ဟြာင်းပ္လိူရ်ႈနှဲအူန်းဒါ TMS Student Code No ကနာည်ဘိူန်းပ္လါန် ဘည်ကဆီုဝ်အီဟြာင်းဟိုက်ကျောင် ပ်ုန်နံင်ႎိူဝ်ႈဟာဝ်း Tealand Medical School (M.B.B.S) လိူဝ်ႈ(1) ခေဲင်ကုင်တအာင်း
26 March 2026
ဟြာင်းပ္လိူရ်ႈနှဲအူန်းဒါ TMS Student Code No ကနာည်ဘိူန်းပ္လါန် ဘည်ကဆီုဝ်အီဟြာင်းဟိုက်ကျောင် ပ်ုန်နံင်ႎိူဝ်ႈဟာဝ်း Tealand Medical School (M.B.B.S) လိူဝ်ႈ(1) ခေဲင်ကုင်တအာင်း
အိုမ်ယ်ုရ်၊ ကျံရ်အိုည် ဆငည်း(26)
ဆဒါင်ကုင်တအာင်း
ပ်ုန်နံင်ႎိူဝ်ႈဟာဝ်းကျောင် “Tealand Medical School” အီဂေါည်ရခြူမ် ဖုင်ခေါခါႇ ကောင်ဆံရ်ကုင်တအာင်း ဘွည်ႇပိင်ငျာဆနံမ်း Bachelor of Medicine, Bachelor of Surgery (M.B.B.S) ကနာည်လိူဝ်ႈ(1)နီန် ခေဲင်ပ်ုန်ဟြာင်း ပနိုက်ဟံပ် ခေဲင်Email ကဲအီဘိူန်းပ္လါန်ကဲဒိူန် ဟည်တိုန်းပ္လေႈအူန်းဘေဲႇဒါ TMS Student Code Noအောႏ။
ဂေါႇဘည်ဒီန် ဘည်ကဆီုဝ်အီဟြာင်းဟိုက်ကဲဒိူန် ဘိူန်းအူန်းလီပ်စေတ်ဆေး တိူရ်ႈ ခေဲင်Emailအယ် လိုဘ္လဒါႈမိုႈ ဘည်လာက်ခါမ်ဘိူန်းဘေဲႇနီန်။
ဟည်ပ္လိူရ်ႈနှဲအူန်း ကဲအီဘိူန်းလီပ်ပ္လါန်ဘေဲႇ ကျံရ်အိုည် ဆငည်း(23)ဒိူန်။ နံင်ရေဲန်ဟာဝ်း ပ္လေါည်ကိက်ပ္လါန်ဘေဲႇ ကျံရ်ဖိုန် ဆငည်း(6) နံင်ထုက်ဒဲႈဟာဝ်းကဒ်ဘိူန်းလီပ်ပ္လါန်ဘေဲႇ ကျံရ်ဖိုန် ဆငည်း(1) ရောတ် ဆငည်း(3)။ ႎါည်ဒီန် နံင်ရေဲန်ဟာဝ်း ပ္လေါည်ပ္လါန်ဒါဟံမ်းကြောႈ ကျံရ်ဖိုန် ဆငည်း(7)။ ဆာ်မိုႈ စြာင်းအီဘိူန်းလီပ်ကဲဒိူန် နံင်ပ္လိူရ်ႈနှဲဟာဝ်း ဘံန်မိုႈကျံရ်ဖိုန် ဆငည်း(20)။ ဘည်ကဆီုဝ်အီအံင်ဘိူန်းဟိုက်ကျောင် ဘွည်ႇဆနံမ်းနီန် နံင်လိုဒေဲႈရောတ် ကျံရ်ဖံန် ဆငည်း(1) ဆာ်မိုႈ ကျံရ်ဖံန် ဆငည်း(4)ဒိူန် နံင်လိုဇူႈဟိုက်ဟာဝ်း ကျောင်ဆနံမ်း ပ်ုန်ႎိူဝ်ႈလှေနီန်။
ဆဲႈဒါႇဒီန် ဘည်ကဆီုဝ်ကောန်ကျောင်ဂဲ အီဘိူန်းလီပ်ပ္လါန်ဘေဲႇကာည်း ဆာ်မိူဝ်ႈ အီကဆီုဝ်ကဆဲင် အချာက်ပ်ုန်လိုဆမွံတ်ကဲနီန် ဆိင်ပ္လူႈဆဒိဒဲႈအယ်နံပ် ဘိူန်းအူန်းဆမွံတ်ဒေဲႈ ခေဲင် Official Facebook Page၊ Telegram Account ကာည်း Email အီမိုႈ Tealand Medical School နီန်အောႏ။
နံင်ဇူႈႎိူဝ်ႈဟာဝ်းကျောင် Tealand Medical School လိူဝ်ႈ(1)နီန် ဘံန်နံင်ဒေဲႈ ဆငည်း(4) ၊ ကျံရ်ဖံန် ၊ ဆန်ုမ်2026။ ကနာည်နံင်ဘယ်ပြိူဝ်ႈထိင်ဟာဝ်း ဘည်ပနောပိင်ငျာ အဆာင်းဇာရ်နီး နံင်လာက်ခါမ်ဟာဝ်း ကောန်ကျောင်(30)အီး၊ နံင်ပနောလှေင်ဟာဝ်း (6)ဆန်ုမ် ကာည်း ဇိုချီုင်ပနောဇီုင်း(1)ဆန်ုမ် ကစုကပိုမ် ဒီလှေင်အ်ုန်မိုႈ(7)ဆန်ုမ်။
ပ်ုန်ကယေင်ႎိူဝ်ႈဟာဝ်းကျောင် Tealand Medical School (M.B.B.S) လိူဝ်ႈ(1)နီးမိုႈ ကနာည်နံင်ဘယ်ထိင်ခြဲဒဲႈလံပ်ကတ်ုမ် ခေါခါႇကူန်ရဝ်မာဂါင်ဂဲ လှဲမ်နိုက်တောန်ကဒါႇ ကာည်း ကနာည်နံင်ဘယ်ပြိူဝ်ႈလေႈ ဖုင်ကပါင်းအူလှေ အီလှဲမ်နိုက်တောန်ကဒါႇ ခေဲင်ကုင်တအာင်းနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists