်ဒံန်ခြဲအ်ုန် ဆာ်အယ်ထာင်ယိူဝ်းတိုအီးဆဲဝ် လိုခါမ်ရေဲန်ဟာဝ်း (supportive care) ဘည်လိုကဇောည်ဆနံမ် လက္ခဏာရောဂါနီန် ဘည်ပဲန်ဒေဲႈအ်ုန်၊ ဘည်လိုပဘိုးအိုမ်ထာတ် ကာည်း ဘည်လိုဒဲႈကဲရလှဲဝ်။
နှာင်းပ္လိူရ်ႈနှဲဟာဝ်း ဆဒါင်ရောဂါနီန် တောပ်ဘည်အခိင် ဘည်လိုရဲ့တိူရ်ႈရောဂါ ကာည်း ဘည်လိုဆီုပ်ရေဲန်ထိင်ခြဲဟာဝ်း ရောဂါနီန်။
ဂေါႇဘည်ဒီန် အယ်လိုအ်ုန်မိူဝ်ႈ ဆပဲဆငါး ဒီဂေါည်တိုအီး ကာည်း ယုင်ဒီအူန်းဂြို၊ လိုဘိဟာဝ်း ကတဲဝ် ဒီမိူဝ်ႈနှာည်ဘိူန်းလီပ် ကာည်း လိုရေဲန်ဒဲႈအ်ုန်ဆပဲ ဒီဂေါည်လဘိူက်နှာည် ၊ လိုဒါ Mask ကာည်း ရချှို့တည်းကဲနီန် ။
ဆိင်ဒဲႈဆဒိ ဘည်ကဆီုဝ်ကူန်ရဝ်မာဂါင်ဂဲ အာဝ်လို အူန်းနောႈကီန်းဒည်း အီကဆီုဝ်ကဆဲင် တႎါႇရာဟာန်တာဗိုင်းရပ်စ်နီန် လိုတခေါရ်အယ်နံပ် ဘည်နှဲပ္လူဒဲႈတီုင်ခေါခါႇဂဲ ကာည်း ဘည်လိုဒံန်ခြဲ အီကဆီုဝ်ကဆဲင် တႎါႇရာရောဂါနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists