ကုင်တအာင်း၊ လှံင်ကိုက်ခည်း၊ လှံင်အိုမ်ငျံရ်၊ လှံင်အေဲမ်ခြီရ် ကာည်း လှံင်မိုဂူႈ ခေဲင်ကျံရ်ဖံန်နီန်း ပဲန်ငံရ်က္လိုႇ(5)လိူဝ်ႈ၊ ကဆူမ်းဟာဝ်းရိူန်း(641)ဆဲန်လှိူဝ်း။

ခေဲင်ကျံရ်ဖံန်ဒိူန် ဆီုက်ဘြာန်ဇေဝ်ဂဲ ဘည်ဒါႈဇံင်းအူန်း ကတီုက်ကပဴင်မာ် ဂဲဒါယာင်ပ်ုရ် ရောတ်ဒေဲႈပဴင်ဟာဝ်း ပ္လေဘျုင် ပလှံင်နောင်ချှို၊ မိုဂူႈ၊ မာဝ်းဓံင်း၊ ကုင်ငှေါ၊ မိူင်လိုင် ကာည်း ရူကော (26)လိူဝ်ႈ၊ ဒါပ္လေဒါင်း ပဴင်(776)ပိုင်၊ ဒါဒရိုန်း ပဴင် (329)ပိုင် ကာည်း ဒါပ္လေဘျုင်မိူဝ်ႈကောင် (114)ပိုင်၊ ဂေါႇပ္လေဘျုင်ပဴင်ဆီုက်ဘြာန်ဂဲ ကူန်ရဝ်မာဂါင် အီယံမ်းဟာဝ်း ဂေါည်(8)အီး ၊ အီကတူႈဖေးဘာတ် ဂေါည်(18)အီး ဂါင်မာ် မိူဝ်ႈအီလူလှဲဝ်ဟာဝ်းဂီုန်း။

ကုင်တအာင်း၊ ခေဲင်ကျံရ်ဖံန်နီန်း ဂေါႇမဴင်ပ်ုန်ဓီရ်ဆီုက်ဘြာန်ဂဲ ကူန်ရဝ်မာဂါင် ယံမ်းဟာာဝ်း(2)အီး၊ (3)အီး ကတူႈဘာတ်ဒါင်း။

ခေဲင်ကုင်တအာင်း၊ ပ်ုန်ကယေင်ရေဲန်ပ္လေါည်ႎိူဝ်ႈထီ လိူဝ်ႈ(24)နီန်း ကညားအီဘိူန်းဟာဝ်း ဆုဒါင်း (500)ဆဲန် မိုႈ လိုည်းအီစာမည်(မ်ု) ဂေါည်ဇံင်(8) လှံင်ကိုက်ခည်း ။

ခေဲင်ကျံရ်ဖံန်နီန် ဖုင်ဘေဲႇတအာင်း -TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်ကုင်တအာင်း ရဝ်(7)ရဝ်။

ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်လံင်တာ့် ကောန်ဒဲႇ(2)အီး တိူဝ်ႈဒေကနိုက်မဴင် မဴင်ဒီန်စီပဒူႈ လံက်ဟာဝ်း ကတူႈဖေးဆဲဝ်ဒါင်း။

ကုင်တအာင်း၊ အိူင်မာဝ်းႎံင်း၊ လှံင်ဆဘော၊ ပဇံင်အိုက်စီန်း(အုတ်ကျင်း) ပဲန်ငံရ်က္လိုႇဟာဝ်း ကျောင်စဝ်အူကျောင်။

ကုင်တအာင်း၊ အိူင်အိုမ်ယ်ုရ်၊ ခေဲင်လှံင်မာဝ်းႎံင်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်း‌ဒေတိုည်းတိုအီးကဇိူရ်ႈကယံင်းခံင်ယိူည်ႇ(4)အီး ခေဲင်လှံင်မာဝ်းႎံင်း။ ဘည်မိုႈဘည်ဘာည်းအ်ုန် ကျံရ်(3)၊ ဆင

ကုင်တအာင်း၊ အိူင်ကိုက်ခည်း ၊ ပလှံင်ကိုက်ခည်း၊ တံပ်အွံရ်ပ်ုန်လောတ်ကပီုန်တအာင်း PSLF/ TNLA ဖုင်ဒံန်ခြဲတြားဥပေဒေဂဲ ဘိူန်းဒေတိုည်းတိုအီး ကဇိူရ်ႈကယံင်းခံင်ယိူည်ႇ ကောန်အီးပ်ုန် (1)အီး။