ယဲအီမိုႈ တီုင်ပ္လေႈလေႈဆဒါင် စေတ်ဆေးယိူဝ်း မိူဝ်ႈအီဒါဇီုဝ် ဖုင်းကပါဝ်း PSLF/TNLA၊ Logo၊ လာင်ယာန် ကာည်း ဘည်မိုႈဘည်ဘာည်း ႎိူဝ်ႈဒါအကောင့်ငါည် Facebook တေဲင်အောန်လဴင် ဒါဇီုဝ် "PSLF/TNLA News" နီန် ႎိူဝ်ႈဒါငါည်Pageကျာအူလှေ အီရေဲန် Follower တPageဂဲ အ်ုန်ဂေါည် (3,500)လှိဝ်း၊ အ်ုန်ကိက်ရေဲန်ဘည်မိုႈ ဖုင်ကပါဝ်း PSLF/TNLA ဟြာင်းဆဒါင်ကျာ၊ ဆဒါင်ကလူည်ႇ ကာည်း ရေဲန်ကိက်ကဆာင်းဟာဝ်းဘည်တဂေန်းအ်ုန် တေဲင်အောန်လဴင် ဘည်မိုႈဘည်ဘာည်း ဘည်ယိူဝ်းအ်ုန်ရာင်ဒေ။

ပလှံင်အေဲမ်ခြီရ်၊ ဘံန်ဟောည်ႇ ကျံရ်ဖံန်၊ ဆငည်း(2) ဖုင်ပလိက်ကုင်တအာင်းဂဲ ရေဲန်ဇီုင်းကာန်စေတ်မေန်းဟာဝ်းခေဲင်အရာပ်အရာ ဘိူန်းတိုည်း ကညားအီဒါခံင်ယိူည်ႇ တာမောကျိူက်ဖေ့ ဘိူန်းအဆာက်(40)ဆန်ုမ်၊ တာအာကိုင် ဘိူန်းအဆာက်(32)ဆန်ုမ် ကာည်း တာဇော်မျိုးထူန် ဘိူန်းအဆာက်(30)ဆန်ုမ်အောႏ။

ကုင်တအာင်း၊ အိူင်အိုမ်ယ်ုရ်၊ ပလှံင်ကုင်ငှေါ ခေဲင်ကျံရ်အိုည်နီန် ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ(19)အီး ကာည်း တိုအီးကဇိူရ်ႈကယံင်းခံင်ယိူည်ႇ(2)အီး။

ခေဲင်ကုင်တအာင်း ကနာည်နံင်ဇံင်းမံင်ဟာဝ်း ဆဖာဝအရာပ်အရာ ကာည်း အခွါင်းအရေးဟျံင်ႎဲ့ ကူန်ရဝ်မာဂါင် ကဲ PSLF/TNLA - လူမ်ဒံန်ခြဲငိူပ်မေန်းအိုမ်ဘြည်ကတာည်းကဲ ဘ္လံက်ချဟာဝ်းကတာည်း ဧက (2) ဆဲန်လှိူဝ်း ခေဲင်အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း ကာည်း အိူင်အေဲမ်ခြီရ် ခေဲင်ဆန်ုမ် (2025) အောႏ။