06 June 2025

ပ္လေါည်ဝိူဝ်ႈထီ လိူဝ်ႈ (24)နီန် ကညားအီပ်ုတ်ဟာဝ်း ဆုဒါင်း(500) မိုႈ အီဂေါည် လှံင်ကိုက်ခည်း 

ကုင်တအာင်း၊ ကျံရ်တောရ် ဆငည်း (2)

ခေဲင်ကုင်တအာင်း၊ ပ်ုန်ကယေင်ရေဲန်ပ္လေါည်ႎိူဝ်ႈထီ လိူဝ်ႈ(24)နီန်း ကညားအီဘိူန်းဟာဝ်း ဆုဒါင်း (500)ဆဲန် မိုႈ လိုည်းအီစာမည်(မ်ု) ဂေါည်ဇံင်(8) လှံင်ကိုက်ခည်း ။

ကနာည်ရိူန်းဒူး လံပ်ပိင်ငျာ ခေဲင်ကုင်တအာင်းနီန်း ကောင်ဆံရ်ဇီုင်းပိင်ငျာကုင်တအာင်း -TLECဂဲ ဆာ်ႈအွံရ်ရေဲန်ဟာဝ်း ပ္လေါည်ဝိူဝ်ႈထီ လိူဝ်ႈ (24) ခေဲင်ကုင်တအာင်းအူဒီ ကျံရ်(6) ဆငည်း(1) အခိင်ခီညှာဒိူန်။

အက္ခရာ ဆုဒါင်း(500)ဆဲန် မိုႈ C-85195၊ ဆဲႈဒါႇ ဆု(500)ဆဲန် အ်ုန်တောပ် ဆု(100)ဆဲန် (1)ဆု၊ ဆု(50)ဆဲန် (1)ဆု၊ ဆု(30)ဆဲန် ဆု(2)ဆု၊ ဆု(10)ဆဲန် (3)ဆု၊ ဆု(5)ဆဲန် (4)ဆု ၊ ဆု(2)ဆဲန် (50)ဆု ကာည်း ဆုဂဏန်းအီနှေရ်ရဘံန်း(3)ပိုင် တဆု(500) (22)ဆု ကစုကပိုမ် ချဒဲႈဟာဝ်းဆု(84)ဆု။

ဘံန်ဟောည်ႇဒေဲႈ ကျံရ်ဖံန် ‌ပ္လေါည်ႎိူဝ်ႈထီ လိူဝ်ႈ(23)ဒိူန် အ်ုန်အီဘိူန်းဟာဝ်းဆု ဒါင်း(500)ဆဲန် မိုႈ တာအစေင် ဂေါည်ရဝ်ခ်ု လှံင်အိုမ်ယ်ုရ်၊ အက္ခရာပ်ုန်ဘိူန်းဟာဝ်းအ်ုန် မိုႈ (A-78097) အောႏ။

ခေဲင်ဆန်ုမ် 2024-2025ဒိူန် ဘယ်ဒေႎိူဝ်ႈဟာဝ်း ကျောင်ပနောဘေဲႇ ကစုကပိုမ်(600)ကျောင်လှိူဝ်း၊ ကောန်ကျောင်အီဟိုက်ဂေါည် (66000)အီလှိူဝ်း ကာည်း တာဆြာ/ယာဆြာအီပနောဂေါည်(3500)လှိူဝ်း၊ ဆန်ုမ်နံင်‌ဒေဲႈ 2025/2026 နီန် နံင်ဆီုပ်ႎိူဝ်ႈ ဟာဝ်းဘိုး   ကျောင်ပနောဘေဲႇ (700)ကျောင်လှိူဝ်း ခေဲင်လှံင်အီကီုတ်ကဲဒိူန်။

ကနာည်ကျောင်ပနောဘေဲႇ  ပ်ုန်လိုရိူန်းဒူး ကာည်း ကနာည်ရာဆျှီန် တာဆြာ/ယာဆြာ(3500)အီးလေႈကဲဒီန် ရိူန်းပ်ုန်ဘိူန်းတယံင်းထီနီန်း စီကဇောည်ဒဲႈဟာဝ်း တာဆြာ/ယာဆြာဂဲ၊ ဘည်ကဆီုဝ်ကူန်ရဝ်မာဂါင်ဂဲ အီဂေါည်ခေဲင်အရာပ်အရာကဲနီန် ကနာည်နံင်ဇောည်ဒဲႈ လံပ်ပိင်ငျာကောန်ဒဲႇဂဲ ခေဲင်ကုင်တအာင်းနီန်း မှာန်းအယ်တောန်အီး ကဇောည် ထိုးဒဲႈထီတအာင်းနီန်အောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း