ခေဲင်ကျံရ်ဖံန်ဒိူန် ဂေါႇဆီုက်ဘြာန်ဇေဝ်ဂဲ ဒါဒရုန်း ရောတ်ဒေဲႈပဴင် ပ္လေဘျုင်မိူဝ်ႈကောင် (114)ပိုင်း လံက်ဟာဝ်း ကူန်ရဝ်မာဂါင် (8)အီးယံမ်း၊ (18)အီး ကတူႈဖေးဘာတ်
06 June 2025
ခေဲင်ကျံရ်ဖံန်ဒိူန် ဂေါႇဆီုက်ဘြာန်ဇေဝ်ဂဲ ဒါဒရုန်း ရောတ်ဒေဲႈပဴင် ပ္လေဘျုင်မိူဝ်ႈကောင် (114)ပိုင်း လံက်ဟာဝ်း ကူန်ရဝ်မာဂါင် (8)အီးယံမ်း၊ (18)အီး ကတူႈဖေးဘာတ်
ကျံရ်တောရ် ဆငည်း(4)၊ ဆဒါင်ကုင်တအာင်း
ခေဲင်ကျံရ်ဖံန်ဒိူန် ဆီုက်ဘြာန်ဇေဝ်ဂဲ ဘည်ဒါႈဇံင်းအူန်း ကတီုက်ကပဴင်မာ် ဂဲဒါယာင်ပ်ုရ် ရောတ်ဒေဲႈပဴင်ဟာဝ်း ပ္လေဘျုင် ပလှံင်နောင်ချှို၊ မိုဂူႈ၊ မာဝ်းဓံင်း၊ ကုင်ငှေါ၊ မိူင်လိုင် ကာည်း ရူကော (26)လိူဝ်ႈ၊ ဒါပ္လေဒါင်း ပဴင်(776)ပိုင်၊ ဒါဒရိုန်း ပဴင် (329)ပိုင် ကာည်း ဒါပ္လေဘျုင်မိူဝ်ႈကောင် (114)ပိုင်၊ ဂေါႇပ္လေဘျုင်ပဴင်ဆီုက်ဘြာန်ဂဲ ကူန်ရဝ်မာဂါင် အီယံမ်းဟာဝ်း ဂေါည်(8)အီး ၊ အီကတူႈဖေးဘာတ် ဂေါည်(18)အီး ဂါင်မာ် မိူဝ်ႈအီလူလှဲဝ်ဟာဝ်းဂီုန်း။
ရဝ်အီဂေါည်ပလှံင်နောင်ချှို ကာည်း ဒီဂေါည်တံပ်နာန်းတအာင်း-TNLA ဆီုက်ဘြာန်ဂဲ ဒါယာင်ပ်ုရ် ရောတ်ပဴင်ဟာဝ်း ပ္လေဘျုင် (12)လိူဝ်ႈ၊ ဒါပ္လေဒါင်း ပဴင် (776)ပိုင်း၊ ဒါဒရိုန်း ပဴင်ပ္လေဘျုင် (329)ပိုင်း ကာည်း ဒါပ္လေဘျုင်မိူဝ်ႈကောင် (144)ပိုင်း။ ဂေါႇဘည်ဒီန် လံက်ဟာဝ်း ကူန်ရဝ်မာဂါင် (6)အီးယံမ်း၊ (14)အီး ကတူႈဖေးဘာတ်ဒါင်း ဂါင်ဂေါည် (8)ဂါင်မာ် လူလှဲဝ်ႏဟာဝ်းအောႏ။
ဆဲႈဒီန် ပလှံင်မာဝ်းႎံင်း ဆီုက်ဘြာန်ဇေဝ်ဂဲ ရောတ်ဒေဲႈပဴင် ပ္လေဘျုင် (2)လိူဝ်ႈ လံက်ဟာဝ်း ဂါင်ဂေါည် ကူန်ရဝ်မာဂါင် (2)ဂါင် လူလှဲဝ်ႏ။ ဂေါႇဆီုက်ဘြာန်ဇေဝ်ဂဲ ဒေဲႈပဴင်ဟာဝ်းပ္လေဘျုင် ခေဲင်လှံင်မိုဂူႈ ကူန်ရဝ်မာဂါင် (1)အီးယံမ်း၊ (1)အီး ကတူႈဘာတ်။ ဂေါႇပ္လေဘျုင်ဇောႈပဒူႈဘည်ဒီန် လံက်ဟာဝ်း ကျောင်စဝ် ကာည်း ဂါင် (18)ဂါင် လူလှဲဝ်ႏ။
ပလှံင်ကုင်ငှေါ ဆီုက်ဘြာန်ဂဲ ဘည်ဒါႈဇံင်းအူန်းကတီုက်ကပဴင်မာ် ဂဲဒါယာင်ပ်ုရ် ရောတ်ဒေဲႈပဴင်ဟာဝ်း ပ္လေဘျုင် (1)လိူဝ်ႈ၊ ပလှံင်မိူင်လိုင် ရောတ်ဒေဲႈပဴင် (3)လိူဝ်ႈထာန်နီန်။
မိုႈဘိုး ပလှံင်ရူကောမာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ပဴင်ဟာဝ်း ပ္လေဘျုင် (2)လိူဝ်ႈ၊ ကူန်ရဝ်မာဂါင် (1)အီးယံမ်း၊ (3)အီး ကတူႈဘာတ် တောပ်ဘိုး ဂါင်ဂေါည်(27)ဂါင် လူလှဲဝ်ႏဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists