ကုင်တအာင်း၊ အိူင်အိုမ်ယ်ုရ်၊ လှံင်မာဝ်းႎံင်း၊ ဇံင်(2)မိူင်ကိုင်း၊ ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ်ရောတ်ဒေဲႈပ္လေႈပ္လေဘျူင် ဒီတံပ်ဆခါန်းပျီမ်(501)အောႏ။

ကုင်တအာင်း၊ အိူင်အိုမ်ယ်ုရ်၊ လှံင်ကုင်ငှေါ၊ စဝ်ဒါင်းကျောင်ရဝ်မာမို့ ပဓာနနာယက ဘဒ္ဒန္တဣန္ဒက မဟာထေရ် အဆာက်(90)ဆန်ုမ်၊ သိက္ခာတော်(70)ဝါ လောန်ဟာဝ်း ဂေါႇရောဂါ(96)ပါး ခည်မိုႈ ဆန်ုမ်-1386၊ ကျံရ်တပို့တွည် ဆငည်း(13) ဆငည်းချြံင်ဆီ အခိင်ခီညှာ(11:45)မိနေတ်ဒိူန် ။

အိုမ်ဘြည်ကတာည်းဒီဘြောင်ချှာင်ဟာဝ်း တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒဲႈပဴင် ပ္လေဘျုင် စီလံက်ဟာဝ်း တိုအီးရဝ်(13)အီးယံမ်း၊ (36)အီးကတူႈဘာတ်။

တံပ်အွံရ်ပ်ုန်လောတ်ကပီုန်တအာင်း PSLF/TNLA အီမိုႈဌာန တီုင်ကောန်အီပ်ုန်ဟြေဲဒါင်းဇာရ်ဂဲ ခေဲင်ကျံရ်အာရ်နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(20)ရဝ်။

ကုင်တအာင်း၊အိူင်အေဲမ်ခြီရ်၊ ပလှံင်မူစဲ မိူင်ယု(105)လှာ့် ဂါရ်ကောန်ကူန်(2)အီး ဂေါႇကူန်အ်ုန် ယံမ်းဘိီရ် ဆဲင်ကယ်ဂေႈကပ္လါႇကောန်အ်ုန် စီကတူႈဖေးဆဝ်။

ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပဇံင်ႎေင်ဆာ ဂေါႇရောင်ကတာည်းထာင်​ဂေႈတက်ုတ် ကောန်ဒဲႇ(1)အီးယံမ်း၊ (1)အီးကတူႈဖေးဆဲဝ်။

ကုင်တအာင်း၊အိူင်အေဲမ်ခြီရ်၊ ပလှံင်မူစဲ မှိုင်ယု(105)လှံက်ဒီန် ​ဂေါ,မို;ကော;ချာ်န်းကား စီပဲန်ဒူ; ဟာဝ်းတံင်ငံရ်ရာင်(1)အီးယံမ်း၊(2)အီးကတူဖေးဆဲဝ်ဒါင်။

ဂေါႇမိုႈ ငံရ်ယံတ် ရောတ်အခိင်ခိညှာ စီယောငံရ်ဆျှောတ် ခေဲင် (Transformer) စီဟာဝ်းငိူပ်ဒေတိူရ်ႈ စီယိူဝ်းတိုးယံမ်းအူန်း အီးမာည်းဒီန်

ဂေါႇဆီုက်ဘြာန်ကဲ ပဴင်ပ္လေဒါင်းဘည်ဒီန် ပ္လေဒါင်းစီဇောႈပဒူႈ တေဲင်ဂါင်တာဆာန်ဆျှိူည် အီဂေါည်ခေဲင်ဂါင်ဒီး (6)အီး ခေဲင်ရဟောမ်ရမာ်ကဲ (2)အီးယံမ်းဟာဝ်း (4)အီးကတူႈဟာဝ်းဖေဆဝ်း