ခေဲင်အူကျံရ်နီန် PSLF/TNLA တီုင်ကောန်အီပ်ုန်ဟြေဲဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား ခေဲင်ရဝ်(20)ရဝ်
ကုင်တအာင်း၊ ကျံရ်အာရ်၊ ဆငည်း(28)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း PSLF/TNLA အီမိုႈဌာန တီုင်ကောန်အီပ်ုန်ဟြေဲဒါင်းဇာရ်ဂဲ ခေဲင်ကျံရ်အာရ်နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(20)ရဝ်။
ပ်ုန်လေႈဒေင် ဒဲႈလော်င်ပိင်ငျာ ပ်ုန်နံပ်ဆမားကဲဒီန်မိုႈ ခေဲင်လှံင်အိုမ်ယ်ုရ် ရဝ်(14)ရဝ်၊ ခေဲင်လှံင်အိုမ်ငျံရ် ရဝ်(5)ရဝ် ကာည်း ခေဲင်လှံင်ကိုက်ခည်း ရဝ်(1)ရဝ်။
ပ်ုန်ဒဲႈလော်င်ပိင်ငျာ တကူန်ရဝ်မာဂါင်ဂဲ ခေဲင်ရဝ်ကဲဒီန် လံပ်ဘြောင်ရိူန်းခြီရ် ကာည်း ကောန်အီပ်ုန်၊ အခွါင်းအရေးကောန်အီပ်ုန်၊ အခွါင်းအရေးကောန်ဒဲႇ၊ ဇိုဇာတ်ရဟောမ်ရမာ ကာည်း ကောန်အီပ်ုန်၊ အဆာက်ညှံမ်နိုက် ခံတ်ဇေဝ်း ကာည်း ဘည်ခ္လါည်း အဆာက်(10)ဆန်ုမ်လေႈ။
ဘည်ဒဲႈပိင်ငျာ ပ်ုန်နံပ်ဆမားဒီန် လှံင်အိုမ်ယ်ုရ်၊ လှံင်အိုမ်ငျံရ် ကာည်း လှံင်ကိုက်ခည်း ကူန်ရဝ်မာဂါင်ဂဲ ကစုကပိုမ်ဂေါည် (959) အီး ဟိုက်ဒေဲႈ ကမိုန်ဟာဝ်း။
ဘည်ကဆီုဝ် PSLF/TNLA တီုင်ကောန်အီပ်ုန်ဟြေဲဒါင်းဇာရ်ဂဲ ဘ္လရေဲန်ဟာဝ်း ရေဲန်ဇီုင်းကာန် လံပ်နဘာည်းတေဲင် ကောန်အီပ်ုန် နံင်ယောမ်ဟာဝ်း ခေဲင်ကုင်တအာင်း၊ ဖီုက်လျှံင်ပဇာရ်ကောန်အီပ်ုန် ကာည်း ဇီုင်းကာန်လံပ်တခေါရ်၊ ဇီုင်းကာန်ဟျံင်ႎဲ့ ကာည်း ဇီုင်းကာန် နံင်ရိူန်းလီပ်ကပါ်ႇကပံန်ကဲနီန်။
ဘံန်ဟောည်ႇဒေဲႈ ခေဲင်ကျံရ်အူဒိူန်မာ် လေႈဒေင်ဒဲႈဟာဝ်းလော်င်ပိင်ငျာ ခေဲင်လှံင်အိုမ်ငျံရ် ရဝ်(9)ရဝ်၊ ခေဲင်လှံင်ကုင်ငှေါ ရဝ်(3)ရဝ် ကစုကပိုမ် ကူန်ရဝ်မာဂါင်ဂဲ ဂေါည်(375)အီး ဟိုက်ဒေဲႈ ကမိုန်ဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists