ခေဲင်ကုင်တအာင်း ကနာည်နံင်ဇံင်းမံင်ဟာဝ်း ဆဖာဝအရာပ်အရာ ကာည်း အခွါင်းအရေးဟျံင်ႎဲ့ ကူန်ရဝ်မာဂါင် ကဲ PSLF/TNLA - လူမ်ဒံန်ခြဲငိူပ်မေန်းအိုမ်ဘြည်ကတာည်းကဲ ဘ္လံက်ချဟာဝ်းကတာည်း ဧက (2) ဆဲန်လှိူဝ်း ခေဲင်အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း ကာည်း အိူင်အေဲမ်ခြီရ် ခေဲင်ဆန်ုမ် (2025) အောႏ။

ကုင်တအာင်း၊ ခေဲင်ကျံရ်ကိူရ်အူနီန်း ဖုင်ပလိက်ကုင်တအာင်းဂဲ ဘိူန်းတိုည်း တိုအီး ကရိူရ်ႈကယံင်းခံင်ယိူည်ႇ(9)အီး ကာည်း တိုအီး ဒါခံင်ယိူည်ႇ(30)အီးဒီန် လှံင်ကိုက်ခည်း၊ လှံင်မိုဂူႈ၊ လှံင်မိူင်းလိုင် ကာည်း လှံင်ရူကော။

ကုင်တအာင်း၊ အိူင်မိုဂူႈ၊ လှံင်မိူင်လိုင်၊ ပရဝ်ကော်ပေါင် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် လံက် စဝ်ဒါင်းအီအံက်ခေဲင်ကျောင် လောန်ဟာဝ်း ၊ စဝ်ဆာင်ခါ(5)ပါး၊ ကောန်ဒဲႇအူအီး ကာည်း တာဂံတ်(1)အီး ကတူႈဘာတ်။