ပရဝ်ခိုတင်၊ ပ္လေအီညှံမ်ပဒူႈဒိူန် ဂေါႇပ္လေဒါင်းပဒူႈ ကောန်အီမာည်း(2)အီးယံမ်း
04 May 2026
ပရဝ်ခိုတင်၊ ပ္လေအီညှံမ်ပဒူႈဒိူန် ဂေါႇပ္လေဒါင်းပဒူႈ ကောန်အီမာည်း(2)အီးယံမ်း
ကိုက်ခည်း၊ ကျံရ်ဖံန်၊ ဆငည်း(4)
ဆဒါင်ကုင်တအာင်း
ကုင်တအာင်း၊ အိူင်ကိုက်ခည်း၊ လှံင်ကိုက်ခည်း၊ ပရဝ်ခိုတင်၊ ပ္လေအီညှံမ်ပဒူႈဒိူန် ဂေါႇပ္လေဒါင်းပဒူႈ လံက်ကောန်အီမာည်း(2)အီးကတူႈယံမ်းဟာဝ်း။
ဘည်မိုႈဘာည်းဘည်အ်ုန် အခိင် ခီညှာ(10:00)နြီထာန်နီး မာည်းအိုက်မောက် ဘိူန်းအဆာက်(18)ဆန်ုမ် ကာည်း မာည်းအိုက်လဝ ဘိူန်းအဆာက်(22)ဆန်ုမ် ဂါရ်အာရ်အီးဒီန် တိူဝ်ႈဒိူန်ပ္လေဘျုင်(80 မမ)ခေဲင်ဂါင် ဘ်ုန်ဂါရ်ကာမ် ပ္လေဘျုင်ဒီန်စီပဒူႈလံက်ဟာဝ်းဂါရ်ယံမ်းဟာဝ်းပွံတ် ဒီပဲန်အမှုကဆီုဝ်ဒီန်အောႏ။
ဂေါႇပ္လေဘျုင်ပဒူႈဘည်ဒီန် ဂြိုခြီုင်းဂေါည်ခေဲင်ဂါင်မာ် လူလှဲဝ်ႈဟာဝ်း။ ပ္လေဘျုင်ဒီန် ဂါရ်ဒေဲႈဒိူဝ်နှာရိူဝ်ႇ။ ကောန်အီမာည်း အာရ်အီးယံမ်းဟာဝ်းဒိူန် ကူန်ရဝ်မာဂါင်ဂဲ ကဇောည်တိုည်းဟာဝ်းဒီယံမ်းအီ။
ဆဲႈဒီန် ဘံန်ဟောည်ႇဒေဲႈ ကျံရ်အိုည်၊ ဆငည်း(25) ပလှံင်ကိုက်ခည်း၊ ပ္လေညှ့မ်ပဒူႈဒိူန် ကောန်ကညောမ်(2)အီး ကာည်း ကောန်အီပ်ုန်အူအီး ကတူႈဖေးဘာတ်။
ဒီဟောည်ႇပဲန်ဒေဲႈပ္လေါည်ကတီုက်ကပဴင် အရာပ်အရာ ကာည်း ခေဲင်ရဝ် ဂြိုခြီုင်းဆီုက်ညှံမ်ပဒူႈဂဲဒိူန် ဆာ်ကူန်ရဝ်မာဂါင်အယ်ဂဲယိူဝ်းမာ် ဒါနောႈအယ်တိူဝ်ႈ၊ တိူဝ်ႈႎီရ်ကဒါႇဂါင်ဂေါည် ကာည်း အာဝ်ဘိူန်းတိူဝ်ႈကနိုက်။ ဆာ်အယ်ယိူဝ်းဂြိုခြီုင်းဂဲဒီန် တိုန်းဆဒါင် ကနာည်နှာင်းဘိူန်းတိူဝ်ႈႎီုန်း မှာန်းမေတ္တာရံပ်ခါန်း ကစုကပိုမ်ကဇောည်ရေဲန်ဟာဝ်းဇီုင်းအူလှေနီးအောႈ။
#PSLF/TNLA
#တီုင်ပ္လေႈလေႈဆဒါင်
Comment Lists