ခေဲင်ကျံရ်ဖံန်နီန် ဖုင်ဘေဲတအာင်း -TLAဂဲ ရေဲန်ဟောည်,ဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်ရဝ်(7)ရဝ်
06 June 2025
ခေဲင်ကျံရ်ဖံန်နီန် ဖုင်ဘေဲတအာင်း -TLAဂဲ ရေဲန်ဟောည်,ဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်ရဝ်(7)ရဝ်
ကုင်တအာင်း၊ ကျံရ်တောရ် ဆငည်း(2)
ဆဒါင်ကုင်တအာင်း
ခေဲင်ကျံရ်ဖံန်နီန် ဖုင်ဘေဲႇတအာင်း -TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်ကုင်တအာင်း ရဝ်(7)ရဝ်။
ဆာ်မိုရဝ်ပ်ုန်ဟောည်ႇပနောဟာဝ်းမိုႈ ခေဲင်လှံင်မိုဂူႈ ရဝ်စောက်ကြမ်း၊ ဆီင်ခွာ၊ ရဝ်ယေအေး၊ ဘောလုံးကျီး၊ ခေဲင်လှံင်မှိုမ်မီုတ် ရဝ်ဆျှိုည်ဖီတာန် ကာည်း လှံင်ကုင်ငှေါ ရဝ်ပျိန်းအီင်။
ခေဲင်ႎါင်ပနောဒီန် အီဟိုက်ႎါင်ပနော ကောန်အီမာည်း ဂေါည်(89)အီး ကောန်အီပ်ုန် ဂေါည်(116)အီး အီဟိုက်ဟောည်ဟာဝ်း ဓါင်ပနောကဲနီန်း ဖုင်ဘေဲႇတအာင်း- TLAဂဲ အာပ်ဒဲႈပ္လါဘေဲႇလှိုပ်ဂုင် (Certificate)တဂဲ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇလူမ်တအာင်းနီန် မိုႈ နံင်ဘေဲႇလူမ် တအာင်းအယ် မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုဝ်းတအာင်း ပိုင်းကြောႈ နံင်ကနှေရ်၊ နံင်တောန်တီုင်ဌာန ဘိူန်းလီပ်ပနော လောင်ပိင်ငျာဘေဲႇလူမ်တအာင်းနီး၊ နံင်ကြောႈကူန်တာမာယာအယ် အာဝ်ဟြာည်ႇကမာ်ႈ ၊ နံင်အီးရံပ်ဇီုင်း ကပ္လိူင် တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ နံင်ကံပ်ဘယ်ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိူဝ်းတအာင်း ကနာည်နံင်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဒဲႈဟာဝ်း ဖာဆာဘေဲႇလူမ်တအာင်းနီန်းတောန်နဲအောႏ။
ဘံန်ဟောည်ႇဒေဲႈ ကျံရ်ဖံန်ဒိူန် ဖုင်ဘေဲႇတအာင်း -TLAဂဲ ဘယ်ဒဲႈဟာဝ်းႎါင်ပနော ခေဲင်လှံင်အေဲမ်ခြီရ်၊ လှံင်ရူကော၊ လှံင်မှိုမ်မှီတ် ကာည်း လှံင်မိုဂူႈ ကောန်ႎါင်ပနော ကစုကပိုမ်ဂေါည် (565)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists