ခေဲင်ကျံရ်ဖံန်ဒိူန် ဂေါႇမဴင်ပ်ုန်ဓီရ်ဆီုက်ဘြာန်ဂဲ ကူန်ရဝ်မာဂါင် ယံမ်းဟာဝ်း(2)အီး၊ (3)အီး ကတူႈဘာတ်ဒါင်း
06 June 2025
ခေဲင်ကျံရ်ဖံန်ဒိူန် ဂေါႇမဴင်ပ်ုန်ဓီရ်ဆီုက်ဘြာန်ဂဲ ကူန်ရဝ်မာဂါင် ယံမ်းဟာဝ်း(2)အီး၊ (3)အီး ကတူႈဘာတ်ဒါင်း
ဆဘော၊ ကျံရ်တောရ် ဆငည်း(2)၊ ဆဒါင်ကုင်တအာင်း
ကုင်တအာင်း၊ ခေဲင်ကျံရ်ဖံန်နီန်း ဂေါႇမဴင်ပ်ုန်ဓီရ်ဆီုက်ဘြာန်ဂဲ ကူန်ရဝ်မာဂါင် ယံမ်းဟာာဝ်း(2)အီး၊ (3)အီး ကတူႈဘာတ်ဒါင်း။
အ်ုန်အီဂေါည် ပလှံင်ဆဘော၊ ရဝ်ကိုင်ဆိုင် ကဝ်အီဇီုဝ်တားအာည်လာဝ် အဆာက် (32)ဒီန် အခိင်အ်ုန်ဟာဝ်း ဂေတ်ဟေင် တပြောရဲင်လိုင် ပတံပ်ဆခါန်းပြီမ်(23) ငျားဒေညဲ့မဲင် ပ်ုန်တီအူန်းဆီုက်ဘြာန်ဇေဝ်ဂဲ အာည်ႇနီန်။
ဆဲႈဒီန် ကျံရ်ဖံန် ဆငည်း(8)ဒိူန် ကဝ်အီဇီုဝ် တာအကျော် အဆာက်(31)ဆန်ုမ် အခိင်အ်ုန်ဟာဝ်းလာည်းရိူန်း တပိူဝ်အ်ုန် ႎီရ်ဒေဲႈ ရောတ်တဒေင် တံပ်ဆခါန်းပြီမ် ခမရ(503)ဂဲဒိူန် အ်ုန်စီရီန်းဒါနံင်ချှီဝ် ငျားဒေညဲ့မဴင် ပ်ုန်တီႇဆီုက်ဘြာန် ချှူမ်ဟာဝ်း ဇိူင်အ်ုန်အူကဒါႇ။
လှံင်မူစယ်၊ရဝ်မိူင်ယူ(105)လှာ့် ယာမ်မိုႈ ကျံရ်ဖံန် ဆငည်း(15)ဒိူန် အီဂေါည်ရဝ်တိုင်ခါန် ဇီုဝ်တားမာန်ဘဟာဒူး အဆာက်(40)ဆန်ုမ်ဒီန် အ်ုန်ဟျံင်မံက် အခိင်အ်ုန်ရလှဲဝ်ဒေ တည်းစီငျားဒေတက်ုတ်မဴင် ယံမ်းဟာဝ်းပွံတ် အခိင်ဒီန်အောႏ။
ကျံရ်ဖံန် ဆငည်း(24) ပလှံင်မိုဂူႈ အီဂေါည် ပလှံင်မှိူမ်မှီတ် ကဝ်အီဇီုဝ် မာည်းအံင်အံင် အဆာက်(25)ဆန်ုမ်ဒီန် စီငျားဒေညဲ့ဟာဝ်းမဴင် ဒီဂေါည်ဆီုက်ဘြာန် ခြူမ်းဗျူဟာမိူမ်မှီတ်(148) တဆခါန်းဒီပြီမ်(5)မဲင် ယံမ်းဟာဝ်းပွံတ်။
ကျံရ်ဖံန် ဆငည်း(29)ဒိူန် ပလှံင်အေဲမ်ခြီရ်၊ အီဂေါည်ရဝ်ကောင်ဝည်း အီမာည်းအူအီး အခိင်အ်ုန်ဟာဝ်းတိူရ်ႈကဆာ်ႈ အခိင်ရောတ် ရဝ်ဟိုပေါ်ဂိုး စီငျားညဲ့မဴင်အူပိုင်း ချှူမ်ဟာဝ်းဇိူင်ကဒါႇလတံမ်။
ခေဲင်ကျံရ်ဖိုန်ဒိူန် ဂေါႇမဴင်ပ်ုန်ႎီရ်ဆီုက်ဘြာန်ဂဲ ကူန်ရဝ်မာဂါင် (1) အီးယံမ်းဟာဝ်း၊ ကောန်ဒဲႇ(4)အီး ကတူႈဘာတ်ဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists