ဖုင်ပလိက်ကုင်တအာင်းဂဲ ဘိူန်းတိုည်း အီကဇိူရ်ႈကယံင်းအရေးခံင်ယိူည်ႇ(3)အီး ကာည်း ကညားအီဒါခံင်ယိူည်ႇ (13)အီး ပလှံင်အေဲမ်ခြီရ် ကာည်း လှံင်အေဲမ်ငူည်
07 May 2026
ဖုင်ပလိက်ကုင်တအာင်းဂဲ ဘိူန်းတိုည်း အီကဇိူရ်ႈကယံင်းအရေးခံင်ယိူည်ႇ(3)အီး ကာည်း ကညားအီဒါခံင်ယိူည်ႇ (13)အီး ပလှံင်အေဲမ်ခြီရ် ကာည်း လှံင်အေဲမ်ငူည်
အေဲမ်ခြီရ်၊ ကျံရ်ဖံန်၊ ဆငည်း(7)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ် ဖုင်ပလိက်ကုင်တအာင်းဂဲ ဘိူန်းတိုည်း ကောန်အီပ်ုန် ကဇိူရ်ႈကယံင်းအရေးခံင်ယိူည်ႇ(3)အီး ကာည်း ကညားအီဒါခံင်ယိူည်ႇ (13)အီး ပလှံင်အေဲမ်ခြီရ် ကာည်း လှံင်အေဲမ်ငူည်။
ပလှံင်အေဲမ်ခြီရ်၊ ဘံန်ဟောည်ႇ ကျံရ်ဖံန်၊ ဆငည်း(2) ဖုင်ပလိက်ကုင်တအာင်းဂဲ ရေဲန်ဇီုင်းကာန်စေတ်မေန်းဟာဝ်းခေဲင်အရာပ်အရာ ဘိူန်းတိုည်း ကညားအီဒါခံင်ယိူည်ႇ တာမောကျိူက်ဖေ့ ဘိူန်းအဆာက်(40)ဆန်ုမ်၊ တာအာကိုင် ဘိူန်းအဆာက်(32)ဆန်ုမ် ကာည်း တာဇော်မျိုးထူန် ဘိူန်းအဆာက်(30)ဆန်ုမ်အောႏ။
မိုႈဘိုး ကျံရ်ဖံန်၊ ဆငည်း(3) အခိင်ရဆံန် ဖုင်ပလိက်ကုင်တအာင်းဂဲ ဘိူန်းတိုည်းဘို ကညားအီဒါထံင်ယိူည်ႇ ကဂေါပ်တောပ်ဂြိုခြီင်ကနာည်နှာင်းဒါခေဲင်ခံင်ယိူည်ႇ တာဝူန်မျတ် ဘိူန်းအဆာက်(55)ဆန်ုမ်၊ တာအိုက်ဆမ် ဘိူန်းအဆာက်(60)ဆန်ုမ်၊ တာအိုက်ကျွဲ ဘိူန်းအဆာက်(47)၊ တာအိုက်ယေအံင်ဆာ ဘိူန်းအဆာက်(32)ဆန်ုမ်၊ တာအိုက်လာန် ဘိူန်းအဆာက်(33)ဆန်ုမ်။
ပလှံင်အေဲမ်ငူည်၊ ရဝ်မာန်ကောင် ဖုင်ပလိက်ကုင်တအာင်းဂဲ ဘိူန်းဆဒါင်ဒါႈယိူဝ်းအီကဇိူရ်ႈကယံင်းခံင်ယိူည်ႇ ဘ်ုန်ဟောည်ႇဒေဲႈ ကျံရ်ဖံန်၊ ဆငည်း(1)ဒိူန် ဟာဝ်းစေတ်မေန်းယိူဝ်း ယာအာည်မိုးအူး ဘိူန်းအဆာက်(28)ဆန်ုမ်၊ မာည်အလုမ် ဘိူန်းအဆာက်(52)ဆန်ုမ် ကာည်း တာငိုဆီ ဘိူန်းအဆာက်(52)ဆန်ုမ် ယိူဝ်းတောပ်ကအာင်းဆနံမ်ပဲန်နောႈမှာည်(31)ထုတ်၊ ခေဲင်ကဘဲဝ်မာ် (1)ကဘဲဝ်၊ ခံင်ယိူည်ႇလူည်(3)ကဘဲဝ်။
ဘ်ုန်ဟောည်ႇဒေဲႈ ကျံရ်ဖိုန်၊ ဆငည်း(30) ဖုင်ပလိက်ကုင်တအာင်းဂဲ ရေဲန်ဇီုင်းကာန်လီပ်စေတ်မေန်းခေဲင်အရာပ်အရာဒီန် ဘိူန်းတိုည်းကညားအီဒါခံင်ယိူည်ႇ မာည်နဲင်အံင် ဘိူန်းအဆာက်(18)ဆန်ုမ်၊ တာညီထိင် ဘိူန်းအဆာက်(31)ဆန်ုမ်၊ တာနဲင်ကောင် ဘိူန်းအဆာက်(41)ဆန်ုမ်၊ တာနဲင်ထေး ဘိူန်းအဆာက်(53)ဆန်ုမ် ကာည်း တာနဲင်ဘေး ဘိူန်းအဆာက်(46)ဆန်ုမ် ကဂေါပ်တောပ်ဂြိုခြီုင်ပ်ုန်ဒါတောပ်ခံင်ယိူည်ႇအောႏ။
ဆာ်မိုႈ ပ်ုန်ဘိူန်းတိုည်းတိုအီးကဇိူရ်ႈကယံင်း ကာည်း တိုအီးဒါခံင်ယိူည်ႇကဲနီန် တံပ်အွံရ်ပ်ုန်လောတ် ကပီုန်တအာင်း-PSLF/TNLA နှာင်းဘြဲဆာင်းဒဲႈအကျံင်ဂဲ ပဂါင်ဆငါးကာည်း နှာင်းဆီုပ်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။
ပ်ုန်ကယေင်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈ အရေး ခံင်ယိူည်ႇနီန်မိုႈ တိုအီးဒါခံင်ယိူည်ႇခေဲင်အရာပ်တကြာက်အယ်ကာည်း တိုအီးကဇိူရ်ႈကယံင်း ခံင်ယိူည်ႇကဲနီန် မောကံပ်ယောမ်ဟာဝ်း၊ မောကံပ်ဘယ်ထိင်ဒံန်ခြဲဒဲႈ ဘံန်နံင်ဒေဲႈ ကောန်တဘိုက်ဂဲကာည်း မောကံပ်ဘယ်ရေဲန်ပဇာရ်ဒဲႈ လံပ်ကတ်ုမ်ဇိုဇာတ်တိုအီးယေန်ငံင်။ ဆဲႈဒီန် မောကံပ်ဇီုင်းကာန် ဘ္လီုက်လှူပ်တြားဥပဒေ ကတာ်န်းကႎျှံန်း ၊ ခေါခါႇကနာည်ကူန်ရဝ်မာဂါင်ဂဲ ကာည်း ပ်ုန်နံပ်ပ်ုန်ဆမား ဇိုဇာတ်တိုအီးအယ် မောကံပ်ကဟိုက်ကဟာဝ်းဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists